Proveb 29:20 - Buka Blahi Ka Cheke Holo

²⁰ Jame te filoni iagho mae ihei te cheke faghoeghose kolho na, mae te fameomekro na au nogna groronu te mala atha gaoghatho te keli uluni nafnata mae igne.

Proveb 29:20 ပူးပေါင်းရင်းမြစ်များ

Jemes 1:19

Kheraguro, ghaoghatho fakeli ghotilo ia. Te keli na ghotilo kulu fanomho fakeli ghu ame funu cheke nga nei diꞌatami nga eghu ka keha naiknore.

Proveb 26:12

Jame kaisei mae chekeni ne lalase fara eghu, tahati ninhigrana ranghi ghita te toghoni mana te mala lasedi gobigna lepore. Nu jame kaisei mae fameomekro magnahaghei lalase, tahati tangomana te toghoni mana te mala lasedi gobigna lepore.

Proveb 14:29

Mae te theome ghosei te diꞌatagna na, mana lalase fara. Mae te ghosei te diꞌatagna na, mana fameomekro fara.

Eklesiasti 5:2

Iagho kulu ghaoghatho fakeli, ame tangomana nga iagho te kegra haghe te chekeni kaisei glepo na. Iagho thosei nananga te mala nhaꞌa cheke ka God na. Naugna God na au kligna, eghuteuna iagho au ka nauthoglu igne, eghume iagho thosei cheke me brahu.

Proveb 21:5

Mae te loku heta na, ginauna dedei, mae te loku nananga kolho na, mana ginauna kuma.

Proveb 29:11

Mae te fameomekro na fakakhana fara diꞌatagna na, nu mae te autagna gaoghatho te keli na saghe leghuni diꞌatagna na.

Proveb 19:2

Te theome laseni na, iagho thosei nananga. Te nananga iagho na, iagho na tei fajafra.

Proveb 29:19

Neubane mae gloku na ne leghuni nogna mae funei na nu te cheke kolho na theome tangomana te fadoglini mana na.

Proveb 29:21

Jame te toghoni iagho nou mae gloku na funu suagna na, mana ginauna edi kmana puhi ranghi nigho iagho kate biꞌo haghe gna na.