Proveb 28:27 - Buka Blahi Ka Cheke Holo

²⁷ Ihei te toghoni naikno te kuma na, ginauna na theome kmoꞌe ka kaisei glepo. Nu ihei te theome toghodi naikno te kuma na, mare ginauna cheke fadiꞌa ni mana.

Proveb 28:27 ပူးပေါင်းရင်းမြစ်များ

Proveb 19:17

Kate namhani nei toghoni teu iagho naikno te kuma na, Lord ginauna taba nigho eidi unha teke edi iagho re.

Proveb 11:24

Tufa glepo iagho te toghodi keha naiknore, iagho ginauna dedei. Nu te loku fapulo iagho unha mala tufa teku na, iagho ginauna kuma.

Diutronomi 15:7

“Kate tei te au ghotilo ka glose teke tusu ari Lord nomi God ka ghotilo na, jame kaisei kherami ghotilo ka namonomi na kmoꞌe ka glepo, ghotilo thosei hongo ghami ka mana, eghuteuna thosei thodo te toghoni na.

Diutronomi 15:10

Ghotilo glealeꞌa eghuteuna thosei thodo te toghoni ihei te kuma. Eghuteuna jame te eni ghotilo igne na, Lord ginauna fablahi ghami ghotilo ka gobigna lepo te edi ghotilore.

Proveb 22:9

Mae te tufa gano ka mae te kuma na, ginauna kelitagna fara.

Proveb 11:26

Ihei te theome snakredi gano te magnahaghei foli teu naiknore, mare ginauna cheke fadiꞌani mana. Nu te snakreni mana te foli naiknore, mare ginauna gleale'a fara ka mana.

Hibru 13:16

Nu thosei ghatho ihoni te mala edi gloku te keli tangomana te mala toghodi keha naiknore, naugna fafara jateula tuana eghu te keli tagnani God na.

Profet Isaia 1:15

Kate ngafa haghe ghotilo khamemire te tarai mei ka iara na, iara ginauna tirogu filo ari ka ghotilo. Neuba ghotilo ne tarai ne tarai leghu rane, iara ginauna tirogu fanomho ka ghotilo. “Naugna dadaradi naikno teke aknu falehe ghotilo ra fodu ka khamemi ghotilore.

Proveb 24:24

Glahu cheke eghu mae mala fate na ka mae te nabagna te mala papara na, “Iagho doglou kolho!” Jame te eni mana igne na, naiknore ginauna cheke faparini mana.

Proveb 28:28

Kate baubatu mae lida te diꞌa na, naiknore ginauna poru. Nu kate lehe mae lida te diꞌa igre na, naikno te doglo nate ke lida na.

Proveb 11:25

Ihei te tufa kmana glepo te mala toghodi keha naiknore, mana ginauna dedei salaꞌui. Te toghodi iagho keha naiknore, mare ginauna na jaola togho nigho iagho.