Proveb 3:18 - Buka Blahi Ka Cheke Holo

¹⁸ Gaoghatho te keli na jateula gaju karha eghu, eghuteuna ihei te loku maku ka gaoghatho te keli na ginauna gleale'a fara.

Proveb 3:18 ပူးပေါင်းရင်းမြစ်များ

Proveb 11:30

Puhigna mae te keli na, fakakhana nakarha te keli na. Eghuteuna ihei te autagna gaoghatho te keli na, toghodi keha naiknore mala athini karha na.

Proveb 15:4

Cheke te keli na, pala hagheni nakarhagna naikno na. Nu cheke te diꞌa na, fadiꞌa nagnafani naikno na.

Thakle 2:7

Ihei te magnahaghei te lase fakelini unha te chekeni iara na, mana fanomho fakeli ka unha te chekedi mae Tharunga te Blahi na ka khiloau igre. Iheire te leghu ghau fabrahu te ghilei lehe na, iara ginauna snakredi mala ghamu sisigna gaju te tusu mei karha te kotu kau nagare te khuakhuda te au tagna God na.”

Proveb 13:12

Naikno na diꞌanagnafa gna fara kate theome hata unha teke rouronuni na. Nu jame te hata mana glepo igne na, mana ginauna gleale'a fara.

Jenesis 3:22

Aonu Lord God ne cheke eghu, “Naikno gre la jateula tatilo lau sigre la lasenihi unha te keli na nei unha te diꞌa na eghu. Eghume gognaro na tatilo na theome snakredi repa mala tei namo ka gaju te tusu lao karha na ka naiknore. Na glahu ghamu repa sisi gna gaju igne nu karha fabrahu eghu.”

Jenesis 2:9

God neke lilisei kmana famane nafnata gaju te ure sisi te naba te mala ima na. Gaju igre famane keli fara. Fari hoteigna nagare igne na au kaisei gaju, ihei te ghamuni sisi gna gaju igne na naikno tuana ginauna na theome lehe, nu mana na karha fabrahu tifa tifa. Eghuteuna fapea gaju na aula jare, ihei te ghamuni sisi gna gaju igne na naikno tuana ginauna na laseni unha te keli na nei unha te diꞌa na eghu.

Thakle 22:2

te loloro soru farihotei nabrou biꞌo ka namono na. Gaju te tusu meini u karha ka iheire te ima sisigna na kotu ka phei gerigna khoꞌu na. Gaju igne ure leuleghu nhigra nabotho phei fata ure ke lamnagna kaisei finogha. Eghuteuna khaklagnare, naiknodi namono te gnafa ka nauthoglu gne tangomana te hata mala faghaotadi naikno te fogra re.

Proveb 4:13

Leuleghu fata na iagho loku famaku nei reireghi fakelini eghu nogu famane cheke iara igne. Naugna igne ngala jateula nafugna teu nakarhamu iagho na.

Proveb 8:34

Mae ihei te fanomho ka iara na, mana mei ka nogu suga iara na mala farirhiuni iara. Eghuteuna ihei te au balugu iara na, mana ginauna gleale'a.

Eklesiasti 7:12

Gaoghatho te keli na tangomana te togho nigho na, nei sileni na mala jaola togho nigho iagho ka vido te ninhigrana. Nu gaoghatho te keli nei glalase teu igre tangomana te thofno toghoni nakarhamu iagho na.

Proveb 8:32

“Goro sua, fanomho mei ka iara. Jame te leghudi ghotilo nogu cheke iara igre na, ghotilo ginauna na kelitami fara.