Proveb 20:6 - Buka Blahi Ka Cheke Holo

⁶ Kmana mae chekeni iagho tangomana te rouronudi mare. Nu ninhigrana fara te deni iagho nafnata mae ihei iagho tangomana te rouronuni na.

Proveb 20:6 ပူးပေါင်းရင်းမြစ်များ

Nodi Khoje Hatimare Mae Jiu 12:1

God, iagho togho mei ghami. Naugna gognaro na iagho theome tangomana te filoni kaisei naikno te keli te au teu agne na. Theo kaisei naikno te leghu nigho fabrahu.

Matiu 6:2

“Kate tufa glepo ka naikno te kuma na, thosei jateula mae te chaichaghi ra eghu falalase ka naiknore. Mare edi tuare ke lamna suga tharai nei ke lamna nabrou biꞌo. Mare magnahaghedi naiknore te ghatho tahudi kolho. Nu tutuani fara te chekeni iara ka ghotilo na, mare la kulu hatahi nodi tabare kate cheke fakelidi naiknore.

Luku 18:8

Uve, te chekeni iara ka ghotilo na. Mana ginauna ghosei toghodi ka puhi biꞌo teke edi mare re. Nu narane ke pulo meigu iara na mae teke mei funu ka God, ba, iara nake filodi kmana naikno teke fatutuani ghau iara re ba keha ghu kolho?”

Luku 22:33

Nu mae Pita ne cheke eghu ka mae Jisas, “Lord, iara la tarabanahi te mala tei balumu iagho ka suga sosolo na, nei mala lehe balumu iagho!”

Luku 18:11

Mae Farasi au neu delei ne kegra haghe ne tarai eghu, ‘God iara cheke fakeli nigho fara, iara theome diꞌa jateula keha naikno igre eghu. Iara theome jateula mae ihei te blau, chaichaghidi keha naiknore ba tolaghi pedo. Eghuteuna iara cheke fakeli nigho fara langau naugna iara theome jateula mae te diꞌa te salo takis igne eghu.

Proveb 27:2

Thosei cheke fahaehaghe nigho themu, te keli na keha naiknoi te mala cheke fakligna nigho na.

Proveb 25:14

Mae te nhaꞌa cheke mala tufa glepo teunu theome tufa kolho teuna, mana jateula khoveo te pala te tei nuri te theome nakhete ra eghu kolho.

Profet Jeremaea 5:1

Lord ne cheke eghu, “Ghotilo chari tafri ka nabrou biꞌo nei ka glalaba te gnafa ka namono biꞌo Jerusalem. Jame te filoni ghotilo kaisei mae te lase cheke tutuani nei eni unha puhi te doglo teuna, iara ginauna atha fadelei nakhibomi ghotilore.

Fapea Korin 12:11

Iara cheke jateula kaisei mae te fameomekro eghu, nu ghotilo huhuru ghau iara mala eni igne. Nabami ghotilo te mala chekedi nogu gloku te keli te edi iara gre. Iara laseni te fiti mae kolho iara na, neuba, iara theome au ke paridi mae iheire te kilodi ghotilo “Hatimare mae khuru keli fara.”

Jone 1:47

Mae Jisas filoni mae Natanel te mei ke ulugna mana na, ne cheke eghu eigna mana, “Filoni si ghotilo. Mae igne ngala thofno mae gna Israel na, naugna mana theome tangomana te chaghi na.”

Luku 18:28

Mae Pita ne cheke eghu ka mana, “Filo sagho, ghehati jifla kokodi nomi gobigna lepore mala leghu nigho iagho!”

Profet Maeka 7:2

Uve, jateula nafnata puhi tuana eghu mana theome tangomana te filoni kaisei gano na, ka kantri igne, theo kaisei naikno te leghuni puhigna God te doglo na. Theo kaisei naikno te ghatho tahuni God. Naikno te gnafa gre ofou kolho te mala aknu faleheni keha mae na. Mare jateula mae ihei te horo phighoro te mala fakhale nanghaji ra eghu chaghidi kheradi thedi re.

Eklesiasti 7:28

Iara loku heta mala hirodi cheke tughudi re, nu iara ne theome tangomana te filodire. Kaisei mae te doglo kolho te filoni iara ka kaisei thogha naikno igre, nu iara theome filoni kaisei gaꞌase te doglo kate kmana igre.

Proveb 20:5

Gaoghathogna mae te autagna gaoghatho te keli na thono mamhara fara. Nu mae te autagna glalase te keli na ngala nate hiro deni na.

Nodi Khoje Hatimare Mae Jiu 12:2

Mare chaichaghidi koba keha naiknore. Mare thono lase cheke famaemahe fara nei muamugna eghu.

Profet Maeka 7:1

Iara kokhoni ghau fara! Iara diꞌa nagnafagu fara! Iara jateula mae te rofo fara te tei tafri mala hiro sisi mala ghamu teura eghu kolho. Nu theo kaisei sisi te au ka gaju fig nei gaju grep. Mare la atha fateohi sisi te gnafa re.