Proveb 29:6 - Buka Blahi Ka Cheke Holo

⁶ Nakhibogna naikno te diꞌa na haru famakuni mana jateula phighoro eghu. Nu naikno te doglo na snagla nogna, eghuteuna mana tangomana te koje nei glealeꞌa teuna.

Proveb 29:6 ပူးပေါင်းရင်းမြစ်များ

Fapea Timoti 2:26

Eghuteuna kate keli fapulo gaoghathodire, mare ginauna na rikha kokoni mae Satan. Eigna mae Satan gognaro gne te loku famakudi, eghuteuna mana huhurudi mala edi glepo te magnahaghedi mana thegna re.

Eklesiasti 9:12

Tahati theome laseni niha nau nate thoke ghita hoholo biꞌo na. Jateula sasa te khale lamna fangna, ba jateula nanghaji te khale ka phighoro, tahati jaola, hoholo biꞌo ginauna thoke ghita ka narane tahati te theome ghathoni, eghume tahati gne jateula te au teu ke lamna phighoro eghu.

Eksodas 15:1

Kate filoni hatimare mae Israel gre nogna nolaghi biꞌo Lord te falehedi mae Ijep gre ka thongna na, mae Moses nei naiknodi Israel gre eghu ne koje kaisei khoje ne cheke eghu: “Iara na koje ranghini Lord, naugna Mana ne thofno tapla faparidi fara nogna naokare. Mana neke huju soru hose nei mae teke saghe ka hose igre teure lamna thongna.

Nodi Khoje Hatimare Mae Jiu 118:15

Fanomho mei ghotilo ia, eigna tahati nogna naikno Lord, tahati mala glealeꞌa nei eha eghu ke lamnadi noda suga thapuale gre. Uve, tahati eha eghu fabiꞌo, “Ka nogna nolaghi Lord te uluni tahati u magra na.

Nodi Khoje Hatimare Mae Jiu 97:11

God na fablahidi iheire te doglo puhidire, nei toghodi naikno te kelire mala glealeꞌa.

Nodi Khoje Hatimare Mae Jiu 11:6

Mana ginauna na tofa soru khaꞌaghi te ngire na ke klignadi mala thunu mare thinidire. Mana ginauna paradi nafnata naikno igre, eigna mare ne eni puhi te diꞌa na.

Ululahu Pita 1:8

Iara laseni, ghotilo theome filoni mana gognaro, nu ghotilo namhani mana, fatutuani ni mana nei gleale'ani mana. Tutuani, nomi gleale'a ghotilo na biꞌo fara, theome tangomana kaisei naikno te ruruthani gaoghathogna na.

Jemes 1:2

Kheraguro, kate au teu ghotilo ka nauthoglu gne, ghotilo na thafodi kmana nafnata puhi biꞌo. Nu kate mei nafnata puhi biꞌo igre ka ghotilo na, ghotilo gleale'a.

Proveb 12:13

Mae te diꞌa na khale ka nogna cheke thegna te diꞌa na. Nu puhi biꞌo na theome thokeni mae te doglo na.

Proveb 5:22

Nakhibogna naikno te diꞌa na tangomana te haru famakuni mana na, jateula phighoro te haru famakudi nanghaji ra eghu.

Nodi Khoje Hatimare Mae Jiu 132:16

Iara ginauna na fablahidi gobigna lepo te edi hatimare mae pris are. Naikno gna vido tuana ginauna koje nei eha fabiꞌo eghu, naugna mare ne glealeꞌa fara.

Ululahu Jone 1:4

Ghehati riso ari letas igne ka ghotilo mala gleale'a fodu balumi.

Jajis 20:41

Aonu mae iheire teke rikha chaghi igre figri leghu neke magra. Aonu armigna Benjamin igne ne mhaghu nodi fara eghuteuna mare theome laseni unha nate eni na, naugna mare filo glani te naiknore ginauna kafe lehe.

Proveb 22:5

Nakarhagna mae te diꞌa na jateula nabrou te thafru ka phono nei phighoro teuia eghu. Nu mae te reireghi fakelini nakarhagna na, au fakhaba ka nafnata nabrou igne.

Proveb 10:28

Naikno te doglo na ofoniu Lord mala tusu ranghini narane te keli na, mana ginauna filoni nei na gleale'a fara. Nu naikno te diꞌa na ginau fiti ofo kolho na theome filoni narane te keli na.