Proveb 24:10 - Buka Blahi Ka Cheke Holo

¹⁰ Jame te glaꞌe iagho kate thoke mei puhi biꞌo na, igne fagaglanagna te theome nheta kolho iagho na.

Proveb 24:10 ပူးပေါင်းရင်းမြစ်များ

Efesus 3:13

Eghume iara magnahaghei te cheke faheta fara ka ghotilo, thosei glaꞌe kate filo ghau iara te au papara eimi ghotilo gne, naugna iara eni igne mala togho ghami ghotilo.

Profet Jeremaea 51:46

Ghotilo thosei mhaghudi nei diꞌanagnafadi eghu kate nomhidi thua nafnata thoutonu te flalo tafri ka nauthoglu igne. Ka finogha te mei igre ghotilo ginauna nomhidi keha nafnata cheke te tei tafri are. Naiknore na cheke eidi magra ka keha namono, ba kaisei mae king te magra ka keha mae king na. Nu ghotilo thosei mhaghudi cheke igre eghu.

Ululahu Samuel 27:1

Nu mae Devet ne cheke eghu ka gaoghatho gna thegna na, “Keha narane mae king Sol ginauna falehe ghau iara. Te keli na iara na rikha tei au Filistia. Jame te tei au iara jare na, mana ginauna na theome hiro ghau iara agne Israel. Mana ginauna theome tangomana te goigoni ghau iara na.”

Fapea Korin 4:1

God kokhoni ghami ghehati neke tusu mei gloku blahi igne, eghume ghehati theome tangomana te babaꞌo ka gloku igne na.

Thoutonu Eigna Mae Job 4:5

Nu gognarona, kate thoke nigho puhi biꞌo na, gaoghathomu iagho na glaꞌe soru. Kate thoke nigho puhi biꞌo na, iagho na huruhanga.

Thakle 2:3

Iara jaola lase ghami ghotilo te thofno kegra heta na, nei theome ke blela, neuba naiknore ne para ghami naugna ghotilo ne leghu ghau iara.

Thakle 2:13

Iara lase ghami ghotilo te au ka vido aheva te funei fruninihi mae Satan. Neuba ngau, ghotilo leghu ghau iara fabrahu. Tutuani fara, iara keli tagu fara ka ghotilo, naugna ghotilo theome khoko nomi fatutuani na ka iara, neuba mare ne faleheni mae Antipas jare. Kani karha teku mana na, mana neke theome gnafa te toutonu eigu iara na.

Diutronomi 20:8

Eghuteuna goro mae biꞌo re ginauna jaola cheke eghu, ‘Jame gaoghathogna kaisei mae na glaꞌe soru ba mana mhaghu nogna, mana ke pulo ka namono. Glahula eni mana igne jaola glaꞌe soru gaoghathogna keha mae soldia na.’