Proveb 21:3 - Buka Blahi Ka Cheke Holo

³ Tahati mala leghuni puhi te keli nei doglo teu na. Ka tathagna God na, puhi igne thofno uluni fafara te tusu lao tahati ka mana na.

Proveb 21:3 ပူးပေါင်းရင်းမြစ်များ

Ululahu Samuel 15:22

Nu Profet Samuel ne cheke eghu, “Unha te magnahagheni Lord na? Ba, mana magnahaghei nigho iagho te faꞌuveni nogna cheke na, ba, mala eni iagho fafara te thofno krono na? Te faꞌuveni iagho mana na tuana keli fara salaꞌuni fafara na. Te fanomho iagho ka mana na tuana keli fara salaꞌuni garofa gna sipu te fafara na.

Profet Hosia 6:6

Ghotilo fafara buluka ka iara, igne kaisei glepo keli fara, nu iara magnahaghei ghami ghotilo te ghatho tahu ghau iara salaꞌudi fafara buluka te edi ghotilo ra.

Proveb 15:8

Lord na theome magnahagheni nogna fafara naikno te diꞌa na. Nu mana kelitagna ka nogna tharai mae te doglo na.

Nonomho Te Keli Teke Risoi Mae Mak 12:33

Te keli na tahati namhani God ka nagnafada fateote'o, ka gaoghathoda fateote'o, ka nhetada fateote'o. Eghuteuna tahati namhadi kherada fofodu gre jateula theda eghu. Phei vetula igre ngala teke uludi te fafara tahati ka God ke kligna olta na.”

Nodi Khoje Hatimare Mae Jiu 50:8

Iara theome diꞌatagu ka ghotilo eidi fafara teke edi ghotilo ra. Theo. Kate filo ghami iara te gahu koba ghotilo ka khaꞌaghi nomi fafara ra tuare keliu kolho.

Nodi Khoje Hatimare Mae Jiu 40:7

Kate cheke iagho na, iara eghu, “God, iara gne la meihila. Nou cheke iagho te mala farirhiu ghau iara na la kulu auhi ka nou buka vetula iagho na.

Profet Sekaraea 7:9

“Leuleghu fata na iara Lord cheke eghu koba ka nogu naiknore: ‘Ghotilo mala fatedi naiknore ka puhi te doglo, eghuteuna ghotilo mala keli ranghidi nei kokhonidi eghu keha naiknore.