Proveb 27:18 - Buka Blahi Ka Cheke Holo

¹⁸ Te reireghi ni gaju te au sisigna na, iagho ginauna ghamu fuꞌa gna na. Te reireghini nogna funei na, iagho ginauna hata nafnakno biꞌo.

Proveb 27:18 ပူးပေါင်းရင်းမြစ်များ

Fapea Timoti 2:6

Jaola, mae ihei te loku heta ka nogna nagare na, mana ginauna kulu hata ghegna gano ka teke joꞌu thegna re.

Ululahu Korin 9:7

Ka nogu puhi iara te mala hiro sileni, filo si ghotilo: theo kaisei mae soldia te loku ka armi te mala folini thegna nogna taba na. Eghuteuna jaola theo kaisei mae te loku ka nagare, eghuteuna theome ima keha sisi thegna teuna. Ba, kaisei mae te reireghi sipu te hata keha milk te mala koꞌu thegna na.

Famane Khoje 8:12

Solomon, iara kelitagu mala tathaji iagho kaisei thogha silva mala nou iagho, eghuteuna iara jaola kelitagu ka mae igre mala tathaji mare phei gobi silva mala nodi mare. Naugna iara au kaisei nogu nagare mala nogu iara thegu!

Ululahu Korin 3:8

Eghume mae te joꞌu sisi nei mae te toatofa khoꞌu teu igre kaisei gaoghatho kolho fei gloku na. Aonu God ginauna tabadi phiamare leghuni nodi gloku na.

Luku 12:37

Hatimare mae gloku re keli tadi fara kate ke pulo mei nodi mae funei na te filodi mare te kulu tarabana ofoni mana teu. Tutuani fara te chekeni iara ka ghotilo na, mana ginauna tabadi mare. Mana na pipichi nogna pohe na mala tarabana gano maladi mare, eghuteuna chekedi mare mala ima balugna.

Jone 12:26

Jaola mae ihei te magnahaghei loku ranghi ghau iara na, mana mala leghu ghau iara. Eghuteuna nogu mae gloku iara tuana ginauna tei balugu iara ka namono aheva te tei iara na. Eghuteuna mae Kmagu iara na ginauna ghatho tahuni mana.”

Luku 19:17

“Mae funei na ne cheke eghu ka mana, ‘Keli fara, iagho mae gloku keli fara! Iara ginauna na vahi nigho iagho mala reireghidi nabotho namono biꞌo, naugna iagho ne loku fakeli ka glepo te ikodi jateula tuana teuna.’

Matiu 24:46

Mae gloku igne ginauna keli tagna fara kate mei nogna mae funei na, eghuteuna nogna mae funei na filoni mae gloku na te famane eni fabrahu nogna gloku na.

Proveb 22:29

Mae te laseni fara nogna gloku na, mana na theome eni nogna gloku fiti mae na, nu mana ginauna na loku ranghini mae funei.

Ululahu Pita 2:21

God neke kilo ghamihi mala eni igne, naugna mae Kraes neke papara fara mala fakarha ghami ghotilo. Mana neke falalase ka ghotilo nogna puhi na mala leghuni ghotilo ginau.

Ululahu Pita 2:18

Ghotilo mae gloku ra, leghudi nomi funeire, nei ghatho tahudi eghu. Thofno keli fara te ghatho tahudi ghotilo nomi funeire, neuba mare ne keli fara ranghi ghami ghotilo ba mare tangomana te para ghami ghotilo fara.

Kolose 3:22

Ghotilo naikno snekara, leghudi fabrahu nomi funeire ka gobigna lepo te edi ghotilo re. Thosei leghudi kolho kate filo teu ka ghotilo na, mala famaemahedi kolho mare. Nu famane loku ranghidi naugna ghotilo mhaghuni Lord nei magnahaghedi eni unha te keli na.

Ululahu Korin 9:13

Ghotilo lasedihi iheire te loku ka Sugablahi ra, mare tangomana te hata gano ka Sugablahi na. Eghuteuna iheire te gahu fafara ka olta ra, mare tangomana te hata vido gano teke fafara mare ka olta na.

Mae Khuru 10:7

Kate jifla tela teihi u engel na, mae Konilias ne kilodi phei nogna mae glokure baludi kaisei mae soldia. Mae soldia igne kaisei mae keli fara nei ghatho tahuni God nei mana loku ranghini mae Konilias.

Nonomho Te Keli Teke Risoi Mae Mak 10:43

Nu ghotilo thosei jateula tuana eghu fari hoteimi themi. Mae ihei te magnahaghei mae biꞌo ka ghotilo na, mana mala jateula mae gloku eghu ka ghotilo.

Matiu 24:25

Gognarona iara magnahaghei te kulu cheke faheta ka ghotilo ame thoke mei nga glepo igre eghu.

Proveb 17:2

Mae gloku te autagna gaoghatho keli na ginauna funei fruni ni thugna mae funei te diꞌa puhigna. Eghuteuna kate lehe mae funei igne na, mae gloku igne ginauna hata kasa nogna glepo mae funei na.

Nodi Khoje Hatimare Mae Jiu 123:2

Iara ginauna na filo haghe fabrahu ka iagho mala ghilei kokhoni ghau iagho. Uve, jateula kaisei mae gloku te filo teu ka nogna mae funei na te mala toghoni ia eghu.

Ululahu Samuel 2:30

“Naugna igne iara Lord nodi God mae Israel, igne unha te chekeni iara na: Tifa na iara neke nhaꞌa cheke ka kuꞌemu iagho Eron ba iheire te gnafa ka tharaknagna mana na igre, mare ginauna mala mae pris mala edi fabrahu nogu gloku iara re. Nu gognarona, iara na cheke fadoglo ari ka iagho, u nhaꞌa cheke igne la gnafahi ka mae thumu iagho ra! Gognarona, mae ihei te ghatho tahu ghau iara na, iara ginauna ghatho tahuni mana. Nu mae ihei te tirogna ghau iara na, iara ginauna na jaola tiroguni mana.

Eksodas 24:13

Aonu mae Moses ghe mae Josua ne tarabana ne jifla ne tei, eghuteuna mae Moses ne haghe ka nogna thogele God na.

Fapea Kings 5:27

Naugna te eni iagho igne, iagho nei vikemu iagho teu igre ginauna au papara fabrahu ka khabru leprosi teke au ka thinigna mae Naman na igne.” Kate jifla mae Gehasi ka mae profet Elisa na, khabru te diꞌa igne ne kasa ka mae Gehasi, eghuteuna thinigna mana na ne thofno vegha fara.

Fapea Kings 5:25

Aonu mana tei ne filoni mae Elisa, nogna mae funei na. Mae Elisa ne ghusna eghu ka mana, “Iagho neke tei aheva?” Nu mana ne cheke eghu, “Iara neke theome tei aheva nga.”

Fapea Kings 3:11

Nu King Jehosafat ne ghusna eghu, “Theo kaisei nogna profet Lord te au agne na? Jame au teu mana agne na, tahati na tei filoni mana mala laseni gaoghathogna Lord na.” Aonu kaisei nogna komanda King Joram na ne cheke eghu, “Mae Elisa, thugna mae Safat na au agne. Tifa na mana neke loku ranghini mae profet Elija.”

Luku 12:42

Te mala laseni mae fanomhore gaoghathogna cheke naba igne, mae Jisas ne cheke eghu ka mare, “Ba, mae ihei si mae gloku te keli tagnani mae funei na ia? Mae gloku te lalase fara te leghuni fabrahu nogna cheke mae funei na. Igne ngala mae teke vavahi nogna mae funei na te mala reireghidi keha mae glokure kate tei mae funei na. Mae gloku igne ginauna tangomana te tufa nanaba ganore ka keha mae glokure ka thofno narane te mala ghamu mare na.

Fapea Kings 18:31

“Thosei fanomho ka mae Hesekaea. King gna Asiria igne cheke ghami ghotilo mala jifla mei ka namono na mala lisei soru ghami themi ka khamemi ghehati. Jame te leghuni ghotilo cheke igne na, ghehati ginauna snakre ghami ghotilo mala kafe ghamu grep ka nomi nagare are nei fig teke joꞌu ghotilo are eghu. Eghuteuna ghotilo ginauna tangomana te koꞌu ka nomi seu are teuna.

Proveb 27:17

Te magnahaghei fnonu nou naflahi na iagho ginauna ghorhu ka phaele. Eghume jateula tuana eghu, mae te magnahaghei au fakeli keha naiknore, mana jateula te phaele naflahi na eghu ka nogna farirhiu na.

Proveb 27:19

Kate filo soru ka khoꞌu na, ginauna filoni naungo gna na. Eghuteuna kate filo suplini puhigna, mana ginauna laseni unha nafnata naikno mae igne.

Profet Isaia 36:16

“Ghotilo thosei fanomho ka mae Hesekaea! Igne unha te chekeni king biꞌogna Asiria na: Ghotilo jifla mei mala nhaꞌa cheke tahati mala thosei magra. Jame te eni ghotilo igne na, ghotilo te gnafa na ginauna na au fakeli. Ghotilo ginauna tangomana te ghamu ghemi sisi grep nei fig eghu teke joꞌu ghotilo ka nagare ra, eghuteuna ghotilo ginauna nake koꞌu ka khoꞌu te keli.

Nogna Buka Esta 6:11

Aonu mae Haman tei ne atha ne mei pohe brahu igne balugna kaisei hose. Eghuteuna mana ne nhaꞌa lao ka mae Modikae pohe brahu igne. Eghuteuna mae Modikae ne gnokro ka hose, eghuteuna mae Haman athani mana ne tei farihotei glalabagna namono biꞌo na. Kate nolo te tei phiamare na, mae Haman ne eha eghu fabiꞌo: “Igne nogna puhi mae King te mala tusu lao nangha biꞌo ka mae ihei te thofno magnahagheni mae King na!”