Proveb 29:22 - Buka Blahi Ka Cheke Holo

²² Mae te ghosei te diꞌatagna na, mala fufunu faripholai, puhigna mana na fodu fabrahu ka nakhibo.

Proveb 29:22 ပူးပေါင်းရင်းမြစ်များ

Proveb 15:18

Mae te ghosei te diꞌatagna na, mana faꞌeiꞌei puhi. Nu mae te thoghei te taegoni naikno na, naiknore na au ka pharikeli.

Proveb 17:19

Mae te magnahaghei fapholai na, mana magnahaghei nakhibo. Mae te magnahaghei cheke fahaehaghe na, mana magnahaghei puhi biꞌo.

Proveb 26:21

Gaju na mala ngaja khaꞌaghi na. Eghuteuna mae te fapholai koba na, mae mala faꞌeiꞌei magra.

Proveb 10:12

Te theo namha na, faꞌeiꞌei puhi biꞌo. Nu namha na hata kokodi nakhibo fateote'o.

Jemes 3:16

Jame kaisei mae goghotu nei ghathoni thegna teu kolho na. Mana ginauna na edi kmana glepo te diꞌa, nei na edi puhi biꞌo eghu ranghidi keha naiknore.

Proveb 22:24

Iagho thosei fren ka mae te diꞌatagna fara na, eghuteuna iagho thosei au balugna mae te ghosei te diꞌatagna na.

Proveb 14:17

Mae te ghosei te diꞌatagna na, mana tangomana te eni puhi te fameomekro na. Eghuteuna naiknore tirodini mae te ghaoghaho eigna puhi te diꞌa na.

Proveb 30:33

Jame te hata iagho milk ka buluka na te ngigno na, bata ginauna jifla mei. Jame te tuti iagho nehugna keha mae na, dadara ginauna jifla mei. Eghume jateula tuana eghu, jame te faꞌeiꞌei iagho te diꞌatadi naiknore na, magra ginauna jifla mei.”

Proveb 29:21

Jame te toghoni iagho nou mae gloku na funu suagna na, mana ginauna edi kmana puhi ranghi nigho iagho kate biꞌo haghe gna na.

Jenesis 49:7

Puhi te diꞌatami fabrahu ghopa igne ngala te fadiꞌadi nagnafami ghopa re, eghuteuna diꞌatami ghopa igre e rheta fara nei diꞌa fara eghu. Iara ginauna na eni ghami ghopa mala fiti au tafri kolho ghopa baludi naikno di Israel igre.

Proveb 27:17

Te magnahaghei fnonu nou naflahi na iagho ginauna ghorhu ka phaele. Eghume jateula tuana eghu, mae te magnahaghei au fakeli keha naiknore, mana jateula te phaele naflahi na eghu ka nogna farirhiu na.