Proveb 23:26 - Buka Blahi Ka Cheke Holo

²⁶ Thuguo, iagho famane fanomho fakeli ka iara. Leghuni kolho puhigu iara gne.

Proveb 23:26 ပူးပေါင်းရင်းမြစ်များ

Nodi Khoje Hatimare Mae Jiu 119:2

Naikno te leghudi nogna farirhiu mana re, nei leghuni mana teu ka nagnafadi fateote'o re, mare keli tadi fara.

Diutronomi 6:5

Eghuteuna ghotilo mala namhani Lord nomi God ka nagnafami fateote'o, nei ka gaoghathomi fateote'o, nei ka nanhetami fateote'o.

Proveb 4:23

Saghe leghu fakelini nagnafamu na, eigna nakarhamu iagho na jifla mei jare.

Proveb 3:1

Thuguo, thosei ghatho ihodi nogu farirhiu, nei nogu cheke teu iara ra.

Efesus 3:17

Uve, iara toreni Kraes mala au mana ka nagnafamire, eigna ghotilo fatutuani ni mana. Iara jaola toreni mana eigna gobigna lepo te edi ghotilo re thofno jifla mei ka nomi namha te biꞌo ranghini God nei naikno te gnafa, mala ghotilo nei nogna naikno te gnafa God re au glalase te mala lase fakelini nogna namha Kraes te biꞌo fara nei brahu fara nei haghe fara nei mamhara fara.

Proveb 4:4

mae kmagu iara na neke farirhiu ghau iara neke cheke eghu, “Thuguo, ghathodi gobigna lepo teke chekedi iara ka iagho ra. Te leghu fakelidi iagho nogu cheke iara igre na, iagho ginauna karha.

Luku 14:26

“Ihei te mei ka iara te magnahaghei nogu mae fanomho iara teunu, namhani fara kmagna, idogna, khetogna, thugna, thabusigna, greghagna ba thegna ke tulaogu iarai teuna, mana theome nabagna te nogu mae fanomho iara na.

Profet Hosia 14:9

Ihei te lalase na, naikno tuana ginauna lase fakelidi cheke te edi iara ka buka na igre, nei tathaji fakeli ka nagnafagna na. Eigna puhigna Lord na thofno doglo fara. Eghuteuna ihei te doglo na mala leghuni puhigna mana na. Nu ihei te diꞌa na theome tangomana te leghuni puhigna God na, naugna naikno igne theome ghatho tahuni puhi te doglo na.

Nodi Khoje Hatimare Mae Jiu 107:43

Ihei te au tagna glalase te keli na, ginauna ghathodi glepo igre. Mana ginauna ghathoni fabrahu eigna nogna namha biꞌo Lord ranghi ghita tahati na.

Fapea Pita 1:19

Eigna igne, ghehati thofno fatutuanidi fara unha teke chekedi hatimare mae profet ra. Eghume, te keli na ghotilo jame jaola loku famaku nodi cheke hatimare mae profet ra, naugna cheke igre jateula kaisei juta te phae kate romno ia eghu. Juta tuana ginauna phae ghilei rane, eghuteuna naphaegna nathunu rane na jateula naphaegna mae Kraes eghu, eghuteuna ginauna phae ke lamnadi nagnafami ghotilo re.

Fapea Korin 8:5

Eghuteuna ghehati neke jaglo nomi naugna mare tufa ka puhi teke theome rouronuni ghehati na. Ulu lahu na mare neke kulu snakre laodi thedi ka Lord, eghuteuna ke leghu na mare jaola ne leghuni unha te magnahagheni God na ne snakredi thedi ka ghehati!

Nodi Khoje Hatimare Mae Jiu 1:2

Naikno igre na iu'ijuni nei ghathoni eghu fabrahu nogna vetula Lord na bongi narane.

Nodi Khoje Hatimare Mae Jiu 119:24

Iara keli tagu fara ka nou farirhiu iagho ra, naugna nou farirhiu iagho ra jateula kaisei mae te farirhiu ghau iara ka cheke te keli ra eghu.