Proveb 31:30 - Buka Blahi Ka Cheke Holo

³⁰ Keha gaꞌase re famane, nu chaichaghi kolho eghu. Keha gaꞌase re famane filodi re, nu katha vido kmoꞌei kolho eghuteuna hui. Nu gaꞌase te ghatho tahuni Lord na, nabagna te mala cheke fakelini na.

Proveb 31:30 ပူးပေါင်းရင်းမြစ်များ

Proveb 1:7

Fufunu gna glalase na, iagho ghatho tahuni Lord. Nu naikno te fameomekro na tirogna fanomho nei leghuni eghu famane farirhiu na.

Proveb 11:22

Famane gaꞌase te theo kaisei gaoghatho te keli ka thiꞌagna na, naꞌa jateula khuma te reri chen gol ka graragna naia eghu.

Ululahu Pita 1:24

Grioriso te blahi na ne cheke eghu, “Naikno te gnafare jateula buburu eghu kolho, eghuteuna nodi nafnaknore jateula chechenge gaju eghu kolho. Te lehe buburu na, chechenge ginauna na brusu.

Proveb 8:13

Jame te ghatho tahuni iagho Lord na, iagho na theome magnahagheni puhi te diꞌa na. Iara theome magnahagheni puhi te fahaehaghe na, puhi te filo faparini ihei na, puhi te diꞌa na, nei cheke te diꞌa na.

Ululahu Korin 4:5

Eghume thosei fate naikno nu ofou ghilei thoke mei Lord. Mana ginauna hata fajifla kate phae glepo te diꞌa fara te poru teu kate romno na, eghuteuna mana ginauna fakakhana glepo teke poru ka nagnafadi naiknore. God ginauna jaola fafnaknodi gnafa naikno te leghuni nodi puhi te kelire.

Ululahu Pita 1:7

Fariuriu igre khogla fariuriudi kolho nomi fatutuani ghotilo re, mala laseni te nheta ba te klino na. Fariuriu igre jateula gol te lilisei ka khaꞌaghi te mala fariuriu nei famane fagagae teu ia eghu kolho. Neuba ngau, gol na ne theome tangomana te au fabrahu tifa tifa. Nu nomi fatutuani ghotilo na glepo ulu fara ka God ke tulao gna gol. Eghume ka narane mala ke pulo meigna mae Jisas Kraes na, mana ginauna kilo fnakno ghami nei cheke fakelidi nanghamire nei ghatho tahu ghami naugna nomi fatutuani na ne heta fara.

Luku 1:6

Nu puhidi repa igre doglo fara ke ulugna God, naugna repa ne thofno leghudi nogna vetula nei farirhiu teu God re.

Proveb 6:25

Neuba gaꞌase igne ne famane fara thinigna na, iagho thosei lehe nou ka naꞌa. Neubane kaflo gehe naꞌa ka iagho, iagho thosei snakreni naꞌa mala ulu nigho.

Fapea Samuel 14:25

Mae Absalom gne kaisei mae famane tutuani fara, eghuteuna theo kaisei glafi te au ka thinigna mana na. Theo kaisei maegna Israel te famane jateula mae Absalom teuna. Eghuteuna naikno te gnafa Israel igre keli tadi fara kate filoni mana na.

Jemes 1:11

Kate haghe naprai na, ginauna na brana e brana. Eghuteuna gaju tuare ginauna na brango ka nabrana gna naprai na, aonu chechenge gaju teke famane khuakhuda tuare ginauna na ghoꞌe khoko soru lehe. Na jateula tuana eghu mae ihei te dedei na. Kate loku teuna mana ginauna lehe kokodi nogna dedeire.

Eklesiasti 12:13

Iagho la nomhidihi cheke te gnafa igre, eghume igne nogu cheke farirhiu leghu lahu iara: Ghatho tahuni God eghuteuna leghudi nogna cheke manare, naugna igne unha te mala eni tahati na.

Letas Teke Riso Tei Mae Pol Ka Khiloau Rom 2:29

Nu God fadoglonihi nagnafagna mae ihei te thofno Jiu na ka nogna nolaghi mae Tharunga te Blahi. Naugna thofno gaoghathogna u tohi fagaglana na la horoghotohi ka nakarhagna naikno na kate leghuni mae Tharunga te Blahi na, theome kate leghuni mana u vetula na. Eghuteuna God tangomana te ghatho tahuni nafnata mae igne, neuba keha naiknore ne theome tangomana te ghatho tahuni mana na.

Profet Esikiel 16:15

“ ‘Nu iagho hata puhi te mala famane fara filomu na eghuteuna mae nalhaꞌure neke lase fakeli nigho iagho, te mala jateula thau vine teuna. Iagho mala thuru fodu kolho balugna kaisei mae ihei te mei ka iagho na, iagho mala jateula khotogna eghu mana.

Eklesiasti 7:18

Te keli na iagho famane ghaoghatho fakeli eidi phei farirhiu igre. Jame te ghatho tahuni iagho God na, iagho ginauna thofno keli fara.

Nodi Khoje Hatimare Mae Jiu 112:1

Tahati kilo fnaknoni Lord! Ihei te ghatho tahuni Lord, nei magnahaghei leghudi nogna vetula Lord re teuna, mae igne keli tagna fara.

Proveb 11:16

Naiknore ghatho tahuni gaꞌase te keli puhigna na. Nu naiknore theome ghatho tahuni mae te tei te goigonidi keha naiknore.

Proveb 22:4

Jame te au fapari nigho themu nei ghatho tahuni Lord teuna, iagho ginauna dedei, fnakno nei au ka nakarha te keli.

Proveb 31:29

Khetogna na cheke eghu ka naꞌa, “Kmana gaꞌase re keliu, nu iagho na thofno keli fara salaꞌudi reꞌe hui.”

Proveb 31:31

Naiknore mala ghatho tahuni nafnata gaꞌase te keli fara puhigna na igne. Eghuteuna nabadiu naiknore te ghatho tahuni eidi nogna gloku naꞌa re.