Proveb 25:25 - Buka Blahi Ka Cheke Holo

²⁵ Famane nonomho te mei funu ka vido te khaba na, jateula khoꞌu jemnu eghu ka ihei te roi koꞌu na.

Proveb 25:25 ပူးပေါင်းရင်းမြစ်များ

Proveb 15:30

Kate filo naiknore te gleꞌa iagho na mare jaola gleꞌa. Famane thoutonu na iagho keli nagnafamu fara.

Letas Teke Riso Tei Mae Pol Ka Khiloau Rom 10:15

Ba, faꞌunha eghu ihei nate toutonuni u Nonomho te Keli na, jame te theo kaisei naikno te kuru teini God te mala toutonu ka mare na? Mana ne kurudi mare mala toutonu jateula te chekeni ka grioriso te blahi na, “Thofno keli fara te mei naiknore te mala toutonuni u Nonomho te Keli na!”

Nodi Khoje Hatimare Mae Jiu 63:1

God, iagho nogu God iara. Iara magnahaghei nigho iagho fara te mala au fabrahu ka nakarhagu gne. Kate theomu iagho na, iara haimini ka nakarhagu na jateula glose te moja te theo khoꞌura eghu, eghume iara magnahaghei nigho iagho fara te mala au balugu iara.

Thakle 21:6

Mana ne cheke eghu ka iara, “Uve, gognaro na iara funei frunidi gobigna lepore naugna iara ne tapla sorudi nogu naoka re. Iara kulu au neke vuavuha nga gobigna lepo igre nei iara na au fabrahu kate ari te gnafadi gobigna lepore. Jame ihei te magnahaghei karha te tifa na, iara ginauna snakreni mana mala koꞌu kolho ka glokha khoꞌu te tusu mei karha na.

Profet Nahum 1:15

Ghotilo naiknomi Juda! Filo ghotilo ia! Kaisei mae mala hata nonomho na la plomho mei ka thogele ro. Mana hata mei famane nonomho eigna pharikeli. Te keli na tahati mala gleale'a eidi noda narane biꞌo igre mala ke ghathodi noda nhaꞌa cheke teke eni tahati balugna Lord. Naikno te diꞌare ginauna theome tangomana nate mei hata noda namono tahati igne. Lord ginauna thofno goigonidi mare, eghuteuna theo kaisei ka mare nate karha na.

Ululahu Timoti 1:15

Mae Jisas Kraes neke mei ka nauthoglu igne mala fakarhi ghita ka nakhibo fateote'o. U cheke tuana thofno tutuani fara, mala nomhini nei fatutuani ni eghu naiknore. Iara tifa na neke diꞌa pari lahu ka nakhibo ke uludi naikno te gnafare gre.

Jone 7:37

Narane leghu lahu igne ngala narane biꞌo fara ka gaghamu na. Kau narane tuana mae Jisas kegra haghe farihoteigna nakhapru na ne cheke eghu fabiꞌo, “Mae ihei te roi koꞌu na mei ka iara mala koꞌu.

Profet Jeremaea 18:14

Leuleghu fata na thogele biꞌo Lebanon igre thafru ka khoveo thina. Eghuteuna glokha khoꞌu te jifla mei ka thogele igre thofno jemnu fara, theome tangomana te moja na.

Profet Isaia 55:1

Lord ne cheke eghu, “Ghotilo mei ka iara! ghotilo iheire te magnahaghei koꞌu ra, mei koꞌu ka iara. Khoꞌu na au ngala. Ghotilo iheire te theo nomi sileni ra, ghotilo mei ka iara. Ghotilo mei atha gano ka iara mala ima. Ghotilo mei mala koꞌu milk nei waen, uve, neubane theo sileni mei kolho.

Profet Isaia 52:7

Thofno keli fara te filoni kaisei mae te chari te mei ka thogele ro, mana atha mei famane nonomho te keli eigna pharikeli. Mana toutonu eigna God ginauna fakarhi ghita. Mana ginauna mei Saion mala cheke eghu ka tahati, “Nomi God ghotilo na king!”

Fapea Samuel 23:15

Aonu mae Devet ne magnahaghei fara te tei koꞌu ka nogna namono na. Aonu mana ne cheke eghu, “Jame te tei kaisei mae Betlehem te toho ghegu khoꞌu iara ka seu rhegna bara gna namono ia, iara ginauna keli tagu fara.”

Thakle 22:17

Tharunga te Blahi ghe khetogna Lam na, repa ne cheke eghu, “Mei sagho!” Naikno te gnafa te nomhini cheke igne mala jaola cheke eghu, “Mei sagho!” Iheire te magnahaghei hatani u karha te theo ka gnafagna na, ghotilo mei mala koꞌu kolho ka khoꞌu te tusu mei karha igne.

Eksodas 17:6

Kate ari te posa iagho ka thina te au ka Thogele Sanai ia na, iara ginau na au jare balumu iagho. Eghuteuna iagho mala atha nou khodo ana mala puphuri ka thina na, eghuteuna khoꞌu na ginau na jifla mei ka thina tuana mala koꞌu naikno are.” Mae Moses ne eni igne ne jifla mei khoꞌu na ka thina na kate filo teu goro mae biꞌodi Israel re.

Proveb 25:26

Kate kegra haghe mae te diꞌa gre te nhaꞌa faparidi mae te doglo gre na, igne jateula grano te fodu ka chopu ra eghu.

Jenesis 45:27

Nu hatimare ne toutonu ka mae kmadi na gobigna lepo teke chekedi mae Josep ka mare re. Kate filodi mae Jekop kat teke famei mae Josep te mala hatani mana te tei Ijep na, gaoghathogna mana na neke keli fapulo.

Josua 22:33

Josua nei mae iheire te baubatu ka naiknodi Israel nomhini igne ne thofno kelitadi fara ne cheke fakelini God. Eghuteuna mare ne theome cheke eigna te mala magra ka vikedi Ruben ghe Gad.