Proveb 29:15 - Buka Blahi Ka Cheke Holo

¹⁵ Jame te fadoglini iagho sua na te purini na, sua igne ginauna hata gaoghatho te keli nei glalase eghu. Nu sua te theome fadoglini na, ginau famamajani idogna na.

Proveb 29:15 ပူးပေါင်းရင်းမြစ်များ

Proveb 17:25

Sua te fameomekro na, mana fadiꞌa nagnafani fabrahu kmagna na. Eghuteuna fatanhini idogna teke fakarhini na.

Proveb 29:17

Jame te fadoglini iagho thumu na, iagho ginauna au blagna nei glealeꞌa eghu.

Proveb 13:24

Mae te theome purini thugna na, mana theome namhani thugna na. Nu mae te namhani thugna na, mana farirhiuni thugna na.

Proveb 10:1

Igre nogna famane cheke king Solomon. Kmagna mae te au tagna gaoghatho te keli na, mana gleale'a fabrahu. Idogna mae te fameomekro na, diꞌanagnafa fabrahu nei tanhi eghu.

Proveb 22:6

Farirhiudi suare mala leghuni puhi te doglo na, kate biꞌo haghe na, mare ginauna na theome ghatho ihoni farirhiu tuana.

Proveb 22:15

Gaoghatho fameomekro na fodu ka thiꞌagna sua na, nu te keli na puphuri ngala mala gnafa nafnata gaoghatho te fameomekro tuana.

Proveb 17:21

Mae te fameomekro thugna na, diꞌanagnafa fabrahu. Kmagna mae te fameomekro na, theome gleale'a.

Proveb 10:5

Mae te autagna gaoghatho te keli na, mana ginauna dokha bopa ka thofno naranegna na. Nu mae te thuru te theome loku ka narane tuana na, tharaknagna mana na ginauna mamaja nodi fara.

Proveb 29:21

Jame te toghoni iagho nou mae gloku na funu suagna na, mana ginauna edi kmana puhi ranghi nigho iagho kate biꞌo haghe gna na.

Proveb 19:18

Farirhiuni thumu na mala leghuni puhi te doglo na. Thosei lisa laoni mala faleheni thegna ka puhi te diꞌa.