Nodi Khoje Hatimare Mae Jiu 10:14 - Buka Blahi Ka Cheke Holo

¹⁴ Nu iagho la filodihi puhidi mae te diꞌara. Iagho la lasedihi khabru nei papara eghu te edi mare ka keha naiknora, eghume iagho tarabana mala toghodi naikno te au papara are. Naikno te au kokhonidi nei glehe kokoi teu igre lisei soru ka khamemu iagho nakarhadi re.

Nodi Khoje Hatimare Mae Jiu 10:14 ပူးပေါင်းရင်းမြစ်များ

Nodi Khoje Hatimare Mae Jiu 68:5

God mae ihei te au teu ka nogna suga te blahi na, mana reireghidi goro sua te glehe kokoi, ba goro gaꞌase te lehe khetodire.

Nodi Khoje Hatimare Mae Jiu 146:9

Mana reireghi fakelidi iheire te posa mei ka namonodare, nei toghodi naikno biꞌo tela lehehi khetodire ba goro sua te glehe kokoi, nu mana fanogra nabroudi iheire te diꞌa puhidire mala theome eni mare unha te magnahagheni na.

Profet Hosia 14:3

Hatimare maedi Asiria theome tangomana te fakarhi ghami ghehati na. Eghuteuna hose te mala magra igre jaola theome tangomana te togho ghami na. Ghehati ginauna na theome cheke eghu ka mumuju teke hohoro kolho themi igre, ‘Ghotilo nomi god ghehati teuna.’ Lord, kokhoni ghami, naugna ghehati gne jateula sua glehe kokoi eghu theo ihei te mala togho ghami na.”

Profet Jeremaea 49:11

Nu ghotilo thosei nangadi goro sua te lehe idodi nei kmadi teure. Iara ginauna reireghidi. Eghuteuna goro naikno biꞌo te lehe khetodi ra, rehati tangomana te rouronu ghau iara na.”

Nodi Khoje Hatimare Mae Jiu 55:22

Puhi biꞌo te tahu ghami ghotilo are lisei lao ka khamegna Lord. Eghuteuna mana ginauna na bara fothi ghami nei fakarhi ghami eghu ghotilo. Eghuteuna mana ginauna na theome snakreni kaisei glepo mala goigonini ihei te doglo na.

Diutronomi 10:18

Mana reireghi fakelidi naikno biꞌo te lehe khetodi re nei naikno glehe kokoi, mala theome chaghidi mare. Mana fakakhana nogna namha na ranghidi naikno phosa te au balumi ghotilo eghuteuna tufa ghedi gano nei nodi pohe.

Ululahu Pita 5:7

Ghotilo lisa lao ka khamegna mana puhi biꞌo fateo te nanga nomidi ghotilo re, naugna mana tangomana te reireghi fakeli ghami ghotilo na.

Ululahu Pita 4:19

Naugna igne, naikno te magnahaghedi God te mala au papara tulao eigna nodi gloku te keli ranghidi keha naiknore, snakre lao nakarhadire ka khamegna God. Naugna God neke vuavuhadi, mana theome tangomana te ghatho ihoni nogna nhaꞌa cheke te mala reireghidire.

Fapea Timoti 1:12

Eghuteuna gognaro na iara au papara naugna iara ne toutonu eigna u Nonomho te Keli gne. Nu iara theome mamaja naugna iara laseni mae Jisas, mae ihei iara te fatutuani nihi. Iara laseni fara igne, mana tangomana te taji fakelini nogu gloku iara te mala toutonuni Nonomho te Keli igne ghilei thoke mei narane leghu lahu na.

Profet Habaku 1:13

Iagho thono blahi fara, eghuteuna iagho theome magnahaghei te filoni kaisei glepo te diꞌa. Naugna unha sagho te au kmu te theome paradi naiknodi Babilonia te diꞌa igrea? Mare lalamadi fara naikno te doglo te uludi mare igre.

Profet Jeremaea 51:56

Iara ginauna kurudi mae naoka igre mala goigoni ni Babilonia. Eghuteuna mare ginauna lokidi hatimare mae soldia, eghuteuna mare na lolhopa nodi phalohore. Leuleghu fata na iara Lord tughu fapulo ka iheire teke edi gobigna lepo te diꞌare.

Profet Jeremaea 16:17

Iara ginauna eni igne, naugna iara filodi gobigna lepo te edi ghotilora. Puhi te diꞌa igre ghotilo theome tangomana te pophoru ka tathagu iara na, naugna leuleghu fata na iara filodi nakhibomi ghotilore.

Proveb 15:3

Lord na filo ka naikno te keli nei ka naikno te diꞌa, eghuteuna lasedi unha te edi mare re.

Nodi Khoje Hatimare Mae Jiu 35:22

Nu Lord, iagho filoni ghau iara te leghuni u puhi te keli na. Lord, thosei gnokro kmu meu, thosei tei koko ghau iara.

Nodi Khoje Hatimare Mae Jiu 22:11

Thosei tei fakhaba ghau kate au diꞌanagnafa teu iara gognaro gne. Naugna theo kaisei naikno nate mei togho ghau iara na.

Fapea Kronikols 6:23

Lord, neuba iagho ne au neu kligna, fanomho mei fadoglini puhi igne. Jame te theome doglo mana na, iagho fateni mana eghuteuna parani mana leghuni unha teke eni mana na. Nu jame te doglo teu kolho mana na, iagho chekeni mae igne theome nabagna te au papara na teuna.

Fapea Kings 9:26

Lord neke cheke eghu, ‘Gnora na iara neke filodi dadaragna mae Nabot baludi thugna ra. Eghume, te chekeni iara ka iagho na, iagho ginauna nake foli fapulo nodi glose mare igne.’ Iagho tei hata thinigna king ia mala tei koko ka glose tuana jateula teke chekeni Lord ia eghu.”

Jajis 1:7

Mana ne cheke eghu, “Tifa na, iara neke jaola neke kusu koko geghesu biꞌo khamedi fitusalei king, eghuteuna mare au fadiꞌa jateula khuma te ghamu phike gano ke parigna nogu tevo iara na ia eghu. Gognarona God kela tughu fapulo unha teke eni iara ka mare na.” Mare atha ne teini mana Jerusalem, aonu ke leghu, mana ne lehe jare.

Hibru 4:13

Eghuteuna theo kaisei glepo kau nauthoglu gne tangomana te poru ka God. Gobigna lepore kakhana ngala ka mana. Eghuteuna kaisei narane tahati ginauna na chekedi ka mana unha teke edi tahati re.

Profet Joel 3:4

“Ghotilo naiknomi ka phei namono biꞌo Taea ghe Saedon, nei ghotilo naiknomi ka kantri Filistia! Unha te magnahaghei eni ghotilo ka iara na? Iara neke theome eni kaisei puhi te diꞌa ka ghotilo. Iara neke theome eni kaisei puhi te diꞌa mala ke foli fapulo ghotilo ka iara. Jame te eghu na, iara ginauna nake tughu fapulo ka ghotilo.

Profet Isaia 10:3

Unha nate eni ghotilo kate mei Lord te roꞌe ghami na? Kate mei funudi ka kantri delei nomi naoka ghotilo re te magra ka ghotilo na, aheva nate tei poru ghotilo na? Ihei gne nate tei hironi ghotilo te mala mei togho ghami na? Aheva nate tei titifuni ghotilo nomi sileni re?

Profet Jeremaea 23:24

Eghume, theome tangomana kaisei naikno ka ghotilo te poru ka tathagu iara na. Naugna iara fodu ka vido te gnafa kligna ba ka nauthoglu pari igne!

Jenesis 21:17

God ne nomhini te tanhi mae sitei na, eghuteuna nogna engel God na au neu kligna ne cheke eghu ka Hega, “Unha site diꞌanagnafani iagho gnea, Hega? Thosei mhaghu. God na la nomhinihi te tanhi teu jare mae sitei na.

Jenesis 31:12

Mana ne cheke eghu ka iara, ‘Filo sagho. Nanigot nalhaꞌudi te thuthunu are kela paꞌuku ka gaꞌasedi are. Iara thegu ngala te eni igne na naugna iara la filonihi puhi te diꞌa teke eni mae Laban na.

Eksodas 2:25

Aonu God ne filo ka naiknodi Israel te jateula naikno sneka teu te loku heta fara igre ne kokhoni nognadi fara.

Eksodas 22:22

“Ghotilo thosei fakokhoanadi naikno biꞌo nei goro sua eghu te glehe kokoi are.

Eksodas 22:26

Jame kaisei mae kaoni ka ghotilo, eghuteuna tusu ari ka ghotilo nogna phoko na fagaglana gna mala teke tughu fapulo nogna kaoni na teuna, ghotilo ghosei ke tusu fapulo nogna phoko mana na ka narane tuana ame rafi nga eghu.

Fapea Samuel 16:12

Jau Lord na lasedihi puhi te diꞌa te au ka iara igre, eghuteuna mana ginauna edi glepo te keli ka iara mala ke tughu fapulo puhi te cheke fadiꞌa ghau iara mana igre.”

Fapea Kronikols 24:22

King Joas neke theome ghathodi famane puhigna Jehoada kmagna Pris Sekaraea na, nu mana faleheni thugna mana na. Eghuteuna kate namo lehe na, Pris Sekaraea ne cheke eghu, “Iara toreni Lord mala filodi glepo te edi ghotilo gognaro igre, eghuteuna God ginauna para ghami ghotilo.” Aonu mana ne lehe.

Nodi Khoje Hatimare Mae Jiu 31:8

Iagho neke theome snakredi mae nogu naoka iara re mala loki ghau iara. Iagho neke togho ghau iara neke fakarhi ghau iara.

Nodi Khoje Hatimare Mae Jiu 68:6

Mana na fofodu ka iheire te theo kheradi nei tusu ranghidi suga te mala au fakeli na. Eghuteuna mana na atha fajifladi iheire te au ka suga sosolo mala ke pulo au fakeli mare ka namono. Nu iheire te patugama fara te tirodi leghuni God re, mana ginauna lisei sorudi ka vido te thono diꞌa fara na.

Proveb 15:25

Lord ginauna roꞌeni nogna suga mae ihei te nheta nei te fafnaknoni nanghagna thegna na. Nu mana ginauna toghoni naikno biꞌo tela lehehi khetogna na.

Lamentations 3:59

Iagho filodihi mae naoka te goigoni ghau iara gre. Nu gognarona iagho fate ka puhi te doglo, fakakhana sagho te doglo iara na.

Lamentations 3:60

Iagho lasedihi mae naoka gre mare theome magnahaghei ghau nei ghaoghatho mala falehe ghau eghu iara.

Profet Hosia 14:4

Lord ne cheke eghu, “Diꞌatagu iara ka naiknodi Israel ra la gnafahi. Eghuteuna gognarona iara kela namhadi nogu naiknore ka nagnafagu na. Neuba mare ne edi puhi te diꞌare, iara ginauna nake keli ranghidi.