Proveb 6:23 - Buka Blahi Ka Cheke Holo

²³ Chekedi idomu kmamu are jateula kaisei juta eghu mala fadoglini nakarhamu iagho na.

Proveb 6:23 ပူးပေါင်းရင်းမြစ်များ

Nodi Khoje Hatimare Mae Jiu 119:105

Nou cheke iagho tuare jateula juta eghu mala batu ghau iara tei ka nabrou te doglo, ba jateula naphae te batu fakeli ghau iara ka nabrou te keli ra eghu.

Fapea Pita 1:19

Eigna igne, ghehati thofno fatutuanidi fara unha teke chekedi hatimare mae profet ra. Eghume, te keli na ghotilo jame jaola loku famaku nodi cheke hatimare mae profet ra, naugna cheke igre jateula kaisei juta te phae kate romno ia eghu. Juta tuana ginauna phae ghilei rane, eghuteuna naphaegna nathunu rane na jateula naphaegna mae Kraes eghu, eghuteuna ginauna phae ke lamnadi nagnafami ghotilo re.

Nodi Khoje Hatimare Mae Jiu 19:8

Tutuani, nogna vetula Lord na thofno doglo fara. Eghuteuna iheire te leghudi nogna farirhiu mana re thofno keli tadi fara. Nogna vetula Lord na thofno tutuani fara, eghuteuna tusu mei gaoghatho te keli ka tahati.

Proveb 15:31

Mae te fanomho fakeli ka cheke te mala fadoglini mana teuna, mana kaisei mae glalase fara.

Proveb 4:13

Leuleghu fata na iagho loku famaku nei reireghi fakelini eghu nogu famane cheke iara igne. Naugna igne ngala jateula nafugna teu nakarhamu iagho na.

Proveb 4:4

mae kmagu iara na neke farirhiu ghau iara neke cheke eghu, “Thuguo, ghathodi gobigna lepo teke chekedi iara ka iagho ra. Te leghu fakelidi iagho nogu cheke iara igre na, iagho ginauna karha.

Profet Jeremaea 21:8

“Eghuteuna Lord ne cheke eghu, ‘Jeremaea, iagho tusu lao nogu cheke iara igne ka naiknore: Iara Lord, iara gognarona falalase ka ghotilo phei nabrou. Kaisei nabrou mala karha, eghuteuna kehana mala lehe. Ghotilo mala vavahi ka phei nafnata nabrou aheva te magnahaghei leghuni ghotilo na.

Proveb 29:15

Jame te fadoglini iagho sua na te purini na, sua igne ginauna hata gaoghatho te keli nei glalase eghu. Nu sua te theome fadoglini na, ginau famamajani idogna na.

Proveb 15:24

Mae te autagna gaoghatho te keli na, mana tangomana te tei ka nabrou te haghe kligna te mala athini u karha na. Eghume, mana theome tangomana te soru pari ka namonodi mae tela lehehi ra.

Nodi Khoje Hatimare Mae Jiu 141:5

Keli kolho ka iara jame te mei cheke ghau nei farirhiu ghau teu kaisei mae te keli puhigna na, te mala doglo iara nakarhagu na. Nu iara thono tirogu fara te leghuni kaisei mae te diꞌa puhigna na te mala nogna naikno mana na, naugna leuleghu fata na iara toreni Lord koba mala paradi mana naikno te diꞌa puhidire tuare.

Thakle 2:5

Iara tore ghami mala ke ghatho fapuloni aheva te ari te jafrani ghotilo na. Tughu nagnafa nei ke pulo ka iara eghu mala tangomana ghotilo te namha ghau iara na, jateula teke eni ghotilo tifa ia eghu. Jame te theome tughu ghotilo na, iara ginauna ari hata fadelei nomi juta ghotilo na.

Profet Isaia 8:20

Ghotilo fanomho fakeli ka nogna cheke Lord teke farirhiu ghami ghotilo ra. Iheire te theome leghudi farirhiu igre na, mare jateula ihei te au ke lamna gromnora eghu kolho.

Proveb 3:18

Gaoghatho te keli na jateula gaju karha eghu, eghuteuna ihei te loku maku ka gaoghatho te keli na ginauna gleale'a fara.

Proveb 5:12

Eghuteuna iagho ginauna cheke eghu, “Iara thono fameomekro fara! Naugna iara neke tirogu leghuni puhi te doglo na, nei tiroguni mae te mala fadogli ghau na!

Levitikas 19:17

“Ghotilo thosei tiromini fara kherami na, nu kate filoni ghotilo kherami igne te eni mana unha te jafra na, ghotilo tei cheke ka mana najafra igne. Ka puhi igne ghotilo ginauna theome eni nakhibo na ka mae tuana.

Jenesis 39:8

Nu mae Josep ne tirogna ne cheke eghu ka naꞌa, “Theo. Iara tirogu, naugna nogu mae funei iara gne mana neke vahi ghau iara mala reireghidi iara nogna gobigna lepo te gnafa ka suga na igre. Eghume mana theo kaisei ghatho peapea, kate loku teu iara igne na.

Nodi Khoje Hatimare Mae Jiu 119:130

Jateula naphae eghu ka naiknore kate glola fara u gaoghathodi nou cheke iagho re, eghuteuna naikno teke ihore ke lalase eghu.

Proveb 10:17

Farirhiu te keli na toghoni nakarhagna keha naikno na. Nu mae te tirogna fanomho ka farirhiu na ginauna tei jafra ka puhi te keli na.

Eklesiasti 7:5

Jame te fanomho iagho ka nogna farirhiu mae te autagna gaoghatho te keli te magnahaghei fadogli nigho iagho na, puhi igne keli fara salaꞌuni te fanomho iagho ka nogna khoje kilo fnakno mae te fameomekro na.

Eklesiasti 7:26

Unha te filoni iara na igne, kaisei glepo te haimini iara te diꞌanagnafani iara na uluni glehe na, nafnata gaꞌase te jateula kaisei phighoro teu igne, eghuteuna khamegna na tangomana te loku famaku ka iagho jateula kaisei chen eghu. Ihei te leghuni God na tangomana te rikha na, nu naikno te diꞌa na ginauna khale ka phighoro.

Profet Esikiel 20:11

Iara neke cheke faheta ka mare eghuteuna farirhiudi mare nogu vetula re. Jame ihei te faꞌuvedi nei leghudi teu nogu cheke iara igre na, mana tangomana nate au fakeli na.