Proveb 22:22 - Buka Blahi Ka Cheke Holo

²² Thosei fakokhoanadi naikno te kumare. Eghuteuna thosei goigonidi ka fate na.

Proveb 22:22 ပူးပေါင်းရင်းမြစ်များ

Profet Sekaraea 7:10

Ghotilo thosei tapla faparidi naikno biꞌo, nei goro sua glehe kokoi, nei naikno phosa te mei au balumi ghotilo, nei iheire te kuma. Eghuteuna ghotilo thosei ghaoghatho mala goigonidi keha naiknore.’

Profet Malakai 3:5

Lord mae ihei te au nolaghi fateoteꞌo igne ne cheke eghu, “Iara ginauna mei mala fate ghami ghotilo. Eghuteuna iara ginauna ghosei cheke thakleni nanghagna ihei te au naitu khora pha'u, nei iheire te theome leghuni puhigna tholaghi na, nei iheire te cheke chaichaghi ka fate, nei mae funei te taba fadiꞌadi nodi mae glokure, nei iheire te fakokhoanadi goro naikno biꞌo tela lehehi khetodi, nei goro sua glehe kokoi, nei iheire te theome kokhonidi naikno te posa mei ka sugadire teu igre. Uve, naikno te gnafa te edi puhi te diꞌa igre ginauna theome ghatho tahu ghau iara.”

Proveb 22:16

Kaisei mae chaghini mae te kuma na mala tangomana mana te dedei na, eghuteuna keha mae na tufa namha ka mae te dedei na, phei mae igre ginauna na kafe kuma.

Eksodas 23:6

“Jame kaisei mae te kuma tei ka fate eigna kaisei puhi, ghotilo thosei leghuni puhigna fate na mala faparini mana.

Thoutonu Eigna Mae Job 31:21

Jame te ei fagaglana iara ka khamegu na te mala tutidi iheire te theo kmadi, naugna iara laseni mae mala fate igne mana na phile balugu iara ka fate na,

Thoutonu Eigna Mae Job 31:16

“Leuleghu fata na iara toghodi iheire te kuma, eghuteuna iara farerheta gaoghathodi naikno biꞌo teke lehehi khetodi re.

Profet Esikiel 22:29

Naiknore chaghi nei blau eghu farithedi. Mare fakokhoanadi naikno te kuma nei paradi naiknodi keha kantri te mei au baludi. Uve, mare tapla sorudi pari naikno phosa te au baludi re nei chaghi di ka fate na eghu.

Levitikas 25:17

Ghotilo thosei chaichaghi fari themi. Nu ghotilo mala ghatho tahu ghau iara naugna iara Lord, nomi God ghotilo.”

Diutronomi 23:16

Keliu mala au balumi ghotilo ka namono aheva te vahini mana na. Eghuteuna kate au mana balumi ghotilo na, ghotilo thosei cheke faparini.

Eksodas 23:3

Kate kilo ghami mare te mala toutonu eigna kaisei mae te kuma ka fate na, ghotilo thosei ne mae kuma mana eghu toghoni mae te kuma igne.

Levitikas 19:13

“Eghuteuna ghotilo thosei chaghi tafrini ba blauni kherami na. Eghuteuna kate hata ghotilo kaisei te mala edi nomi gloku re, ghotilo mala thosei toki au nogna taba mana na ghilei thokeni keha narane na. Ghotilo mala folini mana ka narane teke loku mana tuana la.

Proveb 21:7

Puhi mamagra te leghuni mae te diꞌa na, ginauna goigoni ni mana, naugna mana ne tirogna eni kaisei puhi te doglo.

Profet Isaia 10:2

Mare edi vetula majaghani igre ka naikno te kuma nei au kokhonidi teu igre mala theo kaisei nodi nolaghi mare ka unha glepo te khotodi mare re. Mare snakredi naiknore mala blau nodi glepo naikno biꞌo tela lehehi khetodi nei goro sua glehe kokoi teure.