Proveb 29:12 - Buka Blahi Ka Cheke Holo

¹² Mae lida te fanomho ka chaichaghi na, nogna mae gloku te gnafa mana ka gavman na igre ginauna kafe diꞌa hui.

Proveb 29:12 ပူးပေါင်းရင်းမြစ်များ

Proveb 20:8

Kate gnokro mae funei na te fateni naikno na, mana tangomana filodeni unha te keli na, nei unha te diꞌa na.

Proveb 25:23

Khoburu na hata mei nakhete, buiburi na hata mei diꞌatada.

Ululahu Kings 12:14

ne leghuni nodi cheke goro mae majaghani re. Mana ne cheke eghu, “Kmagu iara na neke huhuru ghami ghotilo neke loku heta, nu iara ginauna nhaꞌa ari gloku biꞌo fara ke klignami ghotilo. Mana neke para ghami ghotilo, nu iara ginauna na thono para ghami ghotilo salaꞌui fara.”

Fapea Kings 21:9

Nu naiknodi Juda igre neke theome leghuni Lord, eghuteuna King Manase neke batudi naiknore ka nakhibo te thono diꞌa fara salaꞌudi naikno bongihehe teke goigonidi Lord kani teke hata mei mana naiknodi Israel teke au ka kantri igne.

Profet Jeremaea 37:2

Nu King Sedekaea, baludi nogna mae ofisa nei keha naiknodi Juda teu igre ne tirodi fanomho ka cheke te tusu lao Lord ka mae profet Jeremaea igre.

Jenesis 39:19

Kate nomhidi nogna mae funei mae Josep na u nafnata thoutonu te edi khetogna na igre, mana ne thono diꞌatagna fara.

Ululahu Samuel 18:22

Mae Sol ne cheke ka nogna mae glokure mala tei cheke famaemahe eghu ka mae Devet, “King thofno keli tagna fara ka iagho, eghuteuna nogna mae gloku te gnafa manare jaola magnahaghei nigho iagho. Thofno keli fara te tolaghi iagho ka thugna mana na.”