Proveb 30:33 - Buka Blahi Ka Cheke Holo

³³ Jame te hata iagho milk ka buluka na te ngigno na, bata ginauna jifla mei. Jame te tuti iagho nehugna keha mae na, dadara ginauna jifla mei. Eghume jateula tuana eghu, jame te faꞌeiꞌei iagho te diꞌatadi naiknore na, magra ginauna jifla mei.”

Proveb 30:33 ပူးပေါင်းရင်းမြစ်များ

Proveb 29:22

Mae te ghosei te diꞌatagna na, mala fufunu faripholai, puhigna mana na fodu fabrahu ka nakhibo.

Proveb 28:25

Mae te khiri fara na mala vuhai faripholai. Nu mae te rouronu ka Lord na ginauna au ka nakarha te keli.

Proveb 17:14

Fufunu gna faripholai na jateula khoꞌu te jifla mei ka khora ikoi ka baket ra eghu, fakhusuni ame khora biꞌo nga baket na nei ame biꞌo nga magra na eghu.

Proveb 26:21

Gaju na mala ngaja khaꞌaghi na. Eghuteuna mae te fapholai koba na, mae mala faꞌeiꞌei magra.

Proveb 16:28

Mae te diꞌa na faꞌeiꞌei puhi mala faripholai ka keha naiknore. Eghuteuna mae te cheke faꞌikoi na mala fasopa gaghadi kheragna re.

Proveb 15:18

Mae te ghosei te diꞌatagna na, mana faꞌeiꞌei puhi. Nu mae te thoghei te taegoni naikno na, naiknore na au ka pharikeli.

Jenesis 18:8

Kate muita hi u nafnahi gna buluka na, mae Ebraham hata ne mei balu milk nei chis eghu mala ima thilo mare. Kate ima teu thilo mae igre na, mana kegra neu ke parigna gaju na rhedi thilo mae igre.

Proveb 10:12

Te theo namha na, faꞌeiꞌei puhi biꞌo. Nu namha na hata kokodi nakhibo fateote'o.

Proveb 31:1

Nogna famane cheke idogna King Lemuel, neke farirhiuni mana.