Nodi Khoje Hatimare Mae Jiu 10:12 - Buka Blahi Ka Cheke Holo

¹² God, mei sagho. Iagho mei mala fapuhini mae igne. Ghathodi sagho naikno te au kokhonidi igre.

Nodi Khoje Hatimare Mae Jiu 10:12 ပူးပေါင်းရင်းမြစ်များ

Profet Maeka 5:9

Tutuani fara, naiknodi Israel ginauna uludi nei kafe goigonidi eghu naoka te gnafa re.

Nodi Khoje Hatimare Mae Jiu 9:12

God na kokhonidi iheire te au papara. Mana theome ghatho ihodi nodi tharaire. Eghuteuna ke tughu fapulo naꞌau papara na ka iheire teke paradi naikno te au diꞌanagnafa re.

Profet Isaia 33:10

Lord ne cheke eghu ka nogna naiknodi keha kantri re, “Gognarona iara falase ari ka ghotilo iara te au nolaghi fateoteꞌo na, eghuteuna naikno te gnafa ka nauthoglu igne ginauna cheke fakeli ghau iara.

Profet Isaia 26:11

LORD! Iagho ghae haghehi khamemu na paradi mare, nu mare theome tangomana kolho te filo glani na. Falase ranghidi sagho puhimu iagho te ghatho tahudi nou naiknore igne, mala mamaja nodi naikno te leghudi puhi te diꞌa igre. Eghuteuna iagho mala gahudi ka khaꞌaghi teke kulu tarabanahi iagho maladi nou naoka re teku ia.

Nodi Khoje Hatimare Mae Jiu 94:2

Iagho ginauna fatedi naikno te gnafa gre. Paradi sagho naikno te fahaehaghe are, leghuni unha najafra teke eni mare na.

Nodi Khoje Hatimare Mae Jiu 17:7

Falalase meini ka iara nou namha biꞌo na mala fakarha ghau iara. Eghuteuna nogu naoka iara re ginauna na theome goigoni ghau iara naugna iagho ne bara fothi ghau iara.

Nodi Khoje Hatimare Mae Jiu 77:9

Ba? God na theome kokhoni ghami ghehati sia? Ba? Diꞌatagna mana ka ghehati na salaꞌuni puhi te keli ranghi ghami ghehati na sia?”

Nodi Khoje Hatimare Mae Jiu 13:1

God, niha nau iagho nate ghatho ghau iara na? Ba, iagho la ghatho iho ghauhila iara fabrahu tifa e tifa? Ba niha nau iagho nate snakre ghau iara te mala filoni tathamu na?

Nodi Khoje Hatimare Mae Jiu 9:19

Lord, mei sagho! Thosei snakredi naikno ne nhetahi thedi teu te figri tagru nigho are mala filodi tathamu nei foflomu teu iagho re. Iagho fakegradi ke ulumu mae bongihehe are mala fate falehedi.

Nodi Khoje Hatimare Mae Jiu 7:6

God, nogu naoka iara gre thono diꞌatadi fara ka iara. Iara magnahaghei nigho te mei togho ghau. Iagho mei mala kegra fanogridi. Diꞌatamudi sagho nei figri tagrudi eghu mare. Eghume iara magnahaghe nigho iagho te falalase meini te mae doglo iara ka tathamu na.

Nodi Khoje Hatimare Mae Jiu 3:7

Nogu Lord, mei fakarhi ghau. Iagho nabamu te magridire nogu naoka iara igre! Tapla sorudi nodi nolaghi naikno te diꞌa igre!

Jajis 16:28

Aonu Samson ne tarai, “Lord God, ghatho ghau iara. God, ke farheta ghau kaisei fata. Naiknodi Filistia igre bilo kokohi phei tathagu iara gre, eghume iara magnahaghei nigho iagho teke tughu fapulo unha teke eni mare ka iara na.”

Nodi Khoje Hatimare Mae Jiu 9:13

Lord, kokhoni ghau iara! Filo meidi khabru nei diꞌanagnafa teu tela edi ka iara nogu naoka gre. Hata fapulo ghau, naugna iara gne la namohi kau glehe.

Nodi Khoje Hatimare Mae Jiu 17:13

God, mei sagho mala magra e tapla sorudi nogu naoka iara gre. Iagho hata nou naflahi na mala magra ka mare mala ke hata fapulo ghau ka khamedi mae te gnognoro gre.

Nodi Khoje Hatimare Mae Jiu 74:19

Thosei snakredi mae naoka te diꞌa fara puhidire igre mala fakokhoana ghami ghehati nou naikno iagho gre. Eigna ghehati gne thofno ulu tulao ka tathamu iagho na! Iagho thosei ghatho iho ghami ghehati eigna naikno te diꞌa igre fakokhoana ghami ghehati fara.