Proveb 3:3 - Buka Blahi Ka Cheke Holo

³ Thosei koko puhi te namhadi naiknore eghuteuna keli ranghidi fabrahu. Fakakhana ka nakarhamu na jateula kaisei babaꞌo eghu tathaji ka nagnafamu na.

Proveb 3:3 ပူးပေါင်းရင်းမြစ်များ

Fapea Korin 3:3

Eghuteuna naiknore thofno laseni igne, ghotilo jateula letas teke risoni Kraes hata teke ari ghehati ia eghu. Letas igne Kraes neke theome rioriso ka ink, nu ka Tharunga gna God mae ihei te karha te tifa teke rioriso na. Eghuteuna mana neke theome rioriso ke kligna thina te tataba, nu neke rioriso ke lamna nagnafami ghotilo re.

Proveb 7:3

Ghathoni fabrahu nogu cheke iara igne, rioriso lamna ka nagnafamu na.

Hibru 10:16

“Iara ginauna na eni nhaꞌa cheke igne ranghidi mae Israel. Iara ginauna na lilisei nogu vetula na kau nagnafadire, nei iara ginauna rioriso kau gaoghathodire.”

Proveb 6:21

Iagho lilisei nodi cheke repa re ka nagnafamu na, eghuteuna leghu fakelidi fabrahu jateula kaisei babaꞌo te au ka graramu iagho na ia eghu ka nakarhamu na.

Profet Malakai 2:6

Mare farirhiudi naiknore mala leghuni kolho puhi te doglo na. Mare neke leghuni puhigu iara te doglo igne mala au fakeli kau pharikeli, mala toghodi kmana naikno mala theome leghuni puhigna nakhibo.

Efesus 5:9

naugna puhigna u naphae na tangomana tahati te edi glepo te keli nei doglo nei tutuani.

Proveb 16:6

Ghatho tahuni Lord, eghuteuna leghuni mana fabrahu, eghuteuna mana ginauna hata koko nakhibomu iagho re. Ghatho tahuni mana, eghuteuna iagho ginauna na theome tangomana te tei namo ka puhi te diꞌa na.

Proveb 20:28

Mae funei te ghatho tahudi nogna naiknore, eghuteuna batudi ka puhi te doglo teuna, mana tangomana te batudi fabrahu nogna naiknore.

Proveb 1:9

Nodi farirhiu repa igre ginauna togho nigho iagho mala naikno keli, jateula te jukla famane sisi ka phaꞌumi nei babaꞌo famane khekeve te siasigla ka graramu ra eghu.

Nodi Khoje Hatimare Mae Jiu 119:11

Iara gaoghathodi fabrahu nou cheke iagho te tutuani fara ra, mala theome eni iara kaisei najafra ranghi nigho iara.

Nodi Khoje Hatimare Mae Jiu 25:10

God na tutuani ranghidi nei namhadi eghu koba naikno te leghudi nogna nhaꞌa cheke nei nogna vetula teure.

Eksodas 13:9

U gaghamu igne jateula kaisei tuthuana te lilisei ghotilo ka khamemi nei ka greremi teura eghu mala nu iju poloni nei toutonuni eghu ghotilo ka goro suare unha teke eni Lord ranghi ghami ghotilo kani teke jifla ghotilo Ijep ia.

Profet Jeremaea 17:1

Lord ne cheke eghu, “Ghotilo naiknomi Juda. Ghotilo theome tangomana te koko puhimi te diꞌare, eghuteuna nagnafami ghotilore maku jateula thina eghu. Eghuteuna keha ka ghotilo ghagra nanghadi nakhibomire ke kligna thina. Eghuteuna mare jaola rioriso nanghadi nakhibomi ghotilore ka honagna nomi olta ghotilo te mala pogho soru ka nomi mumujure.

Diutronomi 6:8

Ghotilo rioriso soru cheke igre, eghuteuna haru famaku jateula kaisei tuthuana eghu ka khamemi nei ka greremi teu are.

Profet Hosia 4:1

Ghotilo naiknomi Israel, ghotilo fanomho fakeli ka nogna cheke Lord igne! Mana na cheke eghu, “Theo kaisei naikno ka ghotilo nate thofno leghu ghau iara na, nei jaola theo kaisei ka ghotilo nate ghatho tahu ghau iara na. Ghotilo te gnafa na theome filo glani ghau iara te nomi Lord ghotilo na.

Matiu 23:23

“Puhi biꞌo ka ghotilo mae velepuhi nei mae Farasi teu igre! Ghotilo mae chaghi fara! Ghotilo fafara ka God fabothodi ghemi khuromu te ikodi ka nomi thobire. Nu ghotilo theome leghudi kolho glepo te ulu fara ka vetula na igre. Ghotilo mala edi fadoglo gobigna lepo te jafra, nei mala lolokelidi naiknore nei thofno fatutuani ni God. Glepo ikodi igre te mala edi ghotilo re, nu thosei ghatho ihodi langau glepo te biꞌo ka vetula na igre eghu.

Fapea Samuel 15:20

Ghotilo mei au katha vido kmoꞌei kolho agne balugu iara. Theome doglo iara te hata ghami ghotilo te tei tafri balugu iara na. Naugna iara theome laseni ka vido aheva nate tei au iara na. Te keli na iagho hata mae kheramu igre mala ke kafe pulo. Iara toreni Lord mala fablahi ghami nei reireghi fakeli ghami eghu.”

Nodi Khoje Hatimare Mae Jiu 85:10

God namhadi fabrahu nogna naiknore, naugna igne mare mala fatutuani nei leghuni eghu God. Uve, iheire te doglo puhidire God ginau tusu ranghidi u pharikeli.

Proveb 14:22

Mae te ghaoghaho eigna puhi te diꞌa na, ginauna ari jafra. Nu naiknore rouronuni nei ghatho tahuni eghu mae te eni gaoghatho te keli na.

Eksodas 34:6

Mana mei ne tei salaꞌu ke ulugna Moses, eghuteuna mana ne cheke eghu, “Iara Lord! Nei iara God. Leuleghu fata na iara kokhonidi naiknore, eghuteuna iara keli fara ka mare. Iara theome ghosei diꞌatagu, eghuteuna leuleghu fata na iara namhadi nogu naiknore nei ghatho tahudi fara mare.