Proveb 20:30 - Buka Blahi Ka Cheke Holo

³⁰ Jame te puphuri iagho mae te eni puhi te diꞌa na, igne mana ginauna figri tagruni puhi te diꞌa na, eghuteuna mana ginauna na kaisei mae keli.

Proveb 20:30 ပူးပေါင်းရင်းမြစ်များ

Hibru 12:10

Mae kmada ka nauthoglu gne para ghita katha vido kmoꞌei kolho leghuni unha te keli ka mana na. Nu God para ghita mala thofno togho ghita, eghume tahati ginauna mala au blahi jateu mana eghu.

Proveb 22:15

Gaoghatho fameomekro na fodu ka thiꞌagna sua na, nu te keli na puphuri ngala mala gnafa nafnata gaoghatho te fameomekro tuana.

Proveb 19:25

Te puphuri iagho mae te theome fanomho na, mana ginauna laseni puhi te keli na. Te cheke faheta iagho ka mae te autagna gaoghatho te keli na, nogna glalase mana na ginauna keli salaꞌui.

Profet Isaia 53:5

Nu theo eghu, mare neke faleheni mana eidi nakhiboda tahati re, eghuteuna mare parani mana eidi puhida tahati te diꞌa gre. Mana kabru ka naꞌau papara igne, naugna igne tahati au ka pharikeli. Eghuteuna ka nafneragna mana igre, tahati ke keli fapulo.

Profet Isaia 27:9

Jame te magnahagheni God te hata fadeleidi nakhiboda re na, tahati vikegna mae Jekop gre, tahati ginauna paꞌe soru nodi olta keha god igre mala bruja ghilei vuhai nakrofu kolho. Eghuteuna ginauna na theo kaisei mumuju god gaꞌase Asera ba kaisei olta mala gahu insens te au ka vido igne.

Ululahu Pita 2:24

Kate haghe te mala lehe ka gaju fafatha na, mae Kraes neke pala nakhibodare ka thinigna na. Mana neke eni igne mala tangomana tahati te lilisei ke leghuda puhigna nakhibo na nei tangomana leghuni u puhi te doglo ke ulugna God. Naugna ka nafneragna mana na, mana neke fakeli fapulo ghita.

Proveb 27:6

Iagho tangomana te rouronuni mae kheramu te fadogli nigho na, nu fiofilo nighoi ka mae naoka te fariuriu famaemahe nigho na.