Proveb 2:14 - Buka Blahi Ka Cheke Holo

¹⁴ Mare kelitadi ka thua glepo te diꞌa fateote'o, eghuteuna leghuni puhi te diꞌa na.

Proveb 2:14 ပူးပေါင်းရင်းမြစ်များ

Proveb 10:23

Naikno te theome autagna gaoghatho te keli na, keli tagna te eni puhi te diꞌa na. Nu naikno te autagna gaoghatho te keli na, mana kelitagna te eni puhi te keli nei doglo teuna.

Letas Teke Riso Tei Mae Pol Ka Khiloau Rom 1:32

Mare lasenihi nogna vetula God na la cheke eidihi iheire te edi glepo igre, mare nabadi na mala lehe kolho. Neuba, naiknore heta ghedi fara ka puhi te diꞌare, nei jaola keli tadi ka keha naikno te edila puhi te diꞌare.

Profet Jeremaea 11:15

“Iara namha ghami ghotilo, nu ghotilo edi kmana puhi te diꞌa fara. Eghume, mei mala unha si ghotilo ka nogu Sugablahi iara ignea? Ba? Nafnahi blahi te fafara ghotilo igre nate fakarhi ghami ghotilo na? Theo! Naugna kate edi ghotilo glepo te diꞌare, ghotilo neke keli tami fara.”

Ululahu Korin 13:6

Mana na theome mala gleale'ani unha glepo te diꞌa na, nu mala gleale'ani unha te tutuani na.

Profet Sefanaea 3:11

Ka narane tuana, ghotilo ginauna na theome mamajadi puhi te diꞌa teke edi ghotilo tifa ra. Naugna igne iara ginauna brue fajifladi naikno te fahaehaghe nei huhughu teu igre. Eghuteuna ghotilo ginauna au ka nogu Thogele blahi iara igne Jerusalem, eghuteuna ghotilo ginauna theome figri tagru ghau iara.

Profet Hosia 7:3

Lord ne cheke eghu, “King balugna nogna tothoghei funei na keli tadi fara kate filodi unha glepo te diꞌa nei nomhidi thoutonu chaichaghi eghu te edi naiknore.

Profet Habaku 1:15

Mae naokadi Babilonia igre korho naikno tei ka sosolo jateula mae te korho sasa ra eghu. Mae igre huhurudi naiknore mala jifla ka nodi namonore, jateula sasa te korho haghe ke lamna fangna re eghu. Eghuteuna kate eni igne, mare ne eha fabiꞌo, naugna mare gleale'a fara.

Proveb 21:10

Mae te diꞌa na magnahagheni fara puhi te diꞌa na, mana theome keli ranghini kheragna fofodu na.

Proveb 4:16

Mare theome thuru ghilei eni mare glepo te diꞌa na, ba goigonini keha mae na.