Nodi Khoje Hatimare Mae Jiu 10:11 - Buka Blahi Ka Cheke Holo

¹¹ Mae te diꞌa na cheke eghu ka nagnafagna na, “God na theome nanga nognadi puhigu iara re! Mana la dofuhi phei tathagnare! Mana theome tangomana te filo ghau iara na!”

Nodi Khoje Hatimare Mae Jiu 10:11 ပူးပေါင်းရင်းမြစ်များ

Profet Esikiel 8:12

Aonu Lord ne cheke eghu ka iara, “Maegna ka nauthoglu. Ba, iagho la filoni glepo te eni poru mae mala baubatu ka naiknodi Israel igre? Mare tei ne poru ke lamnagna nodi vido blahi na, mala tarai ka nodi mumuju god na. Eghuteuna mare ne cheke eghu, ‘Lord na theome tangomana te filo ghita na. Mana la tei kokonihi noda kantri tahati igne.’ ”

Nodi Khoje Hatimare Mae Jiu 94:7

Mare cheke eghu, “Lord na nodi God kolho mae Israel, nu theome tangomana te filo ghita tahati na eghu. Uve, mana theome nanga nognadi kolho unha te edi tahati gre.”

Nodi Khoje Hatimare Mae Jiu 73:11

Naikno te diꞌare ne cheke eghu, “God na theome tangomana te lasedi glepo te edi ghehati gre. God na au kligna fara, mana theo kaisei nabrou te mala mei te hirodi puhimi ghehatire.”

Nodi Khoje Hatimare Mae Jiu 10:6

Aonu mana ne funu cheke eghu, “Iara ginauna kegra hetau, theome tangomana kaisei puhi nate thoke ghau iara ginauna.”

Profet Esikiel 9:9

Mana ne cheke eghu ka iara, “Naiknodi Israel nei Juda teu igre edi kmana glepo te diꞌa fara. Mare aknu falehe kmana naikno fara heva heva ka namono igne, eghuteuna mare edi thua nafnotu glepo te theome doglo. Mare cheke eghu, ‘Lord na la tei kokonihi noda namono tahati igne. Mana theome tangomana te filo ghita tahati na.’

Eklesiasti 8:11

Kate theome ghosei te paradi mare naikno te edi puhi te diꞌa re, keha naiknore magnahagheni kolho te eni puhi te diꞌa na.

Nodi Khoje Hatimare Mae Jiu 64:5

Mare famamhaku ka gaoghathodire puhi te diꞌa na. Mare ne ghatho fakelini aheva nate liliseigna phighoro na ne cheke eghu, “Theome tangomana kaisei naikno nate filodire unha te lilisei tahati igre.”

Luku 7:39

Kate filoni igne, mae Simon ne au gaoghathogna ne cheke eghu, “Jame thofno mae profet mae igne na, mana jame laseni puhigna thau te haboni mana igne. Naugna naꞌa kaisei naikno gnognoro fara!”

Nonomho Te Keli Teke Risoi Mae Mak 2:6

Aonu ka vido tuana keha mae velepuhigna vetula nogna mae Moses te kegra la teu jare ne ghaoghatho eghu ka nagnafadi thedire,

Nodi Khoje Hatimare Mae Jiu 59:8

Nu Lord, iagho maꞌe noudi kolho mae bongihehe tuare.

Nodi Khoje Hatimare Mae Jiu 64:6

Mare neke fagroghei ne ke edi keha puhi te diꞌa, ne cheke eghu, “U gaoghatho te eni tahati igne thofno keli fara. Ginauna na theo kaisei naikno nate laseni na puhi igne!” Tutuani fara, tahati theome tangomana te laseni unha te poru teu ka gaoghathogna nei thiꞌagna teu naikno na.

Profet Hosia 7:2

Nu mae igre theome laseni te filodi iara unha te edi teu mae igre. Naugna unha glepo te diꞌa te edi mare igre toku tafru tathadire.”