Proveb 22:17 - Buka Blahi Ka Cheke Holo

¹⁷ Famane fanomho fakeli ka nodi cheke mae ihei te autagna gaoghatho te keli nei lalase teu igne. Ghaoghatho ka glepo te farirhiu iara igre.

Proveb 22:17 ပူးပေါင်းရင်းမြစ်များ

Proveb 23:12

Iagho fanomho fakeli ka nou velepuhi na, eghuteuna iagho farirhiu hirodi gobigna lepore.

Proveb 3:1

Thuguo, thosei ghatho ihodi nogu farirhiu, nei nogu cheke teu iara ra.

Nodi Khoje Hatimare Mae Jiu 90:12

Falase meini sagho mala laseni ghehati te kmoꞌe kolho nakarhami gne, mala gaoghatho fakelini ghehati eigna nakarhami na.

Eklesiasti 7:25

Eghume, iara neke fariuriu fara mala lasedi gaoghatho te keli nei mala hata thua nafnata glalase. Eghuteuna iara neke loku heta mala lasedi thofno gaoghathodi thua nafnata puhi te diꞌa nei puhi te fameomekro teu igre.

Proveb 1:3

Cheke te au ka buka na igre ginauna farirhiu ghita mala leghuni tahati puhi te keli na, nei mala eni unha puhi te doglo na.

Matiu 17:5

Kate cheke mae Pita na, kaisei khoveo te siasigla ne kafe toku tafrudi mare. Eghuteuna ka vido tuana kaisei naogla ne mei funu ka khoveo na, ne cheke eghu, “Igne thofno mae Thugu iara na. Iara namhani mana nei keli taguni eghu mana. Ghotilo fanomho fakeli nei leghuni eghu mana!”

Eklesiasti 8:9

Iara filodi glepo igre kate ghathodi iara unha nafnata puhi te edi naikno ka nauthoglu igne. Keha fata iara filodi mae funei te paradi nei fadiꞌadi teu naiknore.

Profet Isaia 55:3

Ghotilo mei ka iara! Ghotilo fanomho mei! Jame te mei ghotilo na, iara ginauna eni kaisei nhaꞌa cheke balumi ghotilo, eghuteuna nhaꞌa cheke igne ginauna au fabrahu tifa tifa. Iara ginauna ghatho tahu ghami ghotilo fabrahu jateula teke ghatho tahuni iara King Devet tifa ia eghu.

Eklesiasti 8:16

Kate fariuriu mala hata glalase teu iara na, iara ne filodi naiknore ne loku heta, eghuteuna mare ne theome thuru fakeli bongi narane.

Proveb 24:23

Igre langau keha nodi famane cheke mae ihei te au tagna gaoghatho te keli na. Mae mala fate na mala theome mala phile balugna ihei nga ka kot.

Eklesiasti 12:11

Nogna cheke mana igre jateula nogna khodo mae greireghi sipu te batudi nogna sipu ra eghu. Uve, famane cheke igre jateula nila te churu te tei lamna gaju te fei augna ra eghu. God mae ihei te tusu mei famane cheke igre, mana reireghi fakeli ghita tahati jateula nogna sipu eghu.

Nodi Khoje Hatimare Mae Jiu 78:1

Ghotilo nogu naikno iara ra fanomho mei ka nogu farirhiu iara gre. Uve, ghotilo famane fanomho fakeli mei ka unha nate chekedi iara gre.