Proveb 24:25 - Buka Blahi Ka Cheke Holo

²⁵ Nu mae fate te parani mae te eni puhi te diꞌa na, God ginauna fablahini mana.

Proveb 24:25 ပူးပေါင်းရင်းမြစ်များ

Ululahu Timoti 5:20

Nu jame kaisei mae biꞌo ka khiloau tapla jafra ka nakhibo, iagho cheke faheta fara ka mana kate kafe au fodu teu naikno khiloaure mala mhaghu keha naiknore mala thosei ke enila najafra tuana.

Proveb 28:23

Jame te fadoglini iagho puhigna keha mae na, mana ginauna kelitagna fara ka iagho. Puhi igne thofno keli fara uluni puhi te cheke famaemahe na.

Taetus 2:15

Uve, iara magnahaghe nigho te farirhiudi naikno khiloaure u glepo te chekedi iara ka iagho igre. Iagho au nou nolaghi te mala toghodi mare te mala leghudi u farirhiu igre, nu ne theome leghudi nga mare u farirhiu igre nu chekedi iagho ka mare unha glepo te keli te mala edi mare re eghu. Iagho eni igne ka puhi te mala theome tangomana kaisei naikno te filo fapari nigho na.

Taetus 1:13

Unha glepo te chekeni mae profet igne thono tutuani fara ngala. Eghume iara magnahaghe nigho te cheke faheta ka naiknodi Krit are mala laseni naiknodi Krit re u nodi farirhiu chaichaghi mae velepuhi te chaichaghi te theome doglo igre eghu. Nu famane farirhiudi iagho eghu mala fatutuani ni kolho mare u farirhiu te tutuani na,

Nehemaea 13:28

Kaisei thugna pris biꞌo Joeada, thugna mae Eliasib, mana tolaghi ka thugna gaꞌase Sanbalat, maegna ka namono Bet-Horon. Ka puhi igne iara neke khi fajiflani mana Jerusalem.

Nehemaea 13:25

Iara cheke faheta ka naikno igre ne kilo mei puhi biꞌo mala thokedi mare. Kehare iara puphuri, eghuteuna kehare iara korho koko khakladire mala mamaja nodi mare. Iara huhurudi mare mala nhaꞌa cheke ka nanghagna God, mala thosei snakredi mare thudi gaꞌasere mala tolaghi ka thudi nalhaꞌu mae bongihehe, eghuteuna mare mala thosei hata thudi gaꞌase naikno bongihehe igre mala tolaghi ka thudi nalhaꞌu mare re.

Nehemaea 13:17

Aonu iara diꞌatagu fara ne cheke faheta eghu ka mae mala baubatudi Juda gre, “Filo si ghotilo! Ghotilo la goigoni narane Sabat igne la jateula fiti narane ra lau kolho.

Ululahu Samuel 3:13

Eigna iara neke chekehi ka mana, iara ginauna parani fabrahu tharaknagna mana na, naugna phei mae thugna mana igre ne goigonini nanghagu iara na. Eghuteuna mana lasediu ngala glepo te diꞌa te edi phiamare igre, nu mana ne theome chekedi phiamare neu.

Levitikas 19:17

“Ghotilo thosei tiromini fara kherami na, nu kate filoni ghotilo kherami igne te eni mana unha te jafra na, ghotilo tei cheke ka mana najafra igne. Ka puhi igne ghotilo ginauna theome eni nakhibo na ka mae tuana.

Fapea Timoti 4:2

mala toutonuni koba chekegna God na. Tarabana leghu fata mala eni igne, neuba naiknore ne tirodi fanomho ka iagho. Iagho toghodi naiknore mala filo glani mare unha te jafra ka nakarhadire. Eghuteuna iagho fadodoglo puhidi naiknore ka unha te jafra ba toghodi mala nheta nodi fatutuani na. Eghuteuna kate farirhiudire, iagho mala taegodi nei farirhiu fakelidi eghu.

Proveb 24:26

Mae ihei te cheke tughu fakeli ka iagho na, mae igne thofno mae kheramu keli iagho.