Proveb 29:13 - Buka Blahi Ka Cheke Holo

¹³ Neubane mae kuma ba ihei te goigonini mae te kuma na, phiamare kaisei nanaba ngala, naugna Lord neke kafe tusu lao tatha ka phiamare te mala filo na.

Proveb 29:13 ပူးပေါင်းရင်းမြစ်များ

Matiu 5:45

Te eghu ghotilo na, ghotilo ginauna goro thugna God mae Kmami te au teu kligna. Naugna God namhadi iheire te diꞌa ranghini. Tutuani, mana neke eni naprai mala phae ke klignadi iheire te keli ba ke klignadi iheire te diꞌa. Mana jaola neke eni nakhete na mala soru ke klignadi iheire te keli ba ke klignadi iheire te theome keli.

Proveb 22:2

Neubane mae dedei ba ne mae kuma, phiamare kaisei nanabau kolho. Lord neke vuavuhadi phiamare gnafa.

Nodi Khoje Hatimare Mae Jiu 13:3

God, iagho nogu mae funei iara. Ghatho ghau iara sagho nei nomhidi eghu nogu tharai gre. Farheta ghau mala theome tangomana iara te lehe na.

Efesus 2:1

Tifa na ghotilo neke au ka glehe, naugna ghotilo neke huhughuni God nei edi unha glepo te diꞌa.

Matiu 9:9

Mae Jisas jifla ka vido tuana ne mei filoni kaisei mae mala salo takis, nanghagna na mae Matiu, mana gnokro neu ka vido mala foli takis naiknore. Mae Jisas ne cheke eghu ka mana, “Ghema, mei leghu ghau iara, iagho mala nogu mae fanomho iara.” Aonu mae Matiu ghosei ne kegra haghe ne leghuni mae Jisas.

Esra 9:8

“Nu gognarona, iagho nomi Lord God thofno keli fara ka ghehati, eghuteuna iagho snakredi keha ka ghehati mala karhau, mala tangomana ghehati teke pulo mei mala teke au fakeli ka nou vido blahi iagho igne. Neuba ghehati ne au jateula naikno sneka neu, nu iagho tusu mei nakarha majaghani ka ghehati mala farerheta gaoghathomi ghehati gre.