Proveb 20:7 - Buka Blahi Ka Cheke Holo

⁷ Mae te leghuni fabrahu puhi te doglo na, God ginauna fablahidi thugna mana re.

Proveb 20:7 ပူးပေါင်းရင်းမြစ်များ

Nodi Khoje Hatimare Mae Jiu 112:2

Thugna mana re ginau au nodi kmana glepo ka kantri aheva teke tusu ranghidi Lord na. Eghuteuna Lord ginauna fablahidi iheire nate karha mei ka vikegna mana na iheire te leghuni mana re.

Nodi Khoje Hatimare Mae Jiu 37:26

Leuleghu fata na mana tufa glepo koba ka keha naiknore ka nagnafa te lolokeli. Eghuteuna mana thono keli tagna fara te au thugna na. Naugna God neke tusu lao sua igre ka mana.

Profet Jeremaea 32:39

Eghuteuna iara ginauna toghodi mare mala kaisei loku fodu ka kaisei nodi gaoghatho ka unha nate eni mare na. Leuleghu fata na mare te gnafa na mala ghatho tahu ghau iara ka nakarhadi na, eghuteuna mare balu thudi nate karha mei ke leghudire tangomana nate au fakeli na.

Fapea Korin 1:12

Igne unha te fahaehagheni nei thofno laseni teu ghehati ka nagnafamire, eigna ghehati theome leghuni nogna glalase naikno na kate edi gobigna lepore ka nakarhamire. Theo. Tutuani, naugna God tusu mei u khokofakasai ranghi ghami, ghehati leghuni kolho puhi te doglo te magnahagheni God na nei ghehati cheke tutuani koba. Leuleghu fata ka nakarhami kani au teku balumi ghotilo na, ghehati neke eni fara igne.

Mae Khuru 2:39

Naugna u nogna nhaꞌa cheke God igne mala nomi ghotilo, nei maladi goro thumi are nei maladi iheire te theome karha nga teu. Uve, u nhaꞌa cheke igne maladi naikno te gnafa teke kilo meidi noda Lord.”

Proveb 19:1

Mae te kuma, nu doglo nakarhagna na teuna, mana thofno keli fara uluni mae te fameomekro na balugna nogna cheke te diꞌa na.

Proveb 13:22

Mae te keli na tufa glepo te keli ka gragnare. Nu nogna glepo mae diꞌa na, ginauna tei ka naikno te doglore.

Proveb 14:2

Naikno te leghuni puhi te doglo na, naikno igne ghatho tahuni Lord. Nu ihei te leghuni puhi te chaichaghi na, Lord na theo nafugna kolho ka nagnafagna mana na.

Nodi Khoje Hatimare Mae Jiu 15:2

Uve, jame ihei ngala te leghudi nei edi teu koba teu gobigna lepo te keli fara ka tathamu iagho na. Nogna chekere mala tutuani nei keli eghu koba,

Jenesis 17:7

Iara ginauna na farerheta nogu nhaꞌa cheke na ka iagho nei ka thumu iagho nate mei ke leghumu iagho re eghu fabrahu tifa e tifa. Iara ginauna mala nou God iagho nei jaola mala nodi God thumu iagho re eghu.

Luku 1:6

Nu puhidi repa igre doglo fara ke ulugna God, naugna repa ne thofno leghudi nogna vetula nei farirhiu teu God re.

Nodi Khoje Hatimare Mae Jiu 26:1

Lord, kilo ghau iara kaisei mae te doglo ka tathamu na sagho, naugna iara ne eni koba puhi te magnahaghedi iagho re nei iara fatutuani nigho koba neu.

Profet Isaia 33:15

Ihei te eni puhi te doglo na, eghuteuna chekeni koba unha te tutuani na, nei ihei te tirogna huhurudi naiknore mala hata seleni tadi ka puhi te theome keli, ba theome snakredi keha naiknore mala cheke famaemahe mala hata seleni, nei tirogna gnokro baludi naikno te rogheni puhi te mala falehe poruni naikno na teuna. Mae igne ngala te theome ghathoni te mala edi nafnata puhi te diꞌa re.

Nodi Khoje Hatimare Mae Jiu 26:11

Nu iara theome jateula naikno te diꞌa tuare eghu, naugna iara eni unha te keli na. Kokhoni ghau nei fakarhi ghau eghu iara sagho!

Thoutonu Eigna Mae Job 1:1

Kaisei mae nanghagna na Job, mana au ka kantri te kiloi Us. Mana kaisei mae te keli nei doglo eghu. Mana ghatho tahuni God nei theome magnahaghei te eni kaisei glepo te diꞌa.

Proveb 14:26

Mae te ghatho tahuni Lord na, mana au vido keli mala poru, eghuteuna thugna manare ginauna jaola au fakeli.