Proveb 25:28 - Buka Blahi Ka Cheke Holo

²⁸ Iagho theome tangomana te saghe leghu nigho themu kate diꞌatamu na, te eghu iagho na, iagho jateula kaisei namono te theome bara te ligoho ka thina ia eghu.

Proveb 25:28 ပူးပေါင်းရင်းမြစ်များ

Proveb 16:32

Mae te theome ghosei te diꞌatagna na, mana nheta salaꞌuni mae soldia te nheta fara na. Mae te saghe leghuni diꞌatagna na, mana keli fara salaꞌuni mae ihei te magra heta te uluni kaisei namono biꞌo na.

Proveb 22:24

Iagho thosei fren ka mae te diꞌatagna fara na, eghuteuna iagho thosei au balugna mae te ghosei te diꞌatagna na.

Nehemaea 1:3

Aonu mare ne cheke eghu ka iara, “Naikno karha teku teke figri ka nohi Juda ra, puhi biꞌo thoke ghami ghehati, eghuteuna ghehati thono mamaja nomi fara. Gringni thinagna namono biꞌo Jerusalem ia la diꞌahi, eghuteuna grengathagna ra gnhubrahi ka khaꞌaghi.”

Fapea Kronikols 32:5

Eghuteuna king neke horo fakeli bara thinagna namono biꞌo Jerusalem teke groꞌe na neke nanhaꞌa suga mala toetoe ke kligna gna. Eghuteuna ke kosigna bara thina igne, mare neke eni fapea bara thina na ne lithui ka namono igne. Eghuteuna mare ke jaola ke horo fakeli bara thina igne mala fafofodu glose ka vido te kiloi mare nogna Namono Biꞌo King Devet. Eghuteuna mana chekedi nogna mae glokure mala tarabana kmana glepo mala magra nei greoreo mala tafra jata.

Ululahu Samuel 25:17

Iara magnahaghei nigho iagho te ghatho fakelini igne. Naugna puhi te eni mana igne ginauna fadiꞌani mae biꞌo igne nei jaola fadiꞌa ghita tahati hui. Mae igne thono fameomekro fara theome fanomho ka ihei.”

Ululahu Samuel 20:30

Nu mae Sol ne thono diꞌatagna fara ka mae Jonatan ne cheke eghu, “Iagho thugna idomu te diꞌa fara puhigna na nei huhughu fara teu igne. Iara gognarona thofno lase nigho iagho te thofno fofodu fara ka thugna mae Jesi igne! Iagho fadidiꞌa nanghamu na balugna nanghagna idomu na!

Proveb 19:18

Farirhiuni thumu na mala leghuni puhi te doglo na. Thosei lisa laoni mala faleheni thegna ka puhi te diꞌa.

Proveb 19:19

Mae te ghosei te diꞌatagna na, mana ginauna au ka puhi biꞌo fabrahu. Jame te ghosei te fadoglini iagho puhi biꞌo igne na, iagho ginauna eni fabrahu igne.