Proveb 22:18 - Buka Blahi Ka Cheke Holo

¹⁸ Te keli na iagho ghathodi fabrahu glepo igre ka nagnafamu na, eghuteuna iagho iju polodi eghu.

Proveb 22:18 ပူးပေါင်းရင်းမြစ်များ

Profet Jeremaea 15:16

Lord God, iagho mae ihei te au nolaghi fateote'o, iara nou iagho kolho. Kate cheke iagho ka iara na, iara na atha chekemu iagho igne jateula ghegu gano keli eghu. Eghuteuna leuleghu fata na, chekemu iagho igne faglealeꞌa ghau iara fara.

Proveb 2:10

Uve, iagho ginauna na lalase, eghuteuna iagho ginauna gleꞌani nou glalase tuana.

Proveb 15:7

Ihei te autagna gaoghatho te keli na, mana tangomana te tufa gaoghatho te keli ka naiknore. Nu ihei te theome au tagna gaoghatho te keli na, mana na theome jateula tuana eghu.

Proveb 10:21

Nogna cheke naikno te doglo na toghodi kmana naikno. Nu naikno te theome autagna gaoghatho te keli na, ginauna lehe, naugna nagnafagna na thono diꞌa fara.

Proveb 8:6

Famane fanomho mei, naugna nogu cheke iara igre thofno keli fara, eghuteuna gobigna lepo te chekedi iara igre thofno doglo fara.

Nodi Khoje Hatimare Mae Jiu 119:103

Nou cheke iagho ra thono mamahe fara salauꞌi jateula jujurukuli eghu ka foflogu iara na!

Hibru 13:15

Eghume tahati tangomana te kilo fnaknoni God fabrahu ka unha teke eni mae Jisas. Eghume noda kilo fnakno tahati na jateula kaisei fafara te fafara ka God ia eghu. Eghuteuna tahati fafara ka God kate toutonuni nanghagna mana balu gleale'a.

Jone 7:38

Mae ihei te fatutuani ghau iara na, mana ginauna jateula te cheke eghu kau grioriso te blahi na ia eghu, ‘U khoꞌu karha na ginauna loloro mei fabrahu ka nagnafagna mana na.’ ”

Proveb 25:11

Kate thoke mei thofno narane te mala cheke iagho na, iagho famane cheke, tuana jateula famane gano ka tapera gol ra eghu.

Proveb 16:21

Mae te autagna gaoghatho te keli na, naiknore laseni mae igne autagna gaoghatho te keli. Eghuteuna naiknore magnahaghei fara te fanomho ka nogna cheke mana re.

Proveb 10:13

Naikno te autagna gaoghatho te keli na tangomana te cheke fajiflai gaoghatho te keli na. Nu naikno te fameomekro na nabagna na au papara.

Proveb 3:17

Gaoghatho te keli na ginauna faglealeꞌa nigho fabrahu, eghuteuna tusu ranghi nigho pharikeli.

Nodi Khoje Hatimare Mae Jiu 119:171

Iara ginauna cheke fakeli nigho koba, naugna iagho ne farirhiu ghau iara nou vetulare.

Nodi Khoje Hatimare Mae Jiu 119:162

Iara keli tagu fara ka nou cheke iagho te tutuani gre. Uve, iara keli tagu fara, jateula mae ihei teke atha kmana glepo te keli ka vido te uluni magra ra eghu.

Nodi Khoje Hatimare Mae Jiu 119:111

Iara ginauna leghudi fabrahu nou cheke iagho re. Eghuteuna nou cheke iagho re ginauna faglealeꞌani nagnafagu iara na.

Nodi Khoje Hatimare Mae Jiu 119:13

Iara ginauna toutonu eidi nou vetula iagho teke chekedi iagho ka ghehati ra.

Nodi Khoje Hatimare Mae Jiu 19:10

Iara magnahagheni fara gaoghathogna God na ke tulaodi dedei te gnafa ka nauthoglu igne. Eghuteuna iara haimini glamnagu na thono mamahe fara jateula jujurukuli eghu.

Profet Malakai 2:7

“Mae pris igre nogu mae mala atha nonomho iara Lord mae te au nolaghi fateoteꞌo. Eghume, mare mala farirhiudi naiknore mala lase fakelini thofno puhigu iara na, eghuteuna naiknore mala mei atha glalase ka mare.

Proveb 22:19

Iara farirhiu nigho iagho, naugna iara magnahaghei nigho iagho te fatutuani ka Lord.

Proveb 4:20

Thuguo, fanomho fakeli ka nogu cheke iara igne.

Proveb 4:21

Iagho loku famaku nogu cheke iara igre, eghuteuna lilisei fakeli ka nagnafamu na.