Proveb 4:2 - Buka Blahi Ka Cheke Holo

² Ghotilo thosei koko famane farirhiu te chekedi iara ka ghotilo igre.

Proveb 4:2 ပူးပေါင်းရင်းမြစ်များ

Ululahu Timoti 4:6

Uve, iara magnahaghe nigho te chekedi glepo igre ka kherada naikno khiloau are. Te eni iagho igne, iagho ginauna kaisei nogna mae gloku keli mae Jisas Kraes. Eghuteuna iagho ginauna biꞌo haghe ka nogna farirhiu keli khiloau te leghudi te mei iagho ra.

Diutronomi 32:2

Nogu farirhiu iara na ginauna soru mei jateula nakhete eghu, ginauna mei jateula nabubla bongiro eghu. Nogu cheke iara na jateula nakhete ikoi ka nagare majaghani ra eghu, jateula famane nakhete te mala kotu buburu ra eghu.

Taetus 1:9

Glepo leghu lahu na, mana mala thofno fatutuani fara nei loku famaku eghu kau Nonomho te Keli eigna mae Jisas Kraes te farirhiuni tahati gne. Te eghu na, mana na tangomana te farirhiudi naikno khiloau re eigna u thofno farirhiu te tutuani igne. Eghume naikno khiloau re na au nodi gaoghatho nheta te mala leghuni u farirhiu te tutuani na. Mana jaola mala fatakledi unha glepo te jafra re ranghidi naikno te tirodi leghuni u farirhiu tutuani na.

Thoutonu Eigna Mae Job 33:3

Cheke nate chekedi iara igre, doglo nei tutuani eghu.

Thoutonu Eigna Mae Job 11:4

Te chekeni iagho na glepo te ghathodi iagho re doglo. Eghuteuna te chekeni iagho na nakarhamu iagho na klino ka tathagna God na.

Fapea Kronikols 7:19

“Nu jame te figri tagru ghau iara ghotilo maemi Israel gre te theome faꞌuvedi nogu vetula nei nogu cheke teu teke edi iara ka ghotilo ra, ba pogho soru ka keha god delei.

Ululahu Kronikols 28:9

King Devet ne cheke eghu ka Solomon, “Thuguo, ghatho tahuni Lord noda God. Iagho mala thofno leghuni mana, nei iagho mala sasaꞌa fara mala edi nogna gloku mana re. Lord na lasedi gaoghathoda tahatire, eghuteuna mana lasedi fara gobigna lepo te magnahaghedi tahati re eghu. Jame te hironi mana iagho na, iagho ginauna tangomana te filoni mana na, nu jame te figri tagruni iagho mana na, mana ginauna figri tagru nigho iagho fabrahu.

Nodi Khoje Hatimare Mae Jiu 119:87

Mare namo falehe ghau iara kolho, nu iara leghudi kolho nou famane cheke iagho ra eghu.

Proveb 3:1

Thuguo, thosei ghatho ihodi nogu farirhiu, nei nogu cheke teu iara ra.

Profet Jeremaea 35:8

Ghehati leghudi kolho nogna cheke mae Jonadab thugna mae Rekab te rheta fara igre. Ghehati nei khetomi nei thumi nalhaꞌu nei thumi gaꞌase teu igre, ghehati theome lase koꞌu waen.