Nodi Khoje Hatimare Mae Jiu 10:2 - Buka Blahi Ka Cheke Holo

² Naikno te diꞌa gre mare neke dokha khora mala snoꞌo naikno te kuma gre neku. Nu iara magnahaghei nigho te snakre laodi ka khora tuare mala snoꞌo thedi. Naugna mare ne fahaehaghe fara ne ngolhi tafridi naikno te kuma re.

Nodi Khoje Hatimare Mae Jiu 10:2 ပူးပေါင်းရင်းမြစ်များ

Nodi Khoje Hatimare Mae Jiu 59:12

Nakhibo na au fabrahu ka foflodire eigna nodi chekere thono diꞌa fara. Te keli na nodi puhi fahaehaghe thedi tuare mala ke fakokhoanadi kolho thedi. Eigna mare tibri ghami ghehati na nei chaichaghi koba eghu.

Nodi Khoje Hatimare Mae Jiu 36:11

Thosei snakredi mae te fahaehaghe re mala mei magra ka iara. Iagho thosei snakredi mae te diꞌa puhidire mala kuru tei ghau iara.

Nodi Khoje Hatimare Mae Jiu 7:16

Eghume, najafra teke eni mare igne ginauna nake figri ka thedi. Eghuteuna magra teke eni mare ranghidi keha naiknore igne ginauna jaola nake figri neke fakokhoanadi kolho thedi.

Proveb 5:22

Nakhibogna naikno te diꞌa na tangomana te haru famakuni mana na, jateula phighoro te haru famakudi nanghaji ra eghu.

Nodi Khoje Hatimare Mae Jiu 119:122

Iara magnahaghei nigho te nhaꞌa cheke te mala togho ghau iara nou mae gloku gne. Thosei snakredi naikno te fahaehaghedi fara igre te falehe ghau na.

Nodi Khoje Hatimare Mae Jiu 31:18

Fofotho foflodi mae te patugama igre sagho, eigna mare lase cheke fahahage nei cheke fadiꞌadi mae te doglore igre neu. Nu mare mae lase cheke chaichaghi kolho eghu.

Nodi Khoje Hatimare Mae Jiu 140:5

Naikno te fahaehaghe are la kulu roghenihi te mala loki ghau iara na. Uve, mare la kulu kaikalitihi te mala loki ghau iara na, jateula naikno te kaikaliti fangna te mala ugra sasa ra eghu.

Nodi Khoje Hatimare Mae Jiu 119:85

Naikno te fahaehaghe fara te tirodi leghudi nou famane farirhiu iagho na igre, fariuriu fara te mala leghudi iara puhidi te diꞌare.

Nodi Khoje Hatimare Mae Jiu 119:69

Naikno te fahaehaghe fara igre toutonu chaichaghi eigu iara, nu ka gaoghathogu fateote'o iara na, iara leghudi fabrahu kolho nou famane cheke iagho ra.

Profet Jeremaea 43:2

mae Asaraea, thugna mae Hosaea ghe mae Johanan, thugna mae Karea baludi keha mae jateula thina teu te maku phaꞌudire igre, mare ne cheke eghu ka mana, “Iagho chaghi! Lord neke theome kuru mei nigho iagho mala toutonu ka ghehati cheke igre. Nu iagho fariuriu mala thosei tei au ghehati Ijep.

Profet Isaia 14:16

“King! Iheire te filoni puhigna God te nhaꞌa fapari nigho iagho igne ginauna rhana nodi fara, aonu mare na cheke eghu ka gaoghathodi thedire, ‘Ba, ao si mae ihei teke fakheuni nauthoglu igne ia, eghuteuna jaola me mhaghu nodi keha king re teu ia?

Profet Isaia 14:13

Iagho cheke eghu ka gaoghathomu themu na, ‘Iara ginauna haghe kligna! Iara ginauna fakegra haghe nogu sape nafnakno na ke klignadi nogna nathunu God ka maloa na are. Eghuteuna iara ginauna gnokro ka sape nafnakno igne ke kligna thogele blahi aheva keha god are nate salo fodu mei tagna.

Nodi Khoje Hatimare Mae Jiu 119:5

Iara magnahaghei te au heta te mala leghudi nou vetula iagho re.

Eksodas 18:11

Gognaro na iara thofno laseni Lord na thono uludi fara keha god te pogho sorudi keha naikno re, naugna Mana ne reireghi fakeli ghami ghotilo ka narane te fakokhoana ghami ghotilo mae Ijep ra.”

Eksodas 9:17

Nu iagho ne maku fara nagnafamu na ne theome snakredi nogu naikno iara gre mala tei neu.

Nodi Khoje Hatimare Mae Jiu 109:16

“Mae igne neke theome keli ranghini ihei! Leuleghu fata na, mana neke paradi nei falehedi neku naikno te kumare baludi iheire teke diꞌanagnafa fara re!