Proveb 23:16 - Buka Blahi Ka Cheke Holo

¹⁶ Eghuteuna jame te doglo chekemu iagho na, tharungagu iara ginauna gleale'a fara.

Proveb 23:16 ပူးပေါင်းရင်းမြစ်များ

Proveb 8:6

Famane fanomho mei, naugna nogu cheke iara igre thofno keli fara, eghuteuna gobigna lepo te chekedi iara igre thofno doglo fara.

Efesus 5:4

Jaola, theome keli te nomhidi ka ghotilo te chekedi u nafnata cheke te diꞌa ba cheke glalama ba nafnata cheke muamugna te thona. Glepo igre theome doglo te edi ghotilo re. Nu te keli na ghotilo mala cheke fakelini God.

Jemes 3:2

Tutuani fara, tahati te gnafa na kafe edi kmana najafra. Nu jame kaisei mae theome eni kaisei najafra ka unha te chekedi mana re meuna, mae tuana ngala kaisei mae te doglo fara na. Eghuteuna mana ngala mae ihei tangomana te reireghi fakelini nakarhagna na.

Kolose 4:4

Ghotilo toreni God mala totogho ghau iara mala tangomana iara te cheke fakeli ka naiknore eigna cheke igne, naugna unha te mala eni iara na.

Efesus 4:29

Kate cheke na, ghotilo thosei chekeni kaisei cheke te diꞌa. Nu te keli na, chekeni ngala unha te nabagna te mala nomhini naiknore, eghuteuna nomi cheke ghotilo re ginauna tangomana te toghodi naikno te fanomhore.

Proveb 23:17

Iagho thosei goghotuni mae te diꞌa na, nu ghatho tahuni nei fafnaknoni eghu fabrahu Lord kolho.