Proveb 6:15 - Buka Blahi Ka Cheke Holo

¹⁵ Nu hoholo biꞌo ginauna megei nga thokedi mare, eghuteuna mare ginauna lehe eidi.

Proveb 6:15 ပူးပေါင်းရင်းမြစ်များ

Profet Jeremaea 19:11

Iagho cheke eghu ka mare, ‘Lord mae ihei te au nolaghi fateote'o igne ne cheke eghu: Iara ginauna na jaola goigoni ni fara nomi namono nei kantri teu ghotilo igne, mala jateula suspen te phosa te diꞌa igne eghu mala theome tangomana kaisei naikno teke salo fodu na nghuja igre. Eghuteuna namono Tofet igne ginauna vido mala giugilui, eghuteuna vido igne ginauna fodu ka thinidi maedi Juda.

Fapea Kronikols 36:16

Nu mare maꞌedi mae profet igre, eghuteuna mare theome magnahaghedi nodi cheke mare re. Mare cheke faparidi mae profet igre, eghuteuna Lord ne ghilei diꞌatagna fara ka mare mala theo kaisei nabrou te mala fakarhidi mare na.

Ululahu Tesalonika 5:3

Kate chekeni naiknore, “Pharikeli nei nasnagla,” God ginauna ghosei roꞌedi, jateula khabru ghosei te mei ka gaꞌase te namo karha sua ia eghu. Eghuteuna naikno tuare ginauna theome rikha.

Proveb 1:27

Narane diꞌa ginauna thoke ghami ghotilo jateula khoburu biꞌo eghu, eghuteuna puhi biꞌo nei khabru eghu ginauna goigoni ghami ghotilo jateula seseuru eghu.

Proveb 29:1

Mae ihei te patugama fabrahu neuba mare ne cheke faheta kmana fata tagna, mae tuana ginauna parani fara, eghuteuna theo kaisei glepo nate toghoni mana na.

Nodi Khoje Hatimare Mae Jiu 50:22

“Ghotilo naikno te ghatho iho ghau iara ra, ghotilo fanomho fakeli ka gobigna lepo igre. Te theo ghotilo na, iara ginauna na fadidiꞌa ghami ghotilo, eghuteuna ginauna na theo kaisei mae te nabagna te mala fakarhi ghami ghotilo na.

Nodi Khoje Hatimare Mae Jiu 55:15

Gaoghatho te diꞌa na la kulu fodu hi ka thi'adi nei sugadi teu nogu naoka iara re. Eghume iara magnahaghedi mare te mala ghosei te lehe na. Kate karha nga teuna, mare mala kafe tei ka namonodi mae tela lehehira.

Proveb 1:26

Eghume, iara ginauna jaola eni nafnata puhi igne ka ghotilo. Kate thoke mei puhi biꞌo ka ghotilo na, iara ginauna maꞌe, nei cheke fahaehaghe eghu ka ghotilo.

Proveb 6:16

Lord theome magnahaghedi naiknore te edi fitu puhi igre: puhi fahaehaghe, puhi chaichaghi, puhi falehe naikno, puhi gaoghatho mala eni puhi te diꞌa na, puhi te tapla jafra ka nakhibo, puhi te cheke chaichaghi ka fate, nei puhi faripholai.

Proveb 14:32

Mae te diꞌa puhigna na ginauna au papara kate thoke mei puhi biꞌo na. Nu neubane lehe mae te doglo na, mana au nogna vido mala poru ka God.

Proveb 24:16

Neubane thoke mei kmana fata puhi biꞌo ka mae te keli igne, nu mae te keli igne ginauna kegra heta. Nu puhi biꞌo ginauna goigonini mae te diꞌa na.

Proveb 24:22

Phiamare ginauna ghosei ei puhi biꞌo kolho ka mare. Eghuteuna iagho theome laseni unha nafnata puhi biꞌo nate thoke mei na.

Profet Esikiel 11:13

Eghuteuna kate chekeni iara nogna cheke Lord igne, mae Pelataea, thugna mae Benaea igne megeinga ne khoko soru pari ne lehe. Aonu, iara ne pogho soru tathagu nei foflogu teure pari ka glose na ne eha eghu fabiꞌo, “Lord God! Iagho ginauna kafe aknu falehe kolho si naiknodi Israel te karha nga teu igrea?”