Nodi Khoje Hatimare Mae Jiu 1:6 - Buka Blahi Ka Cheke Holo

⁶ Naikno te leghuni nabrou te diꞌa na mala lehe kolho. Eghuteuna naikno te leghuni nabrou te keli na mala karha fabrahu tifa tifa.

Nodi Khoje Hatimare Mae Jiu 1:6 ပူးပေါင်းရင်းမြစ်များ

Fapea Timoti 2:19

Nu neuba ngau, God na la liliseihi thina biꞌo na ke pari gringni ka khiloau gne, eghuteuna thina igre ginauna kegra maku fabrahu. Cheke teke risoni mare ka thina igre cheke eghu, “Lord God lasedi iheire te thofno nogna mana re”, nei keha cheke na jaola cheke eghu, “Ihei te chekeni, ‘Iara nogna Lord God’ teuna, thosei eni kaisei puhi te diꞌa.”

Jone 10:14

“Iara ngala mae greireghi sipu te keli na. Jateula ngau mae Mama te lase ghau iara, nei iara laseni la mae Mama, jateula tuana eghu iara lasedi nogu sipure nei nogu sipu iara re jaola lase ghau iara. Iara snakreni karhagu na mala lehe nei ke fakarhidi eghu nogu sipure.

Proveb 15:9

Lord na theome magnahagheni puhigna mae te diꞌa na. Nu mana namhadi iheire te leghuni puhi te doglo na.

Profet Nahum 1:7

Lord na thofno keli fara. Mana tangomana te reireghi fakelidi nogna naiknore ka narane te thoke mei puhi biꞌo ka mare na. Mana nodi vido keli mala poru iheire te fatutuani ni mana re.

Nodi Khoje Hatimare Mae Jiu 146:9

Mana reireghi fakelidi iheire te posa mei ka namonodare, nei toghodi naikno biꞌo tela lehehi khetodire ba goro sua te glehe kokoi, nu mana fanogra nabroudi iheire te diꞌa puhidire mala theome eni mare unha te magnahagheni na.

Jone 10:27

Naikno te leghudi nogu cheke iara igre jateula ngau sipu te laseni naoglagna mae greireghi sipu ia eghu. Iara lasedi reꞌe nei reꞌe kafe leghu ghau iara.

Proveb 14:12

Keha naiknore te ghathoni na, mare ne thofno leghuni nabrou te doglo na eghu. Nu theo eghu, nabrou te leghuni mare igne mala lehe.

Matiu 7:13

Mae Jisas ne cheke eghu, “Tei ghotilo mala ruma kau grengatha te gobro fara na. Naugna grengatha gna na krepa fara nei nabrou gna na krepa fara teuna, tei thoke kau glehe. Kmana naikno tei kau nabrou tuana. Eghuteuna nabrou te tei thoke kau karha fei tifa na gobro fara, nei nabrou gna na ninhigrana fara nei keha naikno ghu kolho te filo deni na.”

Thoutonu Eigna Mae Job 23:10

Neuba, God na lasedi vido te gnafa aheva mana tangomana te filo ghau iara na. Eghuteuna kate fariuriuni mana puhigu iara na, mana ginauna filoni nakarhagu iara na thofno doglo kolho.

Nodi Khoje Hatimare Mae Jiu 142:3

Kate glaꞌe soru iara gaoghathogu na iagho laseniu puhi mala teke farerheta fapulo ghau iara na. Hatimare mae naoka gre mare la kulu roghe nodihi te mala goigoni ni u nakarhagu iara na.

Fapea Pita 2:12

Nu mae velepuhi chaichaghi igre theome tangomana ghaoghatho fakeli nei mare cheke fadiꞌadi unha glepo te theome lasedire. Eghume God ginauna roꞌedi mare jateula naikno te falehe bosu ra eghu. Nu ghotilo laseni bosu na mala lolhoku nei falehe.

Nodi Khoje Hatimare Mae Jiu 112:10

Kate filoni naikno te diꞌare puhigna mae te doglo igne na, mare na thono diꞌa tadi fara. Mare na theome magnahagheni mae igne, nu mare theo nafudi kolho eghu. Uve, unha te magnahagheni naikno te diꞌare, theome tangomana kegra haghe ba te loku fakeli na.

Nodi Khoje Hatimare Mae Jiu 9:6

Nomi naoka ghehati ra la hui ari nodi hila si ra. Iagho neke paꞌe soruhi namonodire, eghuteuna naiknore teuna la thofno ghatho ihodihi eghu mare.

Ululahu Samuel 2:9

Mana reireghi fakelidi iheire te ghatho tahuni mana re, nu mae te diꞌa re, mala snivi fabrahu kate romno. “Theo kaisei naikno tangomana te uluni Lord ka nogna nolaghi thegna na.

Nodi Khoje Hatimare Mae Jiu 142:4

Kate filo tafri na, iara theome filoni kaisei naikno te mala togho ghau na, ba te mala bara. Fothi ghau na. Thono theo fara kaisei mae te mei reireghi ghau na.