Nodi Khoje Hatimare Mae Jiu 1:1 - Buka Blahi Ka Cheke Holo

¹ Keli tadi fara iheire te tirodi fanomho ka nodi farirhiu naikno te diꞌa puhidire. Eghuteuna tirodi gnokro baludi mala cheke fadiꞌa ni God.

Nodi Khoje Hatimare Mae Jiu 1:1 ပူးပေါင်းရင်းမြစ်များ

Proveb 13:20

Te fofodu balugna mae te autagna gaoghatho te keli na, iagho ginauna hata gaoghatho te keli. Nu te fofodu balugna mae te fameomekro na, iagho ginauna au papara.

Profet Jeremaea 15:17

Iara theome gnokro ka gaghamu baludi keha naikno te gleale'a koba balu maꞌe are. Nu leuleghu fata na, iara au fabrahu kolho thegu, naugna diꞌatamu iagho ranghidi naikno igre fodu ka iara.

Luku 11:28

Nu mae Jisas ne cheke eghu, “Theo, iheire te nomhini chekegna God na, nei iheire te eni unha te chekedi mana re eghu ngala te tangomana te gleale'a na.”

Nodi Khoje Hatimare Mae Jiu 1:6

Naikno te leghuni nabrou te diꞌa na mala lehe kolho. Eghuteuna naikno te leghuni nabrou te keli na mala karha fabrahu tifa tifa.

Proveb 1:15

Thuguo, au fadelei ka naikno tuare, iagho thosei tei baludi.

Nodi Khoje Hatimare Mae Jiu 34:8

Ghotilo mei ka Lord mala au balugna mana. Ghotilo ginauna filoni mana. Iheire te mei ka mana re ginauna keli tadi fara naugna mare ginauna laseni Lord te reireghidire.

Nodi Khoje Hatimare Mae Jiu 112:1

Tahati kilo fnaknoni Lord! Ihei te ghatho tahuni Lord, nei magnahaghei leghudi nogna vetula Lord re teuna, mae igne keli tagna fara.

Nodi Khoje Hatimare Mae Jiu 36:4

Kate thuru teu ka sape na, mana hironi kolho nabrou te mala eni puhi te diꞌa na. Mana leghuni kolho nabrou te diꞌa na, nei mana theome tangomana te figri tagruni puhi te diꞌa na.

Thoutonu Eigna Mae Job 21:16

Te ghathoni mare na glepo te keli te au ka mare na, nodi gloku nei nakmusa eghu thedi re kolho. Nu te laseni iara na, gaoghathodi mare igne theome tutuani.

Efesus 6:13

Eghume, gognaro na ghotilo fahaghe gobigna lepo te mala magra teke tusu ari God ka ghotilo ra. Eghuteuna ghotilo ginauna tangomana te fanograni mae naoka igne, neuba mana ne mei ka unha narane te mala eni ranghi ghami ghotilo glepo te diꞌa fara na. Eghuteuna kate magra te gnafa na, ghotilo ginauna kegra heta fabrahu.

Jenesis 49:6

Kate roghe poru ghopa te mala edi puhi te diꞌa re iara neke tirogu ari gnokro balumi ghopa neke fanomho ka gaoghatho te diꞌa te edi ghopa re. Naugna kate diꞌatami na ghopa neke falehedi naiknore. Eghuteuna ghopa neke puri loalopa gahedi nodi buluka naiknore mala maꞌe nomidi kolho.

Profet Jeremaea 17:7

“Nu ihei te fatutuani ghau iara, eghuteuna rheta gaoghathogna na ka iara teuna gleale'a nogna fara.

Proveb 13:15

Mae ihei te autagna gaoghatho te keli na naiknore ghatho tahuni mana. Nu mae te theome autagna gaoghatho te keli na, mana au ka nakarha te ninhigrana.

Nodi Khoje Hatimare Mae Jiu 119:115

Ghotilo naikno te diꞌa ra! Ghotilo tei nomi, mala leghudi kolho iara nogna cheke God re.

Nodi Khoje Hatimare Mae Jiu 106:3

Iheire te leghudi nogna cheke, nei iheire te edi glepo te doglo re eghu, mare keli tadi fara.

Nodi Khoje Hatimare Mae Jiu 26:12

Iara te kegra ke ulumu ke lamnagna suga te blahi gne ka nagnafa te gae naugna iagho theome snakre ghau iara te eni unha te diꞌa na. Iara ginauna na kilo fnaknoni nanghamu iagho na farihoteidi naikno te mei tufru soru nigho iagho gre.

Proveb 2:12

Uve, gaoghatho te keli na ginauna fakarhi nigho ka naikno te diꞌa re, nei ka naikno te cheke diꞌa.

Nodi Khoje Hatimare Mae Jiu 81:12

Eghume iara lisa laodi mala patu gama mare, mala eni mare unha te magnahagheni thedi na eghu.

Proveb 4:19

Nu puhigna naikno te diꞌa na jateula grughu eghu, mana theome laseni kolho unha te faꞌukani mana na.

Proveb 3:34

Mana faparidi iheire te cheke fapaiparini keha mae na, nu keli ranghidi iheire te nhaꞌa faparidi thedi.

Thakle 22:14

“Naiknore te theo nakhibodi naugna Lam na neke thofa dadaragna na neke lehe, mare keli tadi tutuani fara. Naugna mare nabadi te ima sisigna gaju te tusu mei karha fei tifa na, eghuteuna mare naba dila te ruma ke lamnagna grengathagna namono biꞌo na mala au balugna God.

Proveb 9:12

Jame te au ka iagho gaoghatho te keli na, iagho ginauna gleale'a. Nu jame te tirouni iagho gaoghatho te keli na, iagho ngala nate au papara ginauna.

Nodi Khoje Hatimare Mae Jiu 84:12

Lord God, mae ihei te au nolaghi fateo, iheire te fatutuani nigho iagho re te thofno glealeꞌa nodi fara re.

Letas Teke Riso Tei Mae Pol Ka Khiloau Rom 5:2

Ka noda fatutuani ka mae Jisas, God tangomana te eni kaisei nabrou te mala laseni tahati nogna u khokofakasai na. Tutuani fara, tahati tangomana te au ke lamnagna thofno nakarha na naugna mana ne namha ghita. Eghume tahati au noda grouronu ka God te mala au balugna kligna.

Nodi Khoje Hatimare Mae Jiu 144:15

Naikno te jateula tuana teu te athini glepo te keli na thofno keli tadi fara. Eghuteuna naikno te Lord na ngala nodi God na, mare ngala te keli tadi na.

Jone 20:29

Mae Jisas neke cheke eghu ka mana, “Tomas, iagho fatutuani naugna iagho ne filo ghau iara. Iheire te theome filo ghau iara nu fatutuani teure thofno keli tadi fara.”

Proveb 1:22

“Ghotilo iheire te theome au tami gaoghatho te keli ra, ghotilo magnahaghei te au jateula tuana eghu fabrahu? Ghotilo jateula naikno te fameomekro eghu. Ghotilo theome magnahaghei te hata glalase te keli, eghuteuna ghotilo cheke fahaehaghe tagna. Niha nau koko nga ghotilo puhi igne?

Ululahu Pita 4:3

Tifa na ghotilo neke raꞌe salaꞌui fara kate leghuni puhidi naikno te theome fatutuani ni God re, eigna ghotilo neke magnahagheni fara te jafra ka ihei na, ghotilo magnahagheni fara te eni puhi te diꞌa na, ghotilo magnahagheni fara te koꞌu waen na, ghotilo neke eꞌei gaghamu biꞌo mala ghamu nei koꞌu nei edi glepo te thono diꞌa fara re, nei ghotilo edi glepo te jafra fara kate tufru sorudi ghotilo mumujure.

Jone 13:17

Naugna ghotilo la lasedihi unha te chekedi iara igre. Eghuteuna ghotilo ginauna keli tami fara jame te leghudi re.

Nodi Khoje Hatimare Mae Jiu 146:9

Mana reireghi fakelidi iheire te posa mei ka namonodare, nei toghodi naikno biꞌo tela lehehi khetodire ba goro sua te glehe kokoi, nu mana fanogra nabroudi iheire te diꞌa puhidire mala theome eni mare unha te magnahagheni na.

Nodi Khoje Hatimare Mae Jiu 2:12

Ghotilo mala mhaghuni nei tufru soruni eghu mana. Te theo ghotilo na, ghotilo ginauna ghosei lehe kate diꞌatagna fara mana na. Nu ihei te fatutuani God nei au famaku ka mana teuna, mae tuana keli tagna fara.

Nodi Khoje Hatimare Mae Jiu 146:5

Iheire te fatutuani ni nogna God mae Jekop te mala toghodi na, mare thono keli tadi fara.

Ululahu Kings 16:31

Ehab loku jateula Jeroboam eghu, nu mana diꞌa fara salaꞌuni mae King Jeroboam, naugna mana tolaghi ka Jesebel thugna mae Et-Baal, king gna Saedon, eghuteuna mana ne funu tarai ka god Baal.

Diutronomi 33:29

Gognarona ghotilo Israel glealeꞌa fara. Theo kaisei naikno te jateula ghotilo te fakarhi ghamihi Lord teu igre. Lord na jateula nomi greoreo eghu ghotilo mala theome tangomana nodi jata nomi naoka ghotilo are te fadi ghami ghotilo na. Eghuteuna mana jateula nomi famane naflahi eghu ghotilo mala uludi ghotilo naokare. Naoka igre ginauna mei mhaghu fififri balu tanhi ke ulumi ghotilo, nu ghotilo ginauna tapla ke klignadi nei goigonidi eghu mare.”

Profet Esikiel 20:18

Iara neke cheke eghu ka thudi mare re, “Ghotilo thosei leghudi cheke nei kastom nei vetula eghu teke leghudi teke mei kuꞌemi ghotilo tifa ra. Eghuteuna ghotilo thosei fathona ghami themi ka tathagu iara na kate tarai ghotilo ka nomi mumuju are.

Proveb 19:29

Ihei te cheke diꞌa nei fahaehaghe teuna, mana ginauna au papara. Mae te fameomekro na ginauna soru khodo ka thagru na.

Nodi Khoje Hatimare Mae Jiu 64:2

Mare hiro phoge te mala fadiꞌa ghau iara na, mare fakhaprui te mala magri ghau iara. Eghume iara tore nigho iagho mala reireghi fakeli ghau iara eghu mala theome tangomana mare te goigoni ghau iara na.

Thoutonu Eigna Mae Job 31:5

“Iara theome leghuni puhigna mae te boho ka chaichaghi na, eghuteuna iara theome lase chaghi ka ihei.

Thoutonu Eigna Mae Job 10:3

Unha glepo te keli nate hata iagho kate papara iara na? Iagho neke vuavuha ghau iara, nu gognarona iagho tirou ghau iara. Iagho jateula te kelitamu eghu ka nodi gloku naikno te diꞌare.

Jenesis 5:24

Kaisei narane God ne hata fadeleini mae Enok mala au balugna eghu teuna naiknore ne theome filoni mana. Naugna mae Enok igne neke thofno kheragna tutuani God.

Fapea Kronikols 22:3

Idogna mana Kuin Atalaea igne neke tusu ranghini mana gaoghatho te mala leghuni puhi te diꞌa na, eghume mae Ahasaea leghuni puhidi vikegna mae Ehab ra,

Matiu 16:17

Mae Jisas ne cheke eghu ka mae Simon, “Iagho keli tamu, ghema Simon, thugna mae Jone. Theo kaisei naikno teke farirhiu nigho tuana. Nu mae Mama te au kligna neke falalase nigho eigu iara.

Diutronomi 14:6

Ghotilo tangomana te ghamu glepo te tautagu te fnota pea thatabladi re, eghuteuna ghamu buburu jateula buluka eghu.