Nodi Khoje Hatimare Mae Jiu 1:3 - Buka Blahi Ka Cheke Holo

³ Nakarhadi naikno igre na jateula gaju te karha ka geri khoꞌura eghu na keli fara. Kate thoke mei nodi thofno narane na, gaju igre ginauna ure, eghuteuna khakladire ginauna theome brango. Aonu unha te edi naikno igre na ginauna na jateula igne eghu mala keli fara.

Nodi Khoje Hatimare Mae Jiu 1:3 ပူးပေါင်းရင်းမြစ်များ

Profet Jeremaea 17:8

Nafnata naikno igne jateula gaju te karha ka geri khoꞌu biꞌo ra eghu. Glathigna gaju igne soru atha khoꞌu pari. Eghuteuna khaklagnare kakarha fabrahu theome tangomana te brango na. Neubane ka nhigra aho, naꞌa ginauna na ure fabrahu kolho. Na jateula tuana eghu mana na theome mhaghu nei nanga nogna eghu kate thoke mei puhi biꞌo na.”

Profet Esikiel 47:12

Thuagna nafnata gaju na kotu karha ka phei philegna khoꞌu igne, mala ghamu naiknore. Khakladi gaju igre ginauna theome tangomana te lehe na eghuteuna gaju igre ginauna ure leuleghu nhigra, naugna khoꞌu igne jifla mei ka nogna Sugablahi Lord igne mala faboubothudi fabrahu. Sisidi gaju igre mala ghamu, eghuteuna khakladi re meresin mala fakelidi naikno te fogra.”

Nodi Khoje Hatimare Mae Jiu 92:14

Neuba mare ne kueku'ehi, mare ginauna heta fabrahu jateula gaju gna tifa te maku karha te ure teura eghu.

Jone 15:6

Mae ihei te theome au balugu iara na, mana ginauna jateula grege te gnagha te lehe ia eghu. Eghuteuna grege te lehe tuare mala salofodu mala koko lao ka khaꞌaghi mala nako.

Profet Esikiel 19:10

“ ‘Idomi ghopa na jateula gaju grep te au kmana grege majaghani ra eghu, naugna mare ne joꞌu ka geri khoꞌu. Naꞌa famane kotu fara, eghuteuna au kmana fuꞌagna naugna ne kotu ka vido te au kmana khoꞌu.

Jenesis 39:23

Lord ne au balugna mae Josep ne toghoni mana, eghuteuna glepo te edi mana re ne keli fara. Mae te reireghigna suga sosolo na theome ghatho peapea ka unha te chekedi mana mala edi mae Josep teure.

Thakle 22:2

te loloro soru farihotei nabrou biꞌo ka namono na. Gaju te tusu meini u karha ka iheire te ima sisigna na kotu ka phei gerigna khoꞌu na. Gaju igne ure leuleghu nhigra nabotho phei fata ure ke lamnagna kaisei finogha. Eghuteuna khaklagnare, naiknodi namono te gnafa ka nauthoglu gne tangomana te hata mala faghaotadi naikno te fogra re.

Profet Esikiel 17:8

Nu gaghata ululahu igne la kulu joꞌuhi gaju grep ka famane glose aheva te au kmana khoꞌu tagna igne, mala kotu karha keligna nei ure kmana sisi eghu.

Matiu 13:6

Nu kate brana naprai na sisire ne kafe brango ne kafe lehe, naugna glathidire ne theome soru pari.

Fapea Kronikols 31:21

Ka gloku te gnafa te edi King Hesekaea te toghoni nogna Sugablahi Lord na igre nei leghu fakelidi nogna vetula nei nogna cheke teu Lord re, mana hironi nogna God na nei mana thofno kelitagna fara te eni gloku igne. Naugna igne gobigna lepo te edi mana re thofno keli fara.

Jenesis 39:3

eghuteuna mae Potifa gne laseni mae Josep gne Lord na e au balugna mana. Naugna igne gobigna lepo te edi mae Josep re ne thofno horoghoto fara ka gaoghathogna mae Potifa re.

Nodi Khoje Hatimare Mae Jiu 128:2

Jame te eni fabrahu iagho igne na, ginauna nou gloku iagho re na tangomana te togho nigho te mala au fakeli na.

Profet Isaia 3:10

Ghotilo cheke ka iheire te leghuni puhi te doglo na, eigna Lord ginauna fablahidi mare, naugna mare ne edi glepo te kelire.

Profet Isaia 44:4

Mare ginauna karha kelidi jateula buburu te karha kelidi ka vido te au kmana khoꞌura eghu, ba jateula gaju te karha ka geri khoꞌu biꞌo ra eghu.

Thoutonu Eigna Mae Job 14:9

kate au katha khoꞌu na, naꞌa ginauna nake kotu haghe jateula kaisei gaju majaghani eghu.

Matiu 21:34

Kate thokeni ghanogna nagare na, mana kuru teidi nogna mae glokure mala tei mare ka mae greireghi nagare igre mala hata keha ghegna sisi.

Matiu 21:19

Kate filoni kaisei gaju fig ka geri nabrou na, mana tei ne filo, eghuteuna theo kaisei sisi te au na, nu khogla khakla kolho. Mana ne cheke eghu ka gaju na, “Funu gognaro te haghe na iagho ginauna theo sisimu!” Aonu, gaju tuana ghosei ne brango soru.

Letas Teke Rioriso Mae Jud 1:12

Kate ei famane gaghamu ghotilo fagaglana gna nomi namha biꞌo na eghuteuna te mei mare me ima fodu balumi ghotilo teuna, mare famamaja ghami ghotilo fara ka puhidi te diꞌare. Ka vido tuare mare ghathodi thedi kolho. Naikno tuare jateula khoveo te pala te mei nuri ia eghu kolho, nu theo kaisei nakhete te mei na. Eghuteuna mare jateula gaju te theome ure kate thoke mei nhigra dira eghu kolho. Eghume mae glokure ginauna na rathu koko naikno tuare mala koko lao ka khaꞌaghi. Mae velepuhi chaichaghi igre jateula gaju tela botohi ia eghu.

Profet Isaia 27:11

Kate kafe lehe te khoko soru pari gregedi gaju igre na, goro gaꞌasere ginauna mei uge mala nodi gaju. Lord neke toghodi naikno te au ka namono igne, nu naugna mare ne theome filo glanini mana, mana ginauna na theome kokhonidi nei keli ranghidi eghu mare.

Matiu 21:41

Hatimare mae pris nei hatimare mae biꞌo teure ne cheke eghu ka mana, “Mana na kafe falelehe naikno te diꞌa tuare. Eghuteuna mana na snakre lao ka keha mae delei nagare tuana. Mare ginauna na tusu fapulo ka mana unha teke nabagna mana ka narane te ghanogna nagare tuana.”

Ululahu Kronikols 22:11

Eghuteuna mae Devet neke cheke eghu ka mae Solomon, “Thuguo, Lord ginauna au balumu iagho, eghuteuna mana ginauna togho nigho iagho, mala tangomana iagho te horo nogna Sugablahi mana na, leghuni unha teke nhaꞌa chekeni mana na.

Nodi Khoje Hatimare Mae Jiu 129:8

Lord, iara theome magnahagheni kaisei naikno te tei te cheke eghu ka mae naokare, “Ghehati tarai ka Lord mala fablahi ghami ghotilo. Ghehati cheke fakeli ghami ka nanghagna mana teu na.”

Fapea Kronikols 32:23

Leuleghu fata na, kmana naikno mei Jerusalem, hata mei gano mala tusu ranghini Lord, nei tusu lao namha ka King Hesekaea. Eghuteuna funu ka narane tuana, naikno ka namono te gnafa igre ne ghatho tahuni King Hesekaea.

Naba 24:6

Jateula famane gloha te sare ra eghu. Uve, namono ghotilo gne famane fara jateula nagare te au ka geri khoꞌu ra eghu. Ghotilo jateula famane gaju teke joꞌu Lord ra eghu. Uve, ghotilo jateula gaju sida te maku te kotu ka geri khoꞌu ra eghu.

Diutronomi 28:8

“Lord ginauna fablahidi suga te mala lilisei gano ghotilo are mala fodu salaꞌui. Eghuteuna nomi gloku ghotilo are ginauna keli fara. Lord nomi God ghotilo igne ginauna fablahi ghami ghotilo ka glose teke tusu ari mana ka ghotilo igne.

Fapea Kings 18:7

Aonu Lord ne au balugna mae Hesekaea, eghuteuna gobigna lepo te edi mana re neke thofno keli fara. Eghuteuna mae Hesekaea ne theome magnahagheni king gna Asiria gne ne theome leghuni mana.

Ululahu Kronikols 22:13

Ghema Solomon! Jame leghudi iagho vetula nei farirhiu eghu teke tusu lao Lord ka mae Moses tifa ra meuna, gobigna lepo te edi iagho re ginauna thofno keli fara. Iagho kegra heta leghu fata, ba thosei mhaghu. Eghuteuna thosei snakreni gaoghathomu na glaꞌe soru.

Thoutonu Eigna Mae Job 22:28

Gobigna lepo mala edi teku iagho ra, ginauna thofno keli fara. Uve, ginauna agha jateula juta eghu ka nabrou te mala tei iagho na.

Nodi Khoje Hatimare Mae Jiu 92:15

Igne falalase ranghi ghita eigna puhigna Lord te thofno doglo fara na, eghuteuna jaola falalase ranghi ghita eigna God te batu ghau iara na thofno doglo fabrahu.

Profet Isaia 58:11

Iara ginauna baubatu ghami ghotilo fabrahu, eghuteuna tusu ari glepo te keli mala glealeꞌa ghotilo. Iara Lord ginauna reireghi ghami ghotilo mala rheta nei theome fogra eghu ghotilo. Ghotilo ginauna na jateula kaisei nagare te soru mei nakhete tagna, ba jateula kaisei glokha khoꞌu te theome krango ra eghu.

Profet Esikiel 31:5

Naugna te au kmana khoꞌu tuana me, gaju igne kotu brahu haghe kligna tei salaꞌudi keha gajure. Gregegna re biꞌo fara eghuteuna jaola brahu fara.