Proveb 4:18 - Buka Blahi Ka Cheke Holo

¹⁸ Puhigna naikno te doglo na jateula naprai te haghe hamerane boibongi, eghuteuna ke agha fabiꞌo farai aublatha thongana ra eghu.

Proveb 4:18 ပူးပေါင်းရင်းမြစ်များ

Jone 8:12

Ke leghugna igne, mae Jisas ne cheke eghu ka naiknore, “Iara jateula u naphae eghu ka naiknogna nauthoglu igne. Ihei te leghu ghau iara na, mana ginauna theome totokhei kate romno na, nu mana na au kau naphae mala filoi u nabrou te karha na.”

Thoutonu Eigna Mae Job 11:17

Nakarhamu iagho na ginauna keli, jateula naprai te agha farihotei narane ra eghu. Eghuteuna kate hui puhi biꞌo ka nakarhamu iagho na, jateula naprai te haghe hamerane te toku tafru gromno ra eghu.

Profet Daniel 12:3

Eghuteuna iheire te au tadi glalase te mala toghodi keha naiknore te mala leghuni puhigna God te doglo na igre ginauna siasigla fabrahu jateula nathunu ka maloa na are eghu.”

Fapea Korin 3:18

Tahati te gnafa na theome nabada kaisei glepo te mala toku tafrudi thinidare jateula teke eni mae Moses tifa ia eghu kate mei te namo ka Lord na. Nu tahati mala fakakhana u siasigla gna nogna nolaghi biꞌo Lord na. Eghuteuna leuleghu fata na siasigla gna Lord mae ihei te Tharunga igne mana na loku ke lamnada mala ghilei tughu tahati jateula thegna mana eghu.

Filipae 2:15

Nu au fadelei ka glepo te diꞌare, mala nu theo kaisei naikno te filoni kaisei najafra ka ghotilo na eghu. Ghotilo ginauna mala goro thugna God eghu mala theo kaisei najafra tami. Nu ghotilo ginauna au ngala kau nauthoglu igne baludi naikno te thono diꞌa fara puhidi are. Uve, ghotilo mala jateula u nathunu te phae kate romno ka maloa na ia eghu ka mare.

Fapea Pita 1:19

Eigna igne, ghehati thofno fatutuanidi fara unha teke chekedi hatimare mae profet ra. Eghume, te keli na ghotilo jame jaola loku famaku nodi cheke hatimare mae profet ra, naugna cheke igre jateula kaisei juta te phae kate romno ia eghu. Juta tuana ginauna phae ghilei rane, eghuteuna naphaegna nathunu rane na jateula naphaegna mae Kraes eghu, eghuteuna ginauna phae ke lamnadi nagnafami ghotilo re.

Matiu 5:16

Eghume, jateula tuana eghu, ghotilo mala falalase nakarhami na mala laseni naiknore te nogna naikno God ghotilo na, nei filo glani unha te keli te eni ghotilo na. Eghuteuna mare ginauna cheke fakelini mae Kmami, mae ihei te au kligna.”

Matiu 5:14

“Ghotilo mala jateula juta eghu mala baubatuni nakarha te keli na ka naiknogna nauthoglu igne. Namono te au ka thogele na, theome tangomana te poru ka tathagna naikno na.

Nodi Khoje Hatimare Mae Jiu 84:7

Kate haghe naiknore Saion na, mare nake heta fapulo, naugna mare ginauna na filoni God.

Profet Isaia 26:7

Lord, iagho thofno doglo fara. Eghuteuna leuleghu fata na iagho fadoglidi fabrahu puhidi nou naiknore, eghuteuna iagho jaola ei fabligi fabrahu nakarhadi nou naiknore.

Fapea Samuel 23:4

king igne jateula naprai te thakle haghe hamerane ra eghu. Mana jateula naprai te phae kate aho nakhete, te kotu haghe buburu ra eghu.’

Thakle 22:5

Jare ginauna theome bongi. Tutuani, mare theome magnahaghei juta ba naprai, naugna noda Lord God ginauna tusu ranghidi u naphae. Mare ginauna funei fruni jateula king eghu fabrahu balugna God tifa tifa.

Fapea Pita 3:18

Nu ghotilo mala au fabrahu ka nogna khokofakasai nei glalase noda Lord Jisas Kraes. Tahati kilo fnaknoni tifa tifa nanghagna noda Lord mae ihei teke fakarhi ghita. Amen. Me gnafa. Iara, mae Pita.

Thakle 21:23

Naprai ba glaba theome phae soru ke kligna gna namono biꞌo tuana, naugna nogna nolaghi biꞌo God na siasigla mei fabrahu tagna. Eghuteuna Lam na u naphaegna namono tuana.

Profet Hosia 6:3

Gognarona tahati mala fariuriu mala lase fakelini Lord nei leghuni mana fabrahu. Tutuani, mana ginauna mei ka tahati jateula naprai te phage haghe hamerane boibongi ra eghu. Eghuteuna mana ginauna mei mala fakelidi nakarhada tahati gre. Mana ginauna na jateula narane te soru mei nakhete te mala faboubothudi glose ra eghu.”

Thoutonu Eigna Mae Job 23:10

Neuba, God na lasedi vido te gnafa aheva mana tangomana te filo ghau iara na. Eghuteuna kate fariuriuni mana puhigu iara na, mana ginauna filoni nakarhagu iara na thofno doglo kolho.

Matiu 5:45

Te eghu ghotilo na, ghotilo ginauna goro thugna God mae Kmami te au teu kligna. Naugna God namhadi iheire te diꞌa ranghini. Tutuani, mana neke eni naprai mala phae ke klignadi iheire te keli ba ke klignadi iheire te diꞌa. Mana jaola neke eni nakhete na mala soru ke klignadi iheire te keli ba ke klignadi iheire te theome keli.

Thoutonu Eigna Mae Job 17:9

Keha mae cheke eghu, ‘Ihei te leghuni God na, ginauna theome tangomana te uka pari na. Eghuteuna nakarhagna mae ihei te theome eni kaisei najafra na, ginauna rheta fabrahu.’

Nodi Khoje Hatimare Mae Jiu 97:11

God na fablahidi iheire te doglo puhidire, nei toghodi naikno te kelire mala glealeꞌa.

Proveb 2:9

Fanomho mei ka iara, eghuteuna iagho ginauna laseni unha te keli nei doglo teuna, nei unha te doglo te mala eni na.

Proveb 2:20

Jame te au gaoghatho te keli iagho na, iagho ginauna tei ka nabrou te doglo.

Proveb 13:9

Nakarhagna naikno te doglo na jateula juta eghu famane agha fara. Nu nakarhagna naikno te diꞌa na, jateula juta te falehe te romno ra eghu.

Proveb 15:24

Mae te autagna gaoghatho te keli na, mana tangomana te tei ka nabrou te haghe kligna te mala athini u karha na. Eghume, mana theome tangomana te soru pari ka namonodi mae tela lehehi ra.

Jajis 5:31

“Lord God, snakredi nou naoka iagho re mala lehe jateula Sisera eghu! Nu snakredi iheire te namha nigho iagho igre mala phae jateula naprai te haghe hamerane ia eghu!” Eghume naiknodi Israel igre na au ka pharikeli nabagna phiatutu finogha.