Proveb 4:7 - Buka Blahi Ka Cheke Holo

⁷ Gaoghatho te keli na glepo ulu fara, iagho mala hata. Neuba glalase te keli na ne ninhigrana fara, iagho mala jaola hata.

Proveb 4:7 ပူးပေါင်းရင်းမြစ်များ

Eklesiasti 7:12

Gaoghatho te keli na tangomana te togho nigho na, nei sileni na mala jaola togho nigho iagho ka vido te ninhigrana. Nu gaoghatho te keli nei glalase teu igre tangomana te thofno toghoni nakarhamu iagho na.

Proveb 23:23

Hata unha te tutuani nei keli. Fariuriu mala hata famane farirhiu nei glalase te keli. Eghuteuna thosei koko puhi te keli igre.

Proveb 16:16

Famane gaoghatho te keli balugna glalase na, thofno keli fara salaꞌudi gol ghe silva.

Filipae 3:8

Uve, iara magnahaghei te lisa faleghu te gnafa gobigna lepo teke ghatho tahudi iara kau nauthoglu igne. Naugna gognaro na iara thofno lase fakelini mae Jisas Kraes. Eghume te laseni iara na glepo tuare theo nafudi kolho. Tutuani fara, glepo igre jateula chara eghu ka gaoghathogu iara na. Eghuteuna iara magnahaghei te koko fadelei glepo tuare naugna iara magnahaghei te loku ranghini nogu Lord Jisas Kraes,

Luku 12:20

“Nu God ne cheke eghu ka mae tuana, ‘Iagho mae meomekro! Bongi na iagho na lehe. Keha mae ngau nate hata gobigna lepo teke tarabana iagho malamu themu teku igre!’

Nodi Khoje Hatimare Mae Jiu 119:104

Chekemu iagho re ngala te thono doglo fara ka gaoghathogu iara na. Eghume iara theome magnahaghedi puhi te chaichaghi re.

Luku 10:42

Kaisei glepo ngala te ulu na. Meri gne ne vahini ngala glepo te doglo na, eghuteuna theo kaisei naikno nate hata fadelei igne ka naꞌa na.”

Proveb 21:6

Sileni biꞌo te hata mana ka cheke chaichaghi na, igne katha gagahu kolho eghuteuna mana tangomana te lehe tagna na.

Eklesiasti 4:8

Jame kaisei mae au sopa thegna, mae igne theo thabusigna, ba thugna, nu leuleghu narane na mana loku heta fabrahu theome gnafa kaisei narane, naugna mana magnahaghei sileni biꞌo. Nu mae igne theome ghusna eghu ka thegna, “Mala toghoni ihei si gloku biꞌo te edi iara leuleghu narane te theome gnafa igrea?” Nafnata puhi te eni mana igne thofno diꞌa fara nei theo nafugna eghu kolho.

Proveb 4:5

Iagho mala hata gaoghatho te keli nei glalase te keli eghu. Iagho mala theome lisa kokodi, ba ghatho ihodi phei glepo igre.

Proveb 8:23

Funu tifa kani theome vuvuha nga teku Lord nauthoglu igne, mana neke vuavuha ghauhi iara neke kulu auhi.

Fapea Kronikols 1:10

Iara magnahaghei nigho iagho te tusu mei gaoghatho te keli nei glalase eghu ka iara, mala tangomana iara te batudi nei saghe leghudi teu nou naikno iagho igre ka puhi te doglo.”

Proveb 2:4

Iagho loku heta mala hiro deni gaoghatho te keli na nei glalase na, jateula mae te loku heta te hironi sileni teke pophoru mare lamna glose ia eghu.