Proveb 27:6 - Buka Blahi Ka Cheke Holo

⁶ Iagho tangomana te rouronuni mae kheramu te fadogli nigho na, nu fiofilo nighoi ka mae naoka te fariuriu famaemahe nigho na.

Proveb 27:6 ပူးပေါင်းရင်းမြစ်များ

Nodi Khoje Hatimare Mae Jiu 141:5

Keli kolho ka iara jame te mei cheke ghau nei farirhiu ghau teu kaisei mae te keli puhigna na, te mala doglo iara nakarhagu na. Nu iara thono tirogu fara te leghuni kaisei mae te diꞌa puhigna na te mala nogna naikno mana na, naugna leuleghu fata na iara toreni Lord koba mala paradi mana naikno te diꞌa puhidire tuare.

Thakle 3:19

Naikno te namhadi fara iara gre, iara tangomana te cheke faheta ranghidi mala lilisei nodi puhi te diꞌare, nei jaola tangomana te farirhiudi mala leghuni nabrou te doglo na. Eghume, ghotilo mala hati nhetami na mala koko puhi te diꞌare.

Hibru 12:10

Mae kmada ka nauthoglu gne para ghita katha vido kmoꞌei kolho leghuni unha te keli ka mana na. Nu God para ghita mala thofno togho ghita, eghume tahati ginauna mala au blahi jateu mana eghu.

Proveb 10:18

Jame mae te pophoru nagnafa te theome namhani keha mae na, mana kaisei mae chaichaghi. Eghuteuna mae te fameomekro na, vuavuha cheke eigna keha mae na.

Proveb 20:30

Jame te puphuri iagho mae te eni puhi te diꞌa na, igne mana ginauna figri tagruni puhi te diꞌa na, eghuteuna mana ginauna na kaisei mae keli.

Proveb 27:7

Kate ghamu te boho na, iagho ginauna tirouni unha te mamahe na. Kate rofo fara na, neubane gano te raha fara, iagho ginauna ghamu ngala gano tuana.

Proveb 28:23

Jame te fadoglini iagho puhigna keha mae na, mana ginauna kelitagna fara ka iagho. Puhi igne thofno keli fara uluni puhi te cheke famaemahe na.