Proveb 24:23 - Buka Blahi Ka Cheke Holo

²³ Igre langau keha nodi famane cheke mae ihei te au tagna gaoghatho te keli na. Mae mala fate na mala theome mala phile balugna ihei nga ka kot.

Proveb 24:23 ပူးပေါင်းရင်းမြစ်များ

Proveb 28:21

Theome doglo mae mala fate na te phile ka keha na, eghuteuna faparini keha na teu ka fate na. Nu kakatha vido gano kolho te mala famaemaheni mae fate igne.

Proveb 18:5

Theome doglo te phile balugna mae ihei te huhughuni vetula na. Eghuteuna theome doglo te theome toghoni ihei te theome huhughuni vetula na te mala lus ka fate na.

Nodi Khoje Hatimare Mae Jiu 107:43

Ihei te au tagna glalase te keli na, ginauna ghathodi glepo igre. Mana ginauna ghathoni fabrahu eigna nogna namha biꞌo Lord ranghi ghita tahati na.

Levitikas 19:15

“Kate fateni ghotilo kherami na ka kot, ghotilo fateni mana ka puhi te doglo. Jame kaisei mae kuma tei ka kot, ghotilo thosei kaisei phile fara ka mana naugna te kuma mana na. Eghuteuna jame mae dedei tei ka kot, ghotilo theome ghatho tahuni fara mana naugna mana mae dedei. Ghotilo fatedi phia mare kaisei nanaba kolho.

Ululahu Pita 1:17

Kate tarai na ghotilo tangomana te kiloni God, Mama. Tutuani fara, kate fatedi naikno te gnafare, God ginauna theome tangomana te vahini ihei na, nu mana ginauna ghathoni eigna nogna gloku soasopai naikno na. Eghume kate karha nga teu ka nauthoglu igne, ghotilo mala ghatho tahuni God leghu fata.

Jemes 3:17

Nu glepo ulu lahu na, mae ihei te au nogna gaoghatho te keli teke tusu ranghini God na, mana theome tangomana te eni kaisei glepo te diꞌa na. Mana ginauna na au gleale'a baludi kheragna fofodure. Mana au kmu kolho. Nu mana leghuni u puhi farirhiu te keli na. Jaola mana magnahaghei te toghodi naikno te magnahaghei thotoghore. Eghuteuna mana theome vahini naikno te dedei ba naikno te kuma na, nei mana theome chaghini nakarhagna na.

Jone 7:24

Thosei vavahi ka unha glepo te keli kolho fifilogna ke kosi na, nu te keli na vavahi ka unha glepo te thofno tutuani.”

Profet Hosia 14:9

Ihei te lalase na, naikno tuana ginauna lase fakelidi cheke te edi iara ka buka na igre, nei tathaji fakeli ka nagnafagna na. Eigna puhigna Lord na thofno doglo fara. Eghuteuna ihei te doglo na mala leghuni puhigna mana na. Nu ihei te diꞌa na theome tangomana te leghuni puhigna God na, naugna naikno igne theome ghatho tahuni puhi te doglo na.

Proveb 1:6

Te lase fakelidi tahati gaoghathodi famane cheke igre na, tahati ginauna tangomana te lasedi nogna cheke mae te lalase na.

Fapea Kronikols 19:7

Ghotilo ghatho tahuni Lord noda God. Fiofilo ghami mala fate ka puhi te doglo, naugna mana tirognani puhi te theome doglo na. Eghuteuna mana jaola tirognani mae fate te phile ka ihei na, ba tirognani puhi te fate famaemahe te mala hata sileni na.”

Diutronomi 16:19

Mare mala theome leghuni puhi te theome doglo na. Mare theome mala phile baludi keha mae kolho. Mare theome mala snakreni ihei mala famaemaheni kaisei naikno mala hata sileni ka mana, naugna puhi te famaemahe igre tangomana te fadofuni mae mala fate neuba mana ne mae glalase, eghuteuna mae mala fate ginauna theome cheke fadoglo ka kot.

Diutronomi 1:17

Eghuteuna kate fatedi naiknore, ghotilo fate ka puhi te doglo, thosei phile ka ihei nga. Neubane mae biꞌo ba fiti mae kolho, ghotilo thosei mhaghuni ihei, nu fatedi naiknore ka puhi te naba ka gaoghathogna God. Eghuteuna jame kaisei puhi biꞌo fara, te theome naba ghotilo te fadoglini na, ghotilo ginauna hata mei ka iara, eghuteuna iara ginauna fadoglini puhi tuana.”

Proveb 22:17

Famane fanomho fakeli ka nodi cheke mae ihei te autagna gaoghatho te keli nei lalase teu igne. Ghaoghatho ka glepo te farirhiu iara igre.

Thoutonu Eigna Mae Job 13:8

Ba, ghotilo magnahaghei God te phile ka ghotilo? Ba, ghotilo gaoghathomi na ghotilo tangomana te toghoni God mala fapholai ka fate na?