Nodi Khoje Hatimare Mae Jiu 10:18 - Buka Blahi Ka Cheke Holo

¹⁸ Iagho ginauna na nomhidi nodi natanhi goro sua te glehe kokoi nei iheire te au kokhonidi. Iagho ginauna toghodi nei tapla sorudi naikno te diꞌa igre. Te eghu na naikno nogna nauthoglu igne ginauna nake theome eni kaisei puhi te diꞌa ka mare.

Nodi Khoje Hatimare Mae Jiu 10:18 ပူးပေါင်းရင်းမြစ်များ

Nodi Khoje Hatimare Mae Jiu 82:3

Nu iheire te kuma, nei goro sua eghu tela lehehi kmadi are ghotilo fatedi ka nafnata puhi te doglo. Eghuteuna ghotilo saghe leghudi iheire te au ka puhi te biꞌo nei iheire te theo nodi nolaghi.

Nodi Khoje Hatimare Mae Jiu 9:9

Lord iagho jateula suga te maku ia eghu. Naikno te au papara ka nodi naokare, mare tangomana te tei au jare na. Kate au diꞌanagnafa na mare tangomana te tei poru jare na.

Profet Isaia 11:4

nu mana ginauna fatedi naikno te kumare ka puhi te doglo. Mana ginauna famane fanomho fakeli ka fate igne mala ke hata fapulo unha teke nodi mare re. Ka nogna cheke te autagna nolaghi na mana ginauna paradi naiknogna nauthoglu igne. Eghuteuna kate cheke kolho mana na naikno te diꞌa re ginauna lehe.

Nodi Khoje Hatimare Mae Jiu 17:14

God, fakarhi ghau ka khamedi mae iheire te ghathodi kolho nakarhagna nauthoglu igne. Paradi fara sagho eidi unha glepo te diꞌa teke edi mare ra. Fapuhidi thudi mare gognaro gre nei gradi mare nate karha mei thogheiro.

Nodi Khoje Hatimare Mae Jiu 74:21

Thosei snakre ghami ka mae naoka gre mala nenei ghami nei famamaja ghami eghu. Ghehati naikno te kuma te theo nomi gognaro gre ghehati cheke fakeli nigho.

Nodi Khoje Hatimare Mae Jiu 72:4

Te keli na jame mae king tangomana te fadoglidi puhidi iheire te kuma, nei toghodi naikno te theo kaisei nodi glepo. Eghuteuna tapla sorudi iheire te magnahaghei goigonidi keha naiknore.

Nodi Khoje Hatimare Mae Jiu 10:14

Nu iagho la filodihi puhidi mae te diꞌara. Iagho la lasedihi khabru nei papara eghu te edi mare ka keha naiknora, eghume iagho tarabana mala toghodi naikno te au papara are. Naikno te au kokhonidi nei glehe kokoi teu igre lisei soru ka khamemu iagho nakarhadi re.

Luku 16:25

“Mae Ebraham ne cheke eghu ka mana, ‘Thuguo, ke ghathodi sagho kani teke karhamu ra. Iagho neke gleale'a fara nu mae Lasaros neke diꞌanagnafa fara. Nu gognaro na mae Lasaros kela au gleale'a agne, nu gognarona iagho kela au papara.

Diutronomi 10:18

Mana reireghi fakelidi naikno biꞌo te lehe khetodi re nei naikno glehe kokoi, mala theome chaghidi mare. Mana fakakhana nogna namha na ranghidi naikno phosa te au balumi ghotilo eghuteuna tufa ghedi gano nei nodi pohe.