Proveb 23:21 - Buka Blahi Ka Cheke Holo

²¹ Mae funeidi mae te koꞌu beer nei ghamu biꞌo fara teu are ginauna kuma, eghuteuna pipichi ka pohe te thona.

Proveb 23:21 ပူးပေါင်းရင်းမြစ်များ

Proveb 21:17

Mae te magnahaghei ghamu gano te keli koba nei koꞌu fabrahu teuna, nogna sileni mana re ginauna hui, eghuteuna mana ginauna kmoꞌe ka glepo.

Filipae 3:19

Kate lehedire, naikno tuare ginauna tei ka vido te mala au papara na. Naugna nafnata naikno tuare ne khogla fakelidi kolho thinidi thedire. Neuba ngau, naikno tuare theome mamajadi nakarhadi te diꞌare, nu gleale'adi ngala puhi diꞌa te edi thedire. Naugna mare ghatho tahuni kolho puhigna u nauthoglu igne.

Galesia 5:21

mamagna, koꞌu, ei gaghamu malagna puhi diꞌa nei keha nafnata puhi diꞌa jateula igre eghu. Iara gognaro na cheke faheta ka ghotilo jateula teke eni thegu ka ghotilo tifa ia eghu. Naikno te edi fabrahu puhi igre ginauna theome tangomana te au baludi naikno te funei frunidi God re.

Ululahu Korin 5:11

Tutuani, iara theome magnahaghe ghami ghotilo te fofodu ka iheire te kiloni thedi naikno khiloau, nu edi fabrahu glepo te diꞌa fara, ba mamagna, ba pogho soru ka mumuju, ba toutonu fadiꞌani ihei, ba khuru koꞌu, ba chaghi mala hata glepo ka keha naiknore. Ghotilo thosei gnokro fodu baludi nafnata naikno tuare, ba ima baludi. Igne gaoghathogna nogu letas iara teke riso ari ka ghotilo tifa ia.

Proveb 19:15

Naikno te thodo te thuru fabrahu ka suga na ginauna theo gano.

Diutronomi 21:20

Aonu repa mala cheke eghu ka hatimare mae lida igre, ‘Thumi ghepa igne patu gama fara nei tirogna leghu ghami ghepa eghu. Mana jojokei nomi sileni ghepa re, eghuteuna mana kaisei koꞌu thaviru toghei kolho.’

Profet Joel 1:5

Ghotilo mae te koꞌu te thaviru ra, ghotilo dofra mala tanhi. Ghotilo mae te lase koꞌu waen ra, ghotilo mala jaola mala tanhi, naugna grep te mala eꞌei waen majaghani ghotilora la gnafahi.

Matiu 11:19

Eghuteuna kate thoke mei iara te ghamu nei koꞌu teuna, naiknore cheke eghu, ‘Filoni si ghotilo ka mae igne! Ghamu nei koꞌu teuna ngala te glepo ulu fara ka mana na! Eghuteuna, mae te diꞌa te salo takis nei mae te diꞌa teu igre ngala kheragna mana re.’ Eghuteuna mare ginauna filoni nogna gaoghatho te keli God na kate thakle meidi unha te tutuani re.”

Proveb 18:9

Naikno te thodo na jateula mae te goigonidi gobigna lepo ra eghu.

Eklesiasti 10:18

Jame kaisei mae thodo fara, suga na ginauna lulu sorokoto, eghuteuna suga igne ginauna grofo pari.