Proveb 28:23 - Buka Blahi Ka Cheke Holo

²³ Jame te fadoglini iagho puhigna keha mae na, mana ginauna kelitagna fara ka iagho. Puhi igne thofno keli fara uluni puhi te cheke famaemahe na.

Proveb 28:23 ပူးပေါင်းရင်းမြစ်များ

Matiu 18:15

Mae Jisas ne cheke eghu, “Jame kaisei mae kheramu iagho ka khiloau eni fadiꞌa ranghi nigho kaisei glepo, iagho tei cheke ka mana eigna unha teke eni fadiꞌa mana ranghi nigho iagho na. Ghopa eni poru glepo igne farihoteimi themi. Te magnahaghei fanomho fakeli mana ka iagho na, iagho toghoni mana mala ke fofodu fapulo ghopa.

Nodi Khoje Hatimare Mae Jiu 141:5

Keli kolho ka iara jame te mei cheke ghau nei farirhiu ghau teu kaisei mae te keli puhigna na, te mala doglo iara nakarhagu na. Nu iara thono tirogu fara te leghuni kaisei mae te diꞌa puhigna na te mala nogna naikno mana na, naugna leuleghu fata na iara toreni Lord koba mala paradi mana naikno te diꞌa puhidire tuare.

Galesia 2:11

Nu kate mei mae Pita Antiok na, iara ne thofno cheke fara ka mana, naugna unha te eni mana na thono jafra fara.

Proveb 29:5

Mae ihei te chaghini nei famaemaheni teu mae kheragna fofodu na, mana jateula te lilisei phighoro mala fakhaleni mae kheragna fofodu na tura eghu.

Ululahu Kings 1:23

Keha naikno ne cheke ka mae Devet te mei profet Natan igne, eghuteuna mana ne tei ruma ka nogna chogho king na ne mei pogho soru ke ulugna king

Fapea Samuel 12:7

Aonu, mae Natan ne cheke eghu ka mae Devet, “Iagho ngala mae te dedei igne! Eghume, Lord noda God tahati maeda Israel igne ne cheke eghu ka iagho, ‘Iara neke vahi nigho iagho mala king gna Israel, eghuteuna iara neke theome snakreni mae Sol mala falehe nigho iagho.

Proveb 24:25

Nu mae fate te parani mae te eni puhi te diꞌa na, God ginauna fablahini mana.

Thoutonu Eigna Mae Job 32:21

Job, iara ginauna na theome phile balumu iagho, eghuteuna iara theome tangomana la te phile baludi thilo mae igre. Eghuteuna iara ginauna na theome fariuriu mala famaemaheni kaisei mae ka ghotilo.

Thoutonu Eigna Mae Job 32:22

Iara theome tangomana te cheke famaemahe ka ghotilo na, naugna jame eni iara igne na, God mae ihei teke vuavuha ghau iara na, ginauna ghosei para ghau iara.”