Proveb 21:31 - Buka Blahi Ka Cheke Holo

³¹ Hatimare mae soldia tangomana te tarabana hose mala magra na. Nu Lord kaisei ngala te laseni te mala uluni mare magra na.

Proveb 21:31 ပူးပေါင်းရင်းမြစ်များ

Nodi Khoje Hatimare Mae Jiu 20:7

Keha naiknore rouronu ka armi, kehare rouronu ka chariot, nei kehare rouronu ka jata. Nu tahati na rouronu ka nogna nolaghi noda God.

Profet Isaia 31:1

Kokhoni ghami fara ghotilo naikno te soru te hiro thotogho Ijep are! Ba, ginauna na togho ghami nodi hose baludi chariot nei mae soldia te saghe ka hose na are neu si ghotilo ia? Theo fara! Lord nodi God te Blahi maedi Israel, nu ghotilo theome rouronuni mana kolho ba toreni mana mala togho ghami.

Nodi Khoje Hatimare Mae Jiu 147:10

Lord na keli tagna fara ka iheire te ghatho tahuni mana re, ba iheire te au nodi grouronu ka nogna namha biꞌo mana na. Nu mana theome keli tagna ka iheire te au nodi grouronu ka nogna nanheta hose kolho, ba ka nodi nolaghi hatimare mae soldia kolho.

Nodi Khoje Hatimare Mae Jiu 68:20

Noda God tahati igne ngala te tangomana te mala fakarhidi naiknore. Noda Lord God tahati igne ngala te tangomana te mala fakarhi ghita kau lehe ka magra na.

Nodi Khoje Hatimare Mae Jiu 3:3

Lord, iagho mala jateula nogu greoreo eghu iara ka hoholo te thoke ghau iara igre. Iagho ngala te loku haghe ghau iara na nei loku fapuloni nagnafagu iara na.

Nodi Khoje Hatimare Mae Jiu 3:8

Lord, kaisei iagho ngala te au nolaghi te mala fakarha naikno na. Iara gne tore nigho mala fablahidi nou naikno igre.

Eklesiasti 9:11

Keha glepo te filoni iara ka nauthoglu na igne, keha fata mae te lase chari na theome uluni fangenghele na, keha fata mae te nheta na theome uluni magra na, keha fata mae te lalase na theome autagna nakarha te keli na, keha fata mae te ghaoghatho fakeli na theome dedei, keha fata mae te lalase fara na theome fnakno nanghagna na, naugna glepo te diꞌa na kafe thoke ghita hui.

Nodi Khoje Hatimare Mae Jiu 144:10

Iagho themu ngala te toghodi hatimare mae king di Israel gre te ulu koba mare kau magra na. Iagho themu ngala teke fakarhini mae king Devet nou mae gloku iagho ia.

Profet Jeremaea 3:23

Tutuani fara, puhi te tarai tafri ghehati ke kligna thogele igne theome mala togho ghami ghehati. Lord, nomi God, kaisei iagho ngala te nabamu nate fakarha ghami ghehati maemi Israel.

Ululahu Korin 15:57

Nu tahati cheke fakelini God, eigna mana te tapla soruni u glehe na ranghi ghita naugna ka nogna gloku noda Lord Jisas Kraes!

Fapea Samuel 23:12

Nu mae Sama ne magra heta ne falehedi mare hui. Ka narane igne, Lord ne toghoni mae Sama ne thofno uludi soldia di Filistia.

Nodi Khoje Hatimare Mae Jiu 20:8

Nu nafnata naikno te rouronu ka chariot nei jata teu te magra igre ginauna tothokei mala uka pari. Nu tahati ginauna kegra heta fabrahu tifa tifa.