Proveb 31:17 - Buka Blahi Ka Cheke Holo

¹⁷ Naꞌa kaisei gaꞌase nheta, eghuteuna naꞌa loku heta fabrahu.

Proveb 31:17 ပူးပေါင်းရင်းမြစ်များ

Thoutonu Eigna Mae Job 38:3

Jame kaisei mae tutuani iagho na, iagho kegra haghe, cheke tughu mei nogu faghusna iara igre.

Ululahu Pita 1:13

Eghume gognaro na ghotilo tarabana fabrahu nagnafamire mala leghuni Lord nei filo fakeli eghu. Eghuteuna farerheta gaoghathomire ka glepo te keli God nate tusu ranghi ghami ka narane ke pulo meigna mae Jisas Kraes.

Efesus 6:10

Nogu cheke leghu lahu iara ka ghotilo na igne. Kegra heta ka nogna nolaghi biꞌo Lord, eigna ghotilo kaisei balugna mana.

Efesus 6:14

Eghume, ghotilo kegra heta balugna nomi nhugha mala magra na, igne u cheke te tutuani na. Eghuteuna fahaghe nomi phokore, igne puhimi ghotilo te doglore.

Luku 12:35

Mae Jisas ne cheke eghu, “Ghotilo tarabana nomi koba leghu fata jateula kaisei mae gloku te kulu fakasa nogna juta na nei kulu famamhaku nogna phipichi na teu ia eghu.

Ululahu Kings 18:46

Eghuteuna nogna nolaghi Lord na ne mei ka mae Elija, eghuteuna mana ne haru famaku nogna pohe na ne chari uluni King Ehab ne kulu tei Jesrel.

Profet Hosia 7:15

Tutuani, neuba iara ne toghodi nei tusu ranghidi nolaghi neu, mare roghe poru te mala eni puhi te diꞌa na ranghi ghau iara.

Profet Isaia 44:12

Mae te lase hohoro glepo ka aean na, mana ginauna hata kaisei vido aean mala gahu ka khaꞌaghi te brana fara na mala hohoro kaisei mumuju. Aonu mana kuri aean igne ka nanhetagna fateote'o ghilei eni nafnata mumuju te magnahagheni mana na. Neubane mae nheta mana, mana tangomana te rofo nei roi koꞌu, nei babaꞌo langau teuna.

Fapea Kings 4:29

Mae Elisa nomhini cheke igne, ne cheke eghu ka mae Gehasi, “Iagho tarabana mala tei. Hata nogu khodo iara na, eghuteuna faghose tei Sunem. Jame te thafoni iagho kaisei mae ka nabrou na, iagho thosei kegra snoto mala hamerane keli eghu ka mana. Iagho doglo tei ka sugagna naikno biꞌo ia, eghuteuna iagho hata nogu khodo iara gne lisei lao ke klignadi tathagna nei foflogna teu mae sitei na.”

Jenesis 49:24

Nu mare ginauna na theome falehe nigho iagho eghu, naugna iagho jateula kaisei mae nheta te lase fada te theome faboblogo nogna phaloho na ia eghu. Naugna God mae ihei te pogho soruni iara igne ngala, mana nate togho nigho iagho na. Mana ngala mae ihei te nolaghi fara ke uludi naikno te gnafare.

Proveb 31:16

Naꞌa hiro vido glose mala foli, eghuteuna tobi mala joꞌu grep tagna.

Proveb 31:18

Naꞌa laseni fara te ei nogna bisnis na, eghuteuna kmana fata naꞌa loku bongiro.