Proveb 29:25 - Buka Blahi Ka Cheke Holo

²⁵ Jame te mhaghuni iagho keha naikno na, namhaghu iagho igne jateula phighoro eghu haru famaku nigho. Nu te fatutuani heta iagho ka Lord na, iagho ginauna au fakeli.

Proveb 29:25 ပူးပေါင်းရင်းမြစ်များ

Nodi Khoje Hatimare Mae Jiu 118:8

Theome keli naiknore te rouronu kolho ka naikno na. Te keli na mare rouronu kolho ka Lord.

Luku 12:4

Aonu mae Jisas ne cheke eghu ka nogna mae fanomhore, “Uve, kheraguro, te chekeni iara ka ghotilo na, thosei mhaghudi naiknore. Mare tangomana te falehedi kolho thinimi ghotilo re, nu ke leghugna tuana mare theome tangomana te eni kaisei glepo te mala fadiꞌa ghami ghotilo na.

Proveb 18:10

Lord na jateula kaisei vido keli mala poru eghu. Naikno te doglore tangomana te tei poru jare na.

Nodi Khoje Hatimare Mae Jiu 91:14

Lord neke cheke eghu, “Iara ginauna fakarhidi iheire te namha ghau iara re. Uve, iara ginauna batudi mare, naugna mare ne thofno chekeni te iara ngala Lord na.

Proveb 16:20

Mae te fanomho fakeli na, nakarhagna na ginauna keli fara. Mae te rouronu ka Lord na, mana ginauna kelitagna fara.

Proveb 30:5

“Chekegna God na thofno tutuani fara. Mana tangomana te bara fothidi iheire te mei hiro vido mala poru ka mana na.

Nodi Khoje Hatimare Mae Jiu 125:1

Iheire te au nodi grouronu biꞌo ka God na, mare jateula Thogele Saion te theo ka nghali gna ba thugha gna teu ia eghu.

Ululahu Pita 1:21

Naugna igne, ghotilo fatutuani ni God mae ihei teke fakegra fapuloni mae Kraes ka glehe nei tusu ranghini nafnakno biꞌo. Eghume gognaro na nomi fatutuani nei grouronu teu ghotilo na biꞌo fara ka God.

Ululahu Kronikols 5:20

Eghuteuna mae soldia igre ne toreni God mala toghodi ka magra igne. Aonu God ne toghodi mare, naugna mare ne fatutuani ni mana. God ne lisa lao ka khamedi mare vikegna mae Hagri igre, nei iheire te gnafa teke balugna mana re.

Jone 9:22

Idogna kmagna teu mana ne cheke eghu naugna repa ne mhaghudi mae biꞌodi mae Jiure. Mae Jiure la kulu chekenihi mae ihei te chekeni mae Jisas gne ngala mae Kraes na teuna mala au kosi kau suga tharai na.

Jone 3:2

Kaisei bongi mana neke mei ka mae Jisas, ne cheke eghu ka mana, “Velepuhi, ghehati lase nigho iagho kaisei mae velepuhi biꞌo neke mei funu ka God. Naugna jame te theome togho nigho God na, iagho jame theome tangomana te edi kofubobhoi igre.”

Matiu 10:28

Thosei mhaghudi naiknore, naugna mare tangomanadi kolho te faleheni thini na. Nu mae ihei te mala mhaghuni ghotilo na God. Naugna mana au nolaghi te mala kafe falehedi thini ghe tharungare ka namono te mala au papara te kiloi Gehena.

Jenesis 20:11

Mae Ebraham ne cheke eghu, “Igne unha teke ghathoni iara ka thegu na, theo kaisei naikno ka namono igne te ghatho tahuni God na, eghuteuna mare ginauna na falehe ghau iara naugna mare magnahaghei te atha te khetogu iara na.

Profet Isaia 57:11

“Ghotilo chaghi ghau iara fabrahu, naugna ghotilo mhaghudi fara god te chaichaghi igre. Naugna igne, ghotilo la ghatho iho ghauhi iara. Ba, ne au kmu fabrahu iara neu ne theome ghatho tahu ghau iara si ghotilo ia?

Jenesis 26:7

Hatimare mae nalhaꞌu gna namono tuana ne ghusna ka mae Isak eigna Rebeka ne cheke eghu, “Ba? Ghema, khetomu iagho si thau ignea?” Mae Isak mhaghudi mare glahula faleheni neu ne cheke eghu ka mare, “Theo. Thau igne thofno gregagu iara.” Naugna Rebeka gne kaisei famane gaꞌase fara.

Jenesis 20:2

Eghuteuna jare mae Ebraham ne cheke eghu ka naiknore, “Sera gne gregagu iara.” Aonu mae Abimelek mae king gna jare na nomhini igne ne chekedi nogna mae glokure ne tei hata Sera na ka mana.

Profet Daniel 6:23

Kate nomhi igne, mae king ne thofno gleale'a fara ne cheke faheta ka nogna mae glokure mala korho hagheni mae Daniel ka khora na. Kate korho hagheni mare mae Daniel ka khora na, mare ne theome filoni kaisei nachrahi ba kaisei thona ka thinigna mana na. Naugna mana ne fatutuani ni God, eghuteuna lion gre theome tangomana te eni kaisei glepo te diꞌa ka mana na.

Eklesiasti 7:18

Te keli na iagho famane ghaoghatho fakeli eidi phei farirhiu igre. Jame te ghatho tahuni iagho God na, iagho ginauna thofno keli fara.

Proveb 28:25

Mae te khiri fara na mala vuhai faripholai. Nu mae te rouronu ka Lord na ginauna au ka nakarha te keli.

Ululahu Samuel 15:24

Aonu, King Sol ne cheke eghu ka mae Profet Samuel, “Tutuani! Iara la jafrahi la theome faꞌuveni chekegna Lord na! Eghuteuna iara jaola neke theome leghudi nou cheke iagho ra neku. Iara neke mhaghudi nogu mae soldia gre neke leghudi unha te magnahaghedi mare re.

Matiu 15:12

Aonu, nogna mae fanomhore mei rhegna mana ne cheke eghu, “Ghema, mae Farasi gre ne diꞌa tadi ka unha te chekedi iagho ra.”

Nodi Khoje Hatimare Mae Jiu 69:29

God, iara gne au kokhoni ghau fara, eghuteuna gaoghathogu na la funu glaꞌe soru. Farhetani gaoghathogu gne nei fakarhi ghau eghu.

Ululahu Kings 19:3

Kate nomhini mae Elija cheke igne, mana ne mhaghu nogna fara ne rikha. Mana hata balugna nogna mae gloku na, eghuteuna phiamare rikha ne tei ke mata Juda. Eghuteuna mana ne snakreni nogna mae gloku na mala au ka namono biꞌo Bereseba.

Ululahu Samuel 27:11

Leuleghu fata kate tei mana ka kaisei namono na, mana aknu falehe hui gaꞌase nei nalhaꞌu teugna namono tuana mala theo kaisei naikno te tei Gat te toutonu eidi glepo te edi mana igre. Ka narane te au teu mae Devet Filistia igre, mana eni koba nafnata puhi igne.

Ululahu Samuel 27:1

Nu mae Devet ne cheke eghu ka gaoghatho gna thegna na, “Keha narane mae king Sol ginauna falehe ghau iara. Te keli na iara na rikha tei au Filistia. Jame te tei au iara jare na, mana ginauna na theome hiro ghau iara agne Israel. Mana ginauna theome tangomana te goigoni ghau iara na.”

Profet Daniel 3:28

King ne cheke eghu, “Tahati cheke fakelini nanghagna nodi God mae Sadrak, mae Misak nei mae Abenegho! Naugna mana ne kuru meini nogna engel na ne fakarhidi thilo nogna mae gloku te rouronu kolho ka mana igre. Thilo mae igre theome leghuni nogu cheke iara na, neke tirodi maimanihidi keha god delei re, nu thilo mare fatutuani ni nodi God na. Eghuteuna kelitadi kolho te lehe eigna nodi God na.

Diutronomi 1:17

Eghuteuna kate fatedi naiknore, ghotilo fate ka puhi te doglo, thosei phile ka ihei nga. Neubane mae biꞌo ba fiti mae kolho, ghotilo thosei mhaghuni ihei, nu fatedi naiknore ka puhi te naba ka gaoghathogna God. Eghuteuna jame kaisei puhi biꞌo fara, te theome naba ghotilo te fadoglini na, ghotilo ginauna hata mei ka iara, eghuteuna iara ginauna fadoglini puhi tuana.”

Nodi Khoje Hatimare Mae Jiu 91:1

God na fnakno kligna lahu nei au nolaghi biꞌo eghu. Naikno te rouronuni Lord te mala reireghi fakelidire na cheke eghu, “Iagho nogu God iara, eghume iara rouronu nigho. Iagho mala reireghi ghau nei baubatu ghau eghu iara.”

Nodi Khoje Hatimare Mae Jiu 119:117

Loku hagheni khamegu gne, mala au fakeli iara, eghuteuna iara ginauna na ghathodi nou vetula iagho ra.

Jajis 16:11

Samson ne cheke eghu, “Jame te haru ghau iara na, mare hata phukri majaghani te theo kaisei mae teke loku tagna tifa na, iara ginauna glaꞌe kolho jateula keha mae are eghu.”

Ululahu Samuel 21:13

Aonu kate mei namo mare na, mana chaghi ne jateu mae te nolira neu. Kate fariu riu lolhoku mare na, mana ne edi glepo te fameomekro re ne ghagharosi ka gringni thinagna namono na, aonu mana fasoru naoko ne oro ne sukha ka gremoho gnare.