Proveb 6:34 - Buka Blahi Ka Cheke Holo

³⁴ Jame kaisei mae thuru balugna khetogna keha mae na, mae khetogna gna na ginauna diꞌatagna fara. Mala tughugna najafra igne, mae khetogna na ginauna theome kokhonini mae igne.

Proveb 6:34 ပူးပေါင်းရင်းမြစ်များ

Famane Khoje 8:6

Iagho those ghathodi keha gaꞌasei. Iagho lisei ghau iara thegu kolho lamna ka nagnafamu na. Jateula te theome tangomana kaisei naikno te fanogrini glehe na, theome kaisei naikno tangomana te fanogrini noda namha tapa igne. Puhi te fari magnahaghei fara tapa igne, theome tangomana te gnafa na, jateula naikno na theome tangomana te rikhani Beku na. Uve, noda namha tapa na jateula kaisei khaꞌaghi biꞌo te dudulu fabiꞌo fara ra eghu.

Proveb 27:4

Puhi te diꞌatada balu fangingiri na fakabrudi keha naiknore, nu puhi goghotu na thono diꞌa fara salaꞌuni puhi te diꞌatada na.

Naba 5:14

Eghuteuna jame mana goghotuni khetogna na, ba jame gaꞌase gne theome ke ei puhi ngala nu jame mana theome filoni unha te eni naꞌa, nu mana fiti goghotuni kolho khetogna na eghu. Puhi igne tangomana te eghu ka puhi tolaghi na.

Ululahu Korin 10:22

Ba, tahati magnahagheni Lord te diꞌatagna? Ba, tahati nheta fara uluni mana? Theo fara!

Naba 25:11

“Mae pris Finehas, thugna mae pris Eleasa mae thugna Eron igne, ne fagnafani teke diꞌatagu iara ka ghotilo naiknomi Israel. Mana eni tuana, naugna mana ne ghatho tahu ghau iara nei mana jaola diꞌatagna fara ka nafnata puhi te fadiꞌani mare nanghagu iara na. Tuana site theome goigoni ghami ghotilo iara gnea.

Jenesis 39:19

Kate nomhidi nogna mae funei mae Josep na u nafnata thoutonu te edi khetogna na igre, mana ne thono diꞌatagna fara.

Proveb 6:33

Mare ginauna purini nei famamajani eghu mana ka tathadi naiknore, eghuteuna nanghagna mana na ginauna diꞌa fabrahu.

Proveb 6:35

Mana tirogna faꞌuveni poloru na, neubane biꞌo fara mana theome tangomana te gnafa diꞌatagna na.

Proveb 11:4

Kate fateni Lord naikno na, sileni na theo nafugna na theome toghoni mana. Nu puhi te doglo na tangomana te fakarhini naikno na.

Profet Isaia 13:17

Lord ne cheke eghu, “Iara ginauna huhuruni armi gna Media mala mei magra ka maedi Babilonia. Mae soldiadi Media igre mare theome ghathodi nodi silva nei gol teu maedi Babilonia igre, ba keli tadi ka glepo igre. Theo.

Fapea Samuel 11:5

Nu ke leghudi igre Batseba haimini te au thugna na ne fatei cheke ka mae Devet.