Proveb 19:29 - Buka Blahi Ka Cheke Holo

²⁹ Ihei te cheke diꞌa nei fahaehaghe teuna, mana ginauna au papara. Mae te fameomekro na ginauna soru khodo ka thagru na.

Proveb 19:29 ပူးပေါင်းရင်းမြစ်များ

Proveb 26:3

Hata khodo nei phukri eghu te mala saghe leghuni hose na, eghuteuna hata khodo te mala puphuri ka thagrugna mae te fameomekro na.

Proveb 10:13

Naikno te autagna gaoghatho te keli na tangomana te cheke fajiflai gaoghatho te keli na. Nu naikno te fameomekro na nabagna na au papara.

Proveb 9:12

Jame te au ka iagho gaoghatho te keli na, iagho ginauna gleale'a. Nu jame te tirouni iagho gaoghatho te keli na, iagho ngala nate au papara ginauna.

Hibru 12:6

Naugna God farirhiudi naikno te namhani mana re nei mana tangomana te puridi ka puhi farirhiu naikno te gnafa te kilodi goro thugnare.”

Profet Isaia 29:20

Nu naikno te paradi keha naiknore igre, Lord ginauna paradi fara. Ihei te cheke fadiꞌani puhi te doglo na ginauna ari theo nafugna. Eghuteuna iheire te eni fabrahu puhi te diꞌa na, Lord ginauna paradi fara mare.

Profet Isaia 28:22

Gognarona ghotilo thosei cheke faparini nogu cheke iara igne, te theo ghotilo na naꞌau papara malami ghotilo teku igne. Eghuteuna ginauna na thono diꞌa fara ka unha Lord mae ihei te au nolaghi fateote'o igne tela chekehi te mala goigonidi vido te gnafa ka noda namono tahati igne.

Proveb 18:6

Nogna cheke mae te fameomekro na mala faripholai ka keha mae na. Eghuteuna kate nomhini mare nogna cheke manare, mare magnahaghei te magrini mana.

Proveb 17:10

Cheke faheta ka mae te au tagna gaoghatho te keli na ghosei tughu nakarhagna na. Nu naikno te fameomekro na neubane purini kaisei gobi fata, mana theome tangomana te tughu nakarha na.

Proveb 7:22

Mae igne ne nomhidi nogna cheke naꞌa igre ne tei ke leghugna naꞌa jateula kaisei buluka te hata te tei mala falelehe ra neu. Ba jateula mae te noinoli te hata te tei ka suga sosolo ra neu.

Proveb 3:34

Mana faparidi iheire te cheke fapaiparini keha mae na, nu keli ranghidi iheire te nhaꞌa faparidi thedi.

Diutronomi 25:2

Jame mae fate cheke ka mare mala purini kaisei mae, mae igne thuru pari ka glose na ke ulugna mae fate. Aonu mare puphuri ka thagrugna mae igne niha fata te nabagna puhi biꞌo teke eni mana na.

Nodi Khoje Hatimare Mae Jiu 1:1

Keli tadi fara iheire te tirodi fanomho ka nodi farirhiu naikno te diꞌa puhidire. Eghuteuna tirodi gnokro baludi mala cheke fadiꞌa ni God.

Fapea Kings 2:24

Nu mae Elisa figri ne filo tutu ka mare, eghuteuna mana ne eha ka nanghagna Lord mala thokedi hoholo mae igre. Theome raugha, phei bea gaꞌasedi megei nga ne suplu mei ka namhata na ne falehedi phiatutu phei mae ka mae sitei igre.

Proveb 1:22

“Ghotilo iheire te theome au tami gaoghatho te keli ra, ghotilo magnahaghei te au jateula tuana eghu fabrahu? Ghotilo jateula naikno te fameomekro eghu. Ghotilo theome magnahaghei te hata glalase te keli, eghuteuna ghotilo cheke fahaehaghe tagna. Niha nau koko nga ghotilo puhi igne?

Proveb 1:26

Eghume, iara ginauna jaola eni nafnata puhi igne ka ghotilo. Kate thoke mei puhi biꞌo ka ghotilo na, iara ginauna maꞌe, nei cheke fahaehaghe eghu ka ghotilo.