Proveb 21:15 - Buka Blahi Ka Cheke Holo

¹⁵ Naikno te keli re kelitadi fara kate fateni mana ka puhi te doglo na. Nu naikno te diꞌare ginauna au diꞌanagnafa fara.

Proveb 21:15 ပူးပေါင်းရင်းမြစ်များ

Proveb 10:29

Puhigna Lord na, bara fakelini naikno te doglo na. Nu mana ginauna goigonidi naikno te diꞌare.

Matiu 7:23

Eghuteuna, iara ginauna na cheke fadoglo eghu ka mare, ‘Tei nomi, iara thono theome lase ghami ghotilo. Ghotilo theome nogu naikno iara, naugna puhimi ghotilo re thono diꞌa fara!’ ”

Profet Isaia 64:5

Leuleghu fata na, iagho tarabanau kolho mala toghodi iheire te keli tadi fara te mala eni unha te doglo na, nei iheire te leghuni puhimu iagho te doglo na. Nu ghehati tapla jafra fabrahu ka nakhibo, eghume iagho diꞌatamu fara ka ghehati. Nu jame te leghu nigho ghehati na iagho ginauna fakarhi ghami ghehati.

Eklesiasti 3:12

Te laseni iara na kaisei glepo ngala te ulu fara te mala eni tahati na: Tahati mala glealeꞌa nei mala edi eghu glepo te kelire kate au teu tahati ka nauthoglu igne.

Proveb 21:12

God mae ihei te doglo fara na filo glanidi naikno te diꞌare, eghuteuna mana ginauna paradi mare.

Proveb 5:20

Thuguo, iagho thosei ghathoni fara gaꞌase te mala eni puhi te diꞌa na, eghuteuna iagho thosei kelitamu ka khetogna mae kheramu na.

Nodi Khoje Hatimare Mae Jiu 119:16

Leuleghu fata na iara keli tagu fara ka nou vetula iagho na, eghuteuna iara ginauna na theome ghatho kokodi nou cheke iagho re.

Nodi Khoje Hatimare Mae Jiu 112:1

Tahati kilo fnaknoni Lord! Ihei te ghatho tahuni Lord, nei magnahaghei leghudi nogna vetula Lord re teuna, mae igne keli tagna fara.

Nodi Khoje Hatimare Mae Jiu 40:8

Nogu God, iara magnahaghedi fara te edi unha te magnahaghedi iagho re. Leuleghu fata na iara theome ghatho ihodi nou cheke iagho re ka nagnafagu na.”

Letas Teke Riso Tei Mae Pol Ka Khiloau Rom 7:22

Ka nagnafagu iara na, iara keli tagu ka nogna vetula God na nei iara magnahaghei te leghuni vetula na.

Jone 4:34

Aonu, mae Jisas ne cheke eghu ka mare, “Ghegu gano iara na te mala leghuni unha te magnahaghei mae teke kuru mei ghau iara na nei mala loku fahuidi gloku mala mei edi iara teku mana re.

Nodi Khoje Hatimare Mae Jiu 119:92

Iara thofno keli tagu fara kate ghathoni iara nou vetula iagho na. Eghume, kate para ghau nogu naokare, iara theome nigra nei lehe eghu naugna iara ghatho nigho iagho kolho.

Proveb 21:16

Mae te snivi ka nabrou te mala hata gaoghatho te keli na, ginauna tei au baludi naikno teke lehe tifa ra.