Proveb 25:26 - Buka Blahi Ka Cheke Holo

²⁶ Kate kegra haghe mae te diꞌa gre te nhaꞌa faparidi mae te doglo gre na, igne jateula grano te fodu ka chopu ra eghu.

Proveb 25:26 ပူးပေါင်းရင်းမြစ်များ

Thakle 17:6

Eghuteuna iara ne filoni gaꞌase igne naꞌa ne dranga, eigna naꞌa ne koꞌu dadaradi nogna naikno God re. Naꞌa neke falehedi naikno khiloaure, naugna mare ne fatutuani ni mae Jisas. Aonu kate filoni iara te eghu naꞌa igne, iara ne jaglo nogu fara nei diꞌanagnafagu.

Ululahu Tesalonika 2:15

Mae Jiu tuare neke faleheni noda Lord Jisas nei hatimare mae profet. Eghuteuna mare jaola huhuru ghita mala jifla ka namono tuana. Mare theome keli ranghini God, eghuteuna mare nodi naoka naikno te gnafa.

Mae Khuru 7:52

Mae ku'emi ghotilo re neke paradi fara mae profet te gnafa tifa re. Mae profet re neke chekeni meigna nogna Mae Gloku God te Doglo Fara na, eghuteuna mae ku'emi ghotilo re ngala teke falehedi mae profet re. Tutuani, gognaro na ghotilo neke majorani nei faleheni eghu nogna Mae Gloku God na.

Profet Esikiel 32:2

“Maegna ka nauthoglu. Iagho tanhi fabiꞌo nei koje diꞌanagnafa eghu ka king gna Ijep. Iagho cheke eghu ka mana: “ ‘King! Iagho gaoghathomu na ne jateula kaisei lion farihoteidi naiknodi keha kantri are eghu, nu theo kolho eghu. Iagho jateula kaisei nasava te bosa chopu ka khoꞌura eghu kolho.

Jenesis 4:8

Nu mae Kein ne tirogna fanomho ka Lord. Kaisei fata mae Kein ne cheke ka mae Abel tahigna na mala tei nonolo balugna. Eghuteuna kate au teu phiamare mhata na, mae Kein ne kegra haghe ne akni faleheni mae tahigna na.